Isaías 8:11 - Kashibo-Kakataibo Biblia

¹¹ Diosan ka ax kushiira ꞌixun ꞌain mëkënan tuinkin bikësokin bixun, ënë unikama ꞌikësai kamina ꞌitima ꞌai kixun ꞌë kakëxa:

Isaías 8:11 ပူးပေါင်းရင်းမြစ်များ

1 Reyes 18:46

Usai ꞌimainun ka Diosan Elías kushioia tsitëkërëkinun kakëxa, kakëx ꞌaímai kushioi tsitëkërëkianan aín chupa mëniobiani kuanx ka Jezreel kakë ëmanu abákianx Ahab bëbatisa ꞌaímabi anpan bëbakëxa.

Salmos 32:8

Nukën ꞌIbu ka ësai kia: ꞌën kana mi usakinmi ñu ꞌati ꞌunánmiti ꞌain, ꞌianan kana ꞌën ꞌunánmikin bana ñuixunti ꞌain, kianan kamina uisa upí ñu karana ꞌati ꞌai ꞌë ismikatsi kian.

Proverbios 1:15

¡Usakin kakëxbi kamina atubë kuantima ꞌain bëná unikama mitsux! Usai ꞌikin kamina atúan ñu ꞌaisama ꞌakinkaskëxunbi atubëtan ꞌatima ꞌain,

Isaías 30:1

Ësai ka Nukën ꞌIbu asérabi kiakëxa: “¡Uisai kara mitsun bakë bëchikë bëbu ꞌimainun ꞌini xanukama atun kakëxun ꞌën bana kuaisama tania, usa ꞌixun atun ꞌëbë banaxunmabi ñu ꞌakatsi kixun atúnbi sinania, sinánkin ka usakin kananuna ñu ꞌati ꞌai kixun ꞌën sinánmikëxunmabi atúnbi sinánxun ꞌaia, usakin ꞌai ka atúxbi amiribi amiribi ꞌuchakania!

Jeremías 15:19

Usa aín ka Diosan ësakin ꞌë katëkëankëxa: ꞌËmi sinántëkënia kana ꞌën mi amiribishi bitëkënti ꞌain, ꞌëmi upíokin ñu ꞌaxúnun, usa ꞌain kamina upíokin ꞌë ñu ꞌaxunti ꞌain. Usa ꞌain kamina mix ꞌatimati banai min sinánkëshi banakë a ëni, mix an ꞌëx kikësa ꞌitánun an ꞌën bana upíokin ñuikë uni ꞌiti ꞌain. Usa ꞌain ka Israel unikama min ꞌën bana ñui kia kuati minu utëkënti ꞌikën, usa ꞌain kamina min atun kakëxun kuatima ꞌain.

Jeremías 20:7

ꞌËn ꞌIbu, min kamina ꞌë paránkën, usa ꞌikëbi kana minmi ꞌë paránun ꞌamian; usa ꞌikëbi kamina mix ꞌën kushisama ꞌixun ꞌë isin. Kamabi hora ka unikaman ꞌë ꞌusani ꞌëmi kuaikania.

Jeremías 20:9

Uínsaran nëtën karana ꞌëx kian: “ꞌËn kana amiribishi Nukën ꞌIbumi sinántëkëntima ꞌain, usa ꞌain kana amiribishi aín bana ñuitëkëntima ꞌain,” usa ꞌain ka min banakama ax tsi rëkirukënën ꞌakësa okin ꞌën xokama ꞌë ꞌukëmëuxun xarokësa okin ꞌaia. Usa ꞌain kana mixmi kikë banakama ꞌëbi ñuikinma sinaínshitisa tanin ꞌaínbi ka usokin ꞌaisama ꞌikën.

Ezequiel 3:14

Usa ꞌain ka Diosan kushi anua ꞌë chikíanxa, chikinkëx kana anuax masá nuitukë ꞌianan nishkë kuan, kuankinbi kana Diosan aín mëkënanbi kushiokin tuinkësa tan.

Hechos 4:20

An ñu ꞌaia isananu nun cuacë Jesusan bana ënë cananuna unicama ñuixuntëcënti ëntima ꞌain.