Isaías 64:7 - Kashibo-Kakataibo Biblia

⁷ Uinu ꞌikë unibi ka an mi ꞌakinun kixun ñukákë ꞌaíma ꞌikën, ꞌianan ka an mimi kushikin ꞌakinun kixun barikë ꞌaíma ꞌikën; usa ꞌain kamina nukamami kasuakëkin nu ëan, nun ñu ꞌatima ꞌai ꞌuchakë kupín kamina nu rakan.

Isaías 64:7 ပူးပေါင်းရင်းမြစ်များ

Salmos 100:3

Usai ꞌikin kamina upíokin Nukën ꞌIbu ax ka Dios ꞌikë kixun ꞌunánkanti ꞌain; an ka nu uniokëxa usa ꞌaish kananuna ainan ꞌain; nux kananuna ain unikama ꞌain, ¡usa ꞌikë ka unían ain ñuina ꞌarakakësa usaribi ꞌikë nu bërúaia!

Salmos 14:4

An ñu ꞌatima ꞌatishi sinánkë unikaman ka bana kuatima, usa ꞌixun ka atun pán unin pikësa usaribi okin ꞌën unikama këmëkin ꞌaia, usakin ka an Dios rabikëma unikaman ꞌaia.

Éxodo 32:12

¿Uisoti karamina egipcio unibunëxa mi ñui Diosan ka anu uni ꞌikëma menuxun këñuminuxun Israel unikama ënua chikínbiankin uanxa kinun këñumiti ꞌain? Usa aín kamina nishkinbi; Israel unikama këñútimi sinánkë a ënti ꞌain.

Isaías 1:15

Uínsaran kaina ꞌë ñukákin manámi okin mëkën birui ëbë banain, anunbi kana ꞌën usakin ꞌaia mitsu istisama tani ꞌamo kuainakëtin; ꞌimainun kana ꞌitsaira ëbë banakin ñukákëxunbi, ꞌën a banakama kuatima. Mitsun mëkënkama ax ka anun uni ꞌakë ꞌaish imin mëshikikësa ꞌikën.

Isaías 45:9

Achúshi tasun me ꞌakë an ka asaribi tasunbëtan, an ꞌakë uni a kuëbitima ꞌikën. Chua me an ka anun tëkin ꞌakë uni a katima ꞌikën: “¿Añu kaina min ꞌai kixun kati ꞌik?” ꞌimainun kara an ꞌakë ñu anbi an ꞌakë a kati ꞌikën: “Mix kamina tëëti ꞌunánma ꞌai kixun.”

Isaías 50:2

¿Uisa kupín karana ukin ꞌën uibi mërama ꞌain? ¿Uisa kupín kara kuënkëxunbi uínbi ꞌë káma ꞌik? ¿ꞌËx isana mitsu ꞌakinsama ꞌai kixun kaina sinánkankën? ¿ꞌËn isana mitsu chikintima ꞌai kixun kaina sinánkankën? ꞌËx usai ka ꞌiti ꞌikë kiax kikëbëshi ka parúmpapa ëskiti ꞌikën, ꞌimainun ka bakakamaxribi anu uni ꞌikëma mesa ꞌitánun aín ꞌumpax ꞌaíma ꞌiti ꞌikën; usai ꞌikëbë ka anu ꞌikë tsatsakama ꞌumpaxñuma ꞌain xanan bamai chë́kia.

Isaías 54:8

Uínsaran karana ꞌëx mimi nishakën anu kana, ꞌitsama nëtë́ishi mimi mëráma ꞌain, ꞌaínbi kana ꞌëx nuibanairakë ax nëtë́tima ꞌain mi nuibakën.” Usai ka min ꞌIbu an mi bitëkënti ax kiaxa.

Isaías 63:16

¡Mix kamina nukaman papa ꞌain! Abrahamnëa nukama ꞌunanima ꞌimainuan Israel unikama numi sinánkëbëmabi kamina, Nun ꞌIbu ꞌianan nukaman papa ꞌain; usa ꞌixun kamina ënënsaran nëtëma ꞌa ꞌixunma min ꞌakësabi okin nu bitëkënin.

Oseas 5:15

Usakin ꞌatankëx kana anu ꞌëx ꞌikë anu, atunbia sinanakin kana ꞌucha kixun ꞌë baritamainun kuanti ꞌain. Tëmërai bënë́kin ka atun ꞌë bariti ꞌikën.”

Malaquías 1:6

Ësokin ka Dios kamabi kushiñu an sacerdote unikama kaia: Aín bakë bëchikë bëbukaman ka aín papakaman kakëxun kuati ꞌikën, ꞌimainun ka an ñu mëmikë uni aín banakama an ñu mëëxunkë atúnribi kuati ꞌikën. Usaribiti kana ꞌëx mitsun papa ꞌain, ¿Uisa kupín kaina mitsun ꞌën kakëxun kuaisamatankanin? ꞌËx kana an mitsu ñumëmikë uni asa ꞌain, ¿uisa kupín kaina ꞌën kakësokin mitsun ꞌaisamatankanin? Mitsun kamina ꞌë istisama tankanin, usai ꞌibi kamina mitsux ësai kikanin: ¿Añu ꞌaxunkima karanuna mi timan?

Malaquías 2:10

¿Kamabi nukamax karanuna achúshi papañushima ꞌain, ax kara Dios an nu kamabi unio ꞌama ꞌik? ¿Uisa kupín karanuna nukamax bëtsi bëtsibë paránankin, nun chaitiokë kamabëtan Diosan ꞌa achúshi ñu a ꞌaisama oin?