Isaías 8:10 - Kashibo-Kakataibo Biblia

¹⁰ ꞌIanan ka usakin kananuna ñu ꞌati ꞌai kixun atun sinaniabi, usakian ꞌanun ꞌamitima ꞌikën, Dios ax ka nubë ꞌikë usa ꞌixun.

Isaías 8:10 ပူးပေါင်းရင်းမြစ်များ

Génesis 21:22

Usai ꞌikë basirakëma ꞌaínshi ka ꞌapu Abimélec Abrahambë banai kuankëxa. Kuankëbë ka aín suntárunën kushi Ficol, axribi abë kuankëxa. Kuantankëxun ka Abimélecnën Abraham ësokin kakëxa: —Nun kananuna isan Nukën ꞌIbu Diosan ka kamabi añu ñukama karamina ꞌai akamabi mi ꞌakinia.

2 Samuel 15:31

Usa ꞌain ka inkiani kuaniabi David ñuixunkin kakëxa, Ahitófel an mi bana ñuixunkë aín kushi an ka usakinsa mi ꞌanun kixun Absalón ꞌësëkin kaia kixun, kakëxun ka Davidtan Ahitófel an usakinsa ꞌanun kaiabisa Absalónnën kakë bana kuamixuma ꞌanun kixun Dios ñukákëxa.

2 Samuel 17:23

Usa ꞌain ka Ahitófelnëx an kakësa okían Absalónnën ꞌakëma ꞌain, aín burro bibiani anua tsókë ëma anu ꞌikë aín xubunu kuankëxa kuanx ka anuax aín aintsikamabë banakin uisai kara atux ꞌiti ꞌikë kixun kakëxa, usakin katankëx sënë́anx abi tëtsëkiax. Ñukë ka anua aín papa ñukë maínkan me anubi maínkankëxa.

2 Samuel 17:4

Ësokian Ahitófelnën atu kakë bana ax ka Absalón ꞌimainun kamabi Israel unibunën kushikaman kuakëx asábi ꞌiakëxa.

2 Reyes 6:12

Kixuan kakëxunbi ka atu achúshinën kakëxa: Nukama achúshinëxbi kananuna anu ꞌikë ꞌapu bana ñuixuni kuaniman. ꞌAínbi ka an Dios kikë bana ñuikë Eliseo Israel ëmanu ꞌikë uni an kuni, kamabi minmi usakin ꞌakatsi kikë banakama Israel unikaman ꞌapu a ñuixunia anumi ꞌuxkë anuaxmi kikë bana abi ka an kuaxun ñuixunkësa ꞌitánun ñuixunia.

Job 5:12

ꞌimianan ka an uni paránti ꞌunairakë uni an usakin uni ꞌati sinánkë ꞌikëbi an sinánkësa okían ꞌanun ꞌamima.

Salmos 46:1

Nukën ꞌIbu Dios ax ka an nu kushionan ami katamëkëxun ꞌakinkë ꞌikën, usa ꞌixun ka uínsaran karanuna ꞌaisama ñu inuti anuabi nu ꞌakinia.

Salmos 46:11

¡Kamabi kushiiñu Nukën ꞌIbu ax ka nubë ꞌikën! ¡Usa ꞌaish ka Jacobnën Dios ꞌiá ꞌaish nun Diosribi ꞌixun nu ꞌakinia!

Salmos 46:7

¡Nukën ꞌlbu kamabi kushiñuira ax ka nukamabë ꞌikën! ¡Jacobnën rabia Dios ax ka aminu katamëkë ꞌikën!

Salmos 46:8

Rikuatsinxun kamina ñukama chaiirabu, kamabi menu Nukën ꞌIbun ꞌakëkama a isi uti ꞌain:

Isaías 41:10

ꞌËx kana mitsubë ꞌain usa ꞌain kamina rakuë́kantima ꞌain; ꞌëx kana mitsun Dios ꞌain usa ꞌain kamina rakuë́kantima ꞌain, ꞌën kana mitsu kushionan ꞌakinti ꞌain, ꞌën kana mitsu anun ꞌakánanti manë xëtokë ꞌën mëkënan tuínxun ꞌakësokin axa mimi nishkë unikamami kupitanuma ꞌanun ꞌamiti ꞌain.

Isaías 43:5

Mitsux kamina rakuë́tima ꞌain, ꞌëx kana mitsubë ꞌain. Usa ꞌain kana amiaxa bari urukë ꞌimainun amia bari kuabúkë, anuabi min unikama amiribishi timë́tëkënun ꞌimiti ꞌain.

Isaías 7:14

Diosan ka unibë ꞌikintankëma xanu: Xuntaku achúshi tuuñu ꞌinun ꞌimiti ꞌikën, ꞌimikëx bakëntankëxun ka Emanuel kakin anëti ꞌikën. Emanuel kikë ax ka, ‘Dios ka nubë ꞌikë ki kikë ꞌikën’.

Isaías 8:8

usai ꞌikin ka Judá ëma anubi sënë́nkin ꞌumpaxan mapukësa ꞌitánun asirio suntárukaman ꞌati ꞌikën. ꞌAkin ka ñuina pëchiñunëa pëókikin aín pëchin mapukësa okin maputi ꞌikën, usakin ka anua Diosan kaískë unikama bukukë me a ꞌati ꞌikën, ꞌaínbi ka Dios nubë ꞌiti ꞌikën.”

Isaías 9:6

Usa ꞌain ka nunu achúshi tuá bakënun ꞌimiaxa, Diosan ka nukama achúshi tuá ꞌinánxa, a tuá ka axa ꞌapu ꞌitiokin aín kushi ꞌinánkë ꞌiti ꞌikën. Usa ꞌikë ka ësokin kakë ꞌiti ꞌikën: “An bana ñuixunkin ꞌësëkëxun kuati upitani kuëënti,” “Dios uínbi kanantisama,” “Nukën papa Dios axa këñutima oi tsókë,” “Achúshi ꞌapun rëkuë́n bëchikë chuámarua ꞌinun uni ꞌakinux bakë́an.”

Joel 3:9

Ësai ka Dios kiaxa: kamabi ëmanu ꞌikë unikama ka ësokin kati ꞌikën: ¡Kamabi aín suntárukamaxa Diosan unikamabë ꞌakananux mëkëti mëníokanun ka kati ꞌikën! ¡Axa ꞌakánanti rakuëma suntárukama a kamina kuënti ꞌain! ¡Usakin ꞌakëx ka ꞌakánanti ꞌunairakama ax abi rëkuë́nkiani ꞌakanani kuanti ꞌikën!

Números 14:9

Usa ꞌain kananuna nun Nukën ꞌIbumi ꞌatimakin ñui, a menu ꞌikë unikamami uakamë iëoia rakuë́tima ꞌain, akamax ka nux ami rakuë́tisama ꞌikën; ꞌianan ka an atu ꞌakinti ꞌaíma ꞌikën, nux kananuna an nu ꞌakinti Nukën ꞌIbubë ꞌain. ¡Usa ꞌain kamina rakuë́tima ꞌikanin!

Mateo 1:23

Xanu achúshi unibë ꞌicëma pain ꞌaish ca tuñu ꞌitancëx bacë́nti ꞌicën. Aín tuá ax ca Emanuel caquin anëcë ꞌiti ꞌicën. Emanuel quicë ax ca “Nucën Papa Dios ca nubë ꞌicë” qui quicë ꞌicen.

Mateo 28:20

Nashimianan camina ꞌën mitsu ñuixuncë banacama ꞌunánmiquin a banacama quicësabi oquin ꞌanun quixun atu ꞌunánmiti ꞌain. Usaquin ꞌaquin camina ꞌunánti ꞌain, ꞌëx cana camabi nëtën usaquin ꞌacë ꞌën unicamabë ꞌain, ꞌëx utëcënti nëtë sënë́ntamainun. Ashi.

Romanos 8:13

Axa ënë nëtënu ꞌicë ñuishi sinani aín cuëëncësa oíshi ꞌicë uni ax ca Nucën Papa Diosnanma ꞌaish abë ꞌitima ꞌicën. Usa ꞌaínbi ca an Nucën Papa Diosan Bëru Ñunshin Upitan sinánmicësabi oquin ñu ꞌatima ꞌati ëncë uni, ax cuni ainan ꞌaish Nucën Papa Diosbë ꞌiti ꞌicën.

Romanos 8:31

¿A ñucama sinánquin cananuna ꞌunanin, Nucën Papa Diosan bërúancë ꞌicë ca an ëncëma ꞌicë uínbi uisashi cara oquinbi a nubë ënanamima.

Josué 1:5

Uínbi ka uisaxunbi mibë ꞌakanankin mitsu kanantima ꞌikën, ꞌën kana Moisés ꞌasaribiokin, ꞌën kushínbi ꞌakianan uínsarabi ënkinma mi ꞌakinti ꞌain.

1 Juan 4:4

ꞌËn bëchicësa unicama, mitsux camina Nucën Papa Diosnan ꞌain. Nucën Papa Dios axa mitsubë ꞌicë aín cushibëtan sënë́nma ca an ënë nëtënu ꞌicë ñuishi sináncë unicaman cushi ꞌicën. Usa ꞌain ca an Cristo ꞌatimaquin ñuicë unicaman sinanëx mitsun sinánbëtan sënë́nmara ꞌicën.