Isaías 64:6 - Kashibo-Kakataibo Biblia

⁶ Kamabi nux kananuna uni achúshi upíma chuakë usaribi ꞌain; kamabi nun ꞌakë ñu upíkama ax ka chupa chua usaribi ꞌikën; ꞌimainun kananuna nukamax pëi chushitankëx rëukubukë usaribi ꞌain, ꞌianan ka nun uni rëtëkë ax ka nun ñu ꞌatimaira ꞌakin, a tanti bana kikësokin ꞌakinma uni ꞌakë ax suñun kuainkin pëi pukë usaribi ꞌinun nu ꞌimia.

Isaías 64:6 ပူးပေါင်းရင်းမြစ်များ

2 Samuel 22:46

bëtsi menu tsókë unikamax ka ꞌëbë ꞌakánanti sinaxbi amiribishi rakuë́akëxa, usai ꞌika uinu kara unëaxa anuaxbi chikíküatsini rakuë́tan bamai ꞌëmi katamëti ukankëxa.

Job 14:4

Uínbi ka bëtsi uni asérabi upí ꞌinun ꞌatima ñunua mënioima, usa ꞌain ka kamabi unix aín titan tuákë ꞌikën.

Salmos 1:4

Usa ꞌaínbi ka an ñu ꞌatima ꞌakë unikaman ꞌakë ñux usai ꞌima, usa ꞌaish ka atun ꞌakë ñux ni pëchi chushikë suñun tákakin pukë usaribi ꞌikën.

Salmos 14:4

An ñu ꞌatima ꞌatishi sinánkë unikaman ka bana kuatima, usa ꞌixun ka atun pán unin pikësa usaribi okin ꞌën unikama këmëkin ꞌaia, usakin ka an Dios rabikëma unikaman ꞌaia.

Salmos 51:5

Asérabi kana ꞌën titan tuakëxbi ꞌuchañu ꞌiakën; usa ꞌaish kana ꞌën titan puku ꞌukëmëu ꞌaishi ꞌuchañu ꞌiakën.

Isaías 1:28

ꞌaínbi kana an bana kuakëma unikama ꞌimainun ꞌuchañu unikama ꞌianan an ꞌën bana kuaisama tankë a unikama bamati ꞌikën.

Isaías 1:30

Mitsux kamina i aín pëchi ëskikë usaribi, ꞌianan naë anu ñu ꞌapákë ꞌumpaxñumasa ꞌain ëskikë usaribi ꞌinuxun ꞌain.

Isaías 43:22

ꞌAínbi kamina Israel unikama Jacobnën rëbúnki, mitsun ꞌë baritisama tani atsankin ꞌë ënkankën.

Isaías 46:12

Kamina kuakanti ꞌain, bana kuakëma unikama, anun ꞌën mitsumi nishkë unikamanua mitsu chikíntisa basipain ꞌikë kixun kamina sinan kanin:

Isaías 50:1

Ësai ka Nukën ꞌIbu kia: “¡ꞌËn kana Israel unikama mitsun tita ꞌikëbi rakankë kixun kamina sinánkantima ꞌain, achúshi unin aín xanu ënkin rakankë usaribi okin, usokin ꞌanan karana mitsu ñu mëmikë uni ꞌakësokin ama ꞌain bëtsi uni ribinxun akësokin ꞌama ꞌain! Mitsux kamina mitsun ꞌuchakë kupín marukë ꞌiakën; Israel unikama mitsun titax ka timakin rakankësa ꞌiakëxa, mitsun kakëxunbi ꞌën bana kuaisama tankë kupín.

Isaías 50:2

¿Uisa kupín karana ukin ꞌën uibi mërama ꞌain? ¿Uisa kupín kara kuënkëxunbi uínbi ꞌë káma ꞌik? ¿ꞌËx isana mitsu ꞌakinsama ꞌai kixun kaina sinánkankën? ¿ꞌËn isana mitsu chikintima ꞌai kixun kaina sinánkankën? ꞌËx usai ka ꞌiti ꞌikë kiax kikëbëshi ka parúmpapa ëskiti ꞌikën, ꞌimainun ka bakakamaxribi anu uni ꞌikëma mesa ꞌitánun aín ꞌumpax ꞌaíma ꞌiti ꞌikën; usai ꞌikëbë ka anu ꞌikë tsatsakama ꞌumpaxñuma ꞌain xanan bamai chë́kia.

Isaías 53:6

Kamabi nukamax kananuna ovejakama nëtë́kësa ꞌinun, nukamax achúshi achúshinëx nun kuëënkësoishi niakën, ꞌaínbi ka Nukën ꞌIbun ainansa ꞌikë nun ñu ꞌatima ꞌakëkama kamabi nukamanua mëníokëxa.

Isaías 6:5

Usakin ꞌaia iskin sinani kana ësai kian: “¡Uisai karana ꞌiti ꞌain, bërí sapi kana bamati ꞌain! ꞌËnbi kana ꞌapu ꞌaish kamabi kushiñu Dios a isan; ꞌëx kana achúshi uni ꞌën kuëbitan ꞌatimati banakë ꞌimainun, kana achúshi ëma ꞌatimati banakë unikama nëbëtsi tsotin.”

Isaías 8:17

Nukën ꞌIbu Dios an aín unikama Jacobnuaxa mërá, atu ꞌakinsama tankëbëbi kana ꞌëx ënima ami katamëtin. ꞌËn kana an ꞌakintishi kainin.

Daniel 9:13

Kamabi ñu ꞌatimakama nuxnu ꞌinúkë ax ka Moisésnën kuënëo bananu kikësabi oi ꞌia; usa ꞌaínbi kananuna nun mixmi nun Dios ꞌikë mi barikëma ꞌain, ꞌianan kananuna nun ñu ꞌatima ꞌakëkama abi ënkëma ꞌain, ꞌimainun kananuna min bana kikësoibi ꞌikëma ꞌain.

Oseas 4:19

¡Usakin atun ñu ꞌakë ax ka suñu bëkikin nuámikësa ꞌiti ꞌikën, usa ꞌaish ka atun ñu rabikë anubi katë́kë ꞌiti ꞌikën!

Romanos 7:18

Ënëx ca ësa ꞌicën. Cananuna ꞌunanin, nun sinan upíma ꞌixun cananuna ñu upí ꞌatima ꞌain. Ñu upíshi ꞌaisa tanquinbi cananuna nun sinan upíma ꞌixun ꞌaiman.

Romanos 7:24

Usa ꞌaish cananuna masá nuituirai sináncasmain. ¿Nun sinan upíma ꞌaish Nucën Papa Diosbë ꞌitimoi bamaima ꞌinun cara uin nu ië́miti ꞌic?

Filipenses 3:9

Usa ꞌaish cana usai judíos unicama ꞌiti Moisésnën cuënëo bana quicësabi oquin ꞌacë cupíma axa ꞌëbë ꞌinun Cristomi catamëcë cupíshi Nucën Papa Diosan iscëx upí ꞌain. Usa ꞌicë ca an axa Cristomi catamëcë aín unicama ꞌacësaribi oquin Nucën Papa Diosan ꞌë upí isia.

Tito 3:3

Nuxribi cananuna sinánñuma ꞌaish Nucën Papa Diosan bana quicësabi oi ꞌiáma ꞌain. Usa ꞌaish cananuna ñu ꞌatimaishi ꞌanúan bëtsi unin sinánmicëxun ꞌanan nunbi sinani nux cuëëncësabi oi ñunshini ꞌiacën. ꞌAisama ñuishi ꞌanan cananuna bëtsi unimi nutsianan numia uni nishcëx abë nishanancën.

Apocalipsis 7:13

Nucën Papa Dios rabicëbëtan ca aín anu tsótinu tsócë caniacëcë uni achúshinën ꞌë ñucáxa: —¿An chupa uxua pañucë unicama ënëx cara ui ꞌic? ¿Uinuax cara uax?