Isaías 8:13 - Kashibo-Kakataibo Biblia

¹³ Dios kamabi kushiñuira a kananuna ax ka upíira ꞌikë kixun kati ꞌain; kai kananuna ami kuni rakuë́ti ꞌain; usa ꞌain kananuna an nu iskëx ami rakuë́ti ꞌain.

Isaías 8:13 ပူးပေါင်းရင်းမြစ်များ

Génesis 31:53

Usokin kakëx ka min xuta Abraham ꞌimainun ꞌën xutókë Nahor aín Dios an nu uisakara nu rabë́ oti ꞌikën kiti ꞌikën. Usokin kakëxun ka Jacobnën Nukën ꞌIbu Dios aín papa Isaacnën rabia an ismainun sinanatëkëntima oi kikin rabiakëxa.

Éxodo 20:20

Ësai kiabi ka Moisésnën kakëxa: —Rakuë́axma ka ꞌik. Dios ax ka asérabi karanuna ami rakuë́ti ax kikësabi oi ami ꞌuchaima isnuxun nu tani uaxa.

Malaquías 2:5

Ësairibi ka Dios kiakëxa: ꞌËn achúshi ñu ꞌaxunkë an ka Levítan rëbúnkikama upiti tsónun ꞌimiakëxa, ꞌimikëxun ka an rakuë́ti uisaibi ꞌikima ꞌë rabiakëxa. A kana ꞌëx kikësoibi ꞌëmi rakuëkian ꞌë rabinun ꞌinánkën, usakin ꞌakëxun ka Levítan ꞌëmi rakuë́kin ꞌën kakësabiokin ꞌë rabiakëxa.

Números 27:14

mi rabëtan kamina ꞌën kakësabiokin ꞌakinma, anu uni ꞌikëma me Sin kakë anuxun israel unikaman ꞌumpax ñui bënëkin ñukákëxun atun ismainun ꞌën kakësabiokin ꞌama ꞌain. (Ënëx ka Meribá kakë ꞌumpax Cadés kakë ëma, anu uni ꞌikëma me Sin kakë anuaxmi ꞌia a ꞌikën.)

Mateo 10:28

An uni bëtsi bëtsi oquin bamamicë unicamami camina racuë́tima ꞌain. Usoquin ꞌaquinbi ca unin bëru ñunshin bamamitima ꞌicën. Usa ꞌain camina usa unimi racuëtima Nucën Papa Dios, an uni aín cushínbi bamamianan aín bëru ñunshínribi manë tsi anuaxa xënibua ꞌaínbi tëmërati anua ꞌinun ꞌimiti amishi racuë́ti ꞌain.

Lucas 12:5

A unicamamimi racuë́tima ꞌaínbi cana uimi caramina racuë́ti ꞌai quixun mitsu cati ꞌain. Nucën Papa Dios, an uni aín cushínbi bamamianan uni manë tsi anua ꞌinun ꞌimiti, amishi camina racuë́ti ꞌain. ꞌËn cana mitsu cain, camina asérabi ami racuë́ti ꞌain.

Romanos 4:20

Usai ca ꞌitima ꞌicë quixun sinánquinma, Nucën Papa Diosan ca asérabi aín quicësabi oquin ꞌati ꞌicë quixun sinani ami catamëquin ca Abrahamnën Nucën Papa Dios rabiacëxa.

Apocalipsis 15:4

Nucën ꞌIbu Dios, ¿uix cara mimi racuë́tima ꞌic? ¿Uin cara mi rabitima ꞌic? Mixëshi camina upíira upí sinánñu ꞌain. Mix upí sinánñu ꞌixun ñu upíshi ꞌaia iscë ꞌixun ca camabi menu ꞌicë unicaman mimi sinánquin mi rabiti ꞌicën.

1 Samuel 11:7

Usai nishkin ka vaca bënë rabë́ ꞌatankëxun tukapaxun, uni raíri an kamabi menu ꞌikë Israel kama nami paná ꞌinantanun xuakëxa. Xukin ka a xukë unikama a kakëxa: Ësokin kana Israel kama axa ꞌë ꞌimainun Samuel ꞌakanani kuania nuibiankëma ain vaca bënëkama ꞌati ꞌai kixun katánun kakëxa.” Usakin kamikëxun kuati ꞌitsaira rakuë́ti ka uixi bërútima Saúl ꞌimainun Samuelbëtan amia nishkë uni a ꞌanux timë́ti rikuatsiankëxa.