Isaías 65:23 - Kashibo-Kakataibo Biblia

²³ Usa ꞌain ka ꞌën unikaman ñu mëëkë ax ñankabi ꞌakëma ꞌiti ꞌikën, ꞌianan ka atun bëchikëkamax anun bamati nëtë ꞌikëma ꞌaínbi bamatima ꞌikën, atux ka ꞌën kaískë unikaman rëbúnki ꞌikën. Atux ka Nukën ꞌIbu ꞌupiokin sinánxuan unikama aín bëchikëkama ꞌikën, usa ꞌaish ka aín rëbúnkikama atúxribi usaribi ꞌiti ꞌikën.

Isaías 65:23 ပူးပေါင်းရင်းမြစ်များ

Génesis 12:2

Min rëbúnki kamabëtan kana achúshi ëma chaiira ꞌanuxun ꞌain; ꞌanan kana upíokin sinánxunti ꞌain, usakin ꞌaia iskin ka bëtsi unikaman a unikamax ka sinánñuira ꞌianan kushiirabu ꞌikë kiax kiti ꞌikën, mi kupín kana kamabi menu ꞌikë unikama upitax bukunun upíokin sinánxunti ꞌain.

Génesis 17:7

ꞌËn kana achúshi ñu mibëtan ꞌain ꞌimainun kana min rëbúnki kamabëtanribi ꞌanuxun ꞌain, usa ꞌain kana ꞌëx min Dios xënibua ꞌaínbi ꞌiti ꞌain, ꞌianan kana atun Diosribi ꞌinuxun ꞌain.

Isaías 44:3

ꞌën kana anu uni ꞌikëma menua ꞌumpax ꞌinun ꞌimiti ꞌain, ꞌimianan kana me ëskikë anuribia xëxákama rakanu ꞌimiti ꞌain. ꞌËn kana min rëbúnkikama amiribishi upiti tsókanun ꞌimianan, upíokin sinánxunkin ꞌakinti ꞌain.

Isaías 49:4

ꞌËn kana sinánkë ꞌian: “Ñankáishi kana ñu binuxumabi tëmërai tëkin ꞌën kushi këñuin.” ꞌAínbi ka asérabi ꞌën ꞌakë ñukama ax Nukën ꞌIbunu ꞌikën, ꞌën biti ñukama ax ka kushi ꞌixun Diosan ꞌë ꞌinánkë ꞌiti ꞌikën.

Isaías 55:2

¿Uisa kupín kaina kuríkinën a piti ñu ꞌakësokin pitima ñu a kupíoti ꞌain? ¿Uisa kupín kaina të́xumi bikë kuríki anun pitima ñu kupíoti ꞌain, a kana ꞌa kixun sinani kuëëntima ñu a kupíoti ꞌain? Upiokin kamina ꞌën kakëxun kuati ꞌain, kuakin kamina upiokin ꞌakë piti nëish irakama piti ꞌain.

Isaías 61:9

Usa ꞌain ka aín rëbúnkikamax bëtsi bëtsi menu ꞌikë unikaman upíokin ꞌunánkë ꞌiti ꞌikën; usokin ꞌunánkë ka an iskë unikaman, atux ka Nukën ꞌIbunbia aín uni ꞌikë upíokin sinánxukin ꞌakinkë ꞌikë kixun ꞌunánkanti ꞌikën.

Ezequiel 36:29

Usakin ꞌimikin kana amiribishi ꞌatima ñu ꞌai ꞌuchatëkënun ꞌimikinma atun piti ꞌitsaira trigo ꞌinun ꞌimikin, panani tsónun ꞌimitëkëntima ꞌain.

Malaquías 3:10

Mitsun kamina kamaxunbi anuxun ꞌë rabiti xubunu nankë ñu upíira a kamaira ꞌinankimabi ꞌë ꞌinánti nankë a ꞌë nanxunti ꞌain, usakin ꞌakëbë ka sacerdote ꞌimainun levitakaman piti ꞌitsaira ꞌiti ꞌikën. Usakin a ñu ꞌakin kamina ꞌë tanti ꞌain, tankëxun kana ꞌëx kikësokin ꞌakin naíkamë ꞌëo xëkuëkama xëókikëbë ꞌikësa ꞌinua mitsunu a piti ñu ꞌaisamaira ꞌinun ꞌimiti ꞌain.

Hechos 2:39

Ënë banacamax ca mitsu ꞌimainun mitsun bëchicëcama ꞌimainun bëtsi unicamanribi cuati oquin Nucën Papa Diosan mënío ꞌicën. Amia sinánmisa tancë unicamanribi cuati oquin ca usoquin mëníocëxa.

Romanos 4:16

Usa ꞌain ca Nucën Papa Diosan Abraham ꞌimainun aín rëbúnquicamaxa atun ñu ꞌacë cupíma ami catamëtíshi asérabi ainan ꞌiti mëníocëxa. Judíos unibu, an atun cuati bana quicësabi oquin ꞌacë, a unicamaishima, uicamax cara Abraham ꞌicësaribiti Nucën Papa Diosmi catamëtia, a camabi ca Nucën Papa Diosan ainan ꞌinun ꞌimia. Usa uni ꞌaish cananuna nucamaxribi Abrahamnën rëbúnquisa ꞌain.

1 Corintios 15:58

ꞌËn nuibacë xucë́antu, uisa ñu cara ꞌicëbëbi camina ëníma ami catamëti Nucën ꞌIbu Jesucristo cuëëncësabi oi ꞌiquin aín bana unicama ñuixunti ꞌain. Camina ꞌunanin, usaquinmi Cristonëan cushiocëxun ꞌacë ax ca ñancábimi ꞌacëma ꞌicën. Usaquin ꞌunánquin camina ënquinma mitsun ꞌacësamaira oquin nëtë camabi ꞌati ꞌain.

Gálatas 3:29

Mitsux Cristonan ꞌaish camina axa ꞌiásaribiti Nucën Papa Diosmi catamëcë ꞌaish Abrahamnën rëbúnqui ꞌain. Usa ꞌaish camina Nucën Papa Diosan aín rëbúnqui ñuiquin Abraham cásabi oi aín uni ꞌain.