Isaías 7:2 - Kashibo-Kakataibo Biblia

² Usai ꞌikëbëtan ka a nëtë kaman ꞌapu Ahaz ꞌimainun aín aintsikama ꞌunánun ënë bana ñuixuni kuankëxa: Kuanxun ka siria unikamabë ka Efraínën rëbúnkikama mitsu ꞌanux birananxa kixun kakëxa. Ësakian kakëxun kuati ka ꞌapu Ahaz ꞌimainun anua ꞌikë unikama rakuëntan bamai bërëkirui nikama suñun bëkakëx ꞌikësaribiti bërëi ꞌikankëxa.

Isaías 7:2 ပူးပေါင်းရင်းမြစ်များ

2 Samuel 7:16

Min rëbunki ꞌimainun mix ꞌapu ꞌikë ax ka ꞌën bëruankëx uisaibi ꞌikëma ꞌiti ꞌikën, ꞌimainun ka mix anu tsóti ax anubi ꞌitiokin nankë ꞌiti ꞌikën.”

1 Reyes 11:32

Usa ꞌain kana Salomón achúshi ñakánu ꞌikë unikaman ꞌapuishi ꞌinun ꞌimiti ꞌain, aín papa Davidtan ka ꞌën kakësabiokin ꞌakëxa ꞌimainun kana Jerusalén ëma ꞌënbi Israel unikaman ëmanua kaisakën.

1 Reyes 12:16

Usa ꞌain ka axa a isi kuankë Israelnën ꞌapukama atun kakëxun kuaisama tankë a sinánkin ësokin atun kakankëxa: “¡Nukaman kananuna Davidtan aintsi nun ꞌapu ꞌiti kuëënima! ¡ꞌImainun ka Jesénën bëchikë Davidtan añu ñubi nu ꞌaxunkëma ꞌikën!” ¡Nun xubunubi kananuna kuantëkënti ꞌain kiax ka israel unikama kanankëxa! ¡Usa ain ka David ain aintsikaman ꞌapubi ꞌiti ꞌikë kiax ka kikankëxa! Ësokin kabiani ka Israel unikama aín xubunubi rikiankankëxa.

Isaías 6:13

ꞌIanan ka cien uni buankëbëa mapai rabë́ uni bërúkë akamaxribi këñúkë ꞌiti ꞌikën, usakin ꞌakëx ka i unin bëríbi tëakëx ꞌikësai ꞌain buru ishi bërúkë usairibi ꞌiti ꞌikën” (ꞌaínbi ka aín mo bërúkë axa upíira ꞌinun kotëkënkë, usaribiti anuax an kuëënkësa okían ꞌati unikama mëratëkënti ꞌikën).

Isaías 7:13

Ësai kia ka Isaíasnën kakëxa: “Ësokin mitsu kamainun kamina ꞌapu Davidtan rëbúnkikama mitsun kuati ꞌain: ¿Mitsun iskëx kara unikama anribia, ꞌën Dios ubioisa tankë akamaribi ubioti asábi it?

Isaías 7:17

Usai ꞌikëbëtan ka Diosan mitsu ꞌianan, min unikama ꞌimainun, ꞌapun aintsikamaxa Efraínbëa Judá ënanainsamapain ꞌain ꞌiásamaira ꞌinun, a nëtëkama ꞌikëbë tëmëranun ꞌimiti ꞌikën.” (Ënëx ka Asirianu ꞌikë ꞌapu ukëbë usai ꞌiti ñuia kia bana ꞌikën.)

Isaías 7:5

Sirio unikamax ka Efraínën rëbúnki ꞌimainun Remalíasnën, bëchikë achúshi abëmi ꞌaisama oti sinani kananxa. Kánani ka ësai kiaxa:

Isaías 8:12

“Usa ꞌain kamina mitsun unëxun ënë ëmanu tsókë unikaman sinánkë bana ñui bëtsi unikama kikë a usa ka kixun sinántima ꞌain. ꞌIanan kamina atux ami rakuë́kë ñukama ami rakuë́ti ratutima ꞌain.

Mateo 2:3

Usaía quia a bana cuati ca Herodes ꞌimainun Jerusalénu ꞌicë unicama masá nuituti, uisa cara ënë ñu ꞌiti ꞌicë quiax sináncasmacëxa.