Isaías 65:3 - Kashibo-Kakataibo Biblia

³ A unikamax ka ꞌën kuamainunbi nëtëtibi ꞌëmi ꞌatimati abi banakin ꞌë ꞌatima tamia; atun dioskama anua ñu ꞌapákë naënuxun ñuina xaroxuankëxa ꞌanan ka anuxun ñuina xaroti ladrillo ꞌakë anuxun sanuira ro aribi mënuakëxa.

Isaías 65:3 ပူးပေါင်းရင်းမြစ်များ

2 Reyes 22:17

Atun ka ꞌën kakësokin ꞌakë a ëntankëxun, bëtsi dioskama a rabikin ñu xaroxuanxa, usokin ka ꞌë nishmikin a ñukama uisokin ꞌati kara kuëënia usabiokin ꞌaxa; usa ꞌain kana atumi ꞌaisamaira oi nishin, usa ꞌixun kana ñu ꞌatima ꞌaishia bukunun ënkinma atu ꞌatima oti ꞌain.

Job 1:11

ꞌAínbi kamina usai kara mimi ꞌatimokin sinani banaia isnuxun ain ñukama bikuanti ꞌain.

Job 2:5

Usa ꞌaínbi ka minmi ꞌinsinun ꞌimikëxun tani tëmërakin min bëmánanubi ꞌatimakin mi ñui banati ꞌikën.

Isaías 1:29

Usokin ꞌakëbë kamina anuxunmi mitsun dios rabikankë ñu ꞌapákë naëkama anu buküax kuëënkimi dios rabikankë anuax rabinkanti ꞌain.

Deuteronomio 32:21

ꞌË kamina diosmabi bëtsi dios rabikin nishmian, usa ꞌain kana ꞌënribi mitsu nishmikin ꞌën uni ꞌikëmabi bëtsi uni ꞌën uni ꞌimiti ꞌain, ꞌimikëbë ka atux ꞌatima okin sinani nishti ꞌikën, ¡usa ꞌain kana ꞌën bana kuaisama tankë unikama ꞌën uni ꞌimiti ꞌain, ꞌimikëbë ka ꞌën unikama atumi nishti ꞌikën!