Isaías 8:14 - Kashibo-Kakataibo Biblia

¹⁴ Ax ka mitsunan achúshi ñu ami ꞌia ñu biti nankë usa ꞌiti ꞌikën; ꞌianan ka maxá ami tatíkia uni chakákë usaribi ꞌiti ꞌikën, usa ꞌain ka ami Israel ñaká rabë́ ax ꞌiti ꞌikën; usai ka ami ꞌia ñu biti nankë usaribi ax ꞌain ami Jerusalénnu tsókë unikamax ꞌiti ꞌikën.

Isaías 8:14 ပူးပေါင်းရင်းမြစ်များ

Salmos 69:22

¡Usa ꞌain kamina min atúan timë́xun anu bukuxun piti ꞌakë anuxun piti ꞌaxun piaxa, anunbi atux ꞌatimanun ꞌimiti ꞌain!

Isaías 28:16

Usa ꞌain ka ësai Nun ꞌIbu kiaxa: ꞌËn kana Sión kakë ëmanu achúi maxax nanti ꞌain, ax ka achúshi maxax kupíirakë ꞌikën, ax ka achúshi maxax ami birukin xubu ꞌati nankë usaribi ꞌiti ꞌikën. Usa ꞌain ka uix kara ami katamëtia ax chuámarua tsóti ꞌikën.

Isaías 7:16

ꞌAínbi ka tuá ax kanikian añu kara ꞌati ꞌikë añu kara ꞌatima ꞌikë kiax sinanákëma ꞌaínshi, an mitsu rakuëmikë ëmanu ꞌikë ꞌapu rabë́ ax masókin ꞌakëbë ñankáishi bërúti ꞌikën.

Jeremías 6:21

Usa ꞌain ka Nukën ꞌIbu ësai kiakëxa: Ënë unikama ami nishkë unikaman ꞌanun kana ꞌamiti ꞌain. Aín papakama ꞌianan ain bakë bëchikëkama ꞌimainun a rapasu ꞌikë unikama ꞌimainun an ꞌunánkë unikamaxi ka bëtsi ꞌakësaribiti ñuti ꞌikën.

Ezequiel 3:20

ꞌAínbi ka uni upí achúshinën an ñu upí akë a ënkin ñu ꞌatima ꞌati ꞌikën, ꞌakë kana ꞌën anúan bamati ñu ꞌinánti ꞌain, usakin ꞌakëbi min kakëma bamakë ax ka min ꞌucha ꞌiti ꞌikën. Usai ꞌikëbëtanbi kana ꞌën an ka ñu upí ꞌakëxa kixun sinántima ꞌain, ax ka aín ꞌuchakënënbi bamati ꞌikën, ꞌaínbi kana ꞌën mi aín bamakë kupí uisa kupí kara bamaxa kixun ñukáti ꞌain.

Mateo 13:57

Usai canani ami nishcëxun isquin ca Jesusan atu cacëxa: —An Nucën Papa Dios quicë bana uni ñuixuncë unían bana ñuixunia ca unin cuatia. Usa ꞌaínbi ca axa anuax canicë unían anuaxa canicë menuxun bana ñuixunia, anu ꞌicë unicama ꞌimainun aín aintsi ꞌibucamanribi cuaisama tania.

Mateo 21:44

ꞌImainun ca a maxáxa an cuëëncëma unicama usaribi an ꞌë cuëëncëma uni ꞌicën. Maxáxmi tatiqui chacáquin ca maxáxmi rëracaquin aín namicama chacaia. ꞌImainun ca manánuax nipacëquin maxaxan uni chacaquin chëcaia.

Lucas 2:34

Sináncasmaiabi ca Simeónën acama Nucën Papa Dios ñucáxuntancëxun Jesusan tita, María, cacëxa: —Ënë tuá cania aín bana cuaisama tani ca ꞌitsaira Israel uni Nucën Papa Diosbë upíma ꞌiti ꞌicën. Usai ꞌicëbëbi ca ꞌitsa uníxribi aín bana cuati abë upíira ꞌiti ꞌicën. Uisai cara Nucën Papa Dios cuëënia quixuan unicaman ꞌunánun xucë ꞌaínbi ca ꞌitsa unix aín bana cuati cuëënima a ñui ꞌatimati banati ꞌicën.

Lucas 21:35

Sinaniamabi rican mapuquin unin tsatsa bicësa usaribiti ca unin sináncëbëmabi anun ꞌëx uti nëtë uti ꞌicën.

Romanos 11:35

Nucën ꞌIbu Diosan ca camabi ñu ainan ꞌiti oquin uniocëxa. Usa ꞌain ca aín bana cuënëo ësairibi quia: “¿An aribi ꞌinánun quixun sinánquin cara unin Nucën ꞌIbu Dios ñu ꞌinánti ꞌic? Ca ꞌinántima ꞌicën”. A ca aín unicaman xënibua ꞌaínbi rabiti ꞌicën. Usaquin ca ꞌati ꞌicën.

Josué 10:7

Ësokian Gabaónu ꞌikë ꞌapun kamikëx ka Josué Guilgalnuax axa rakuë́timaishi ꞌakanankë ain suntárukamabë küancëxa,

1 Pedro 2:8

ꞌImainun ca Nucën Papa Diosan bana ësai quia: A maxáxmi ca uni raírinëx tatíqui chacáti ꞌicën, a maxax chami chacati ca nipacëti ꞌicën. Maxax ñui quicë ꞌaíshbi ca a bana Cristo ñui quicë ꞌicën. An Jesusan bana cuaquinbi asérabi ami catamëquin aín bana quicësabi oquin ꞌacëma ax ca uni maxáxmi tatíqui nipacëcësaribi ꞌicën. Ui unicamax cara usai ꞌiti ꞌicë quixun ca Nucën Papa Diosan bëráma ꞌunáncëxa.