Isaías 64:2 - Kashibo-Kakataibo Biblia

² ꞌianan ka tsi rëkirukin i muxañukama xarokin këñukësaribi ꞌianan, anun ñu ꞌarukëxun ꞌumpaxan kubinmikë usaribi ꞌiti ꞌikën. Usa ꞌain ka axa mimi nishkë unikaman mix kamina kushi ꞌai kixun unántsianxa, ꞌimainun ka kamabi menu ꞌikë unikamaribi mimi rakuë́ti bërëtsianxa.

Isaías 64:2 ပူးပေါင်းရင်းမြစ်များ

Salmos 46:10

¡Usakin ꞌamikëxun ka! “¡ꞌËx kana Dios ꞌai kixun ꞌunánkanti ꞌikën, kamabi menu ꞌikë unikama manámi kana ꞌëx ꞌain! ¡ꞌËx kana kamabi me manánmira ꞌain!”

Éxodo 14:4

ꞌAínbi kana ꞌënbi faraón aín sinán iruarakin, aín suntárukama mitsux kuania nuitanun xunun sinánmiti ꞌain; usakin ꞌaiabi kana ꞌën faraón këñunbi aín suntárukama ꞌën kushi ismiti ꞌain, ꞌimainun ka egipcio unikaman ꞌëx kana kamabi unikaman ꞌIbuira ꞌain kixun ꞌunánti ꞌikën. Usakin ka israel unikama ꞌakëxa.

Isaías 63:12

¿Uinu kara aín kushin Moisés ꞌakian ax ꞌik? ¿Uinu kara aín unikaman ismainun parúmpapa panarabënun uinsaranbi nëtë́tima okin ꞌimia ax ꞌit?

Amós 4:12

“Usa ꞌain kana Israel unikama mitsu usaribi okin ꞌati ꞌain; ꞌën kana ꞌai usa ꞌain, ¡usa ꞌain kamina mitsux Diosbë mërananux mëníokakanti ꞌain!”

Miqueas 1:4

Aín taë shimuküax ka aín bashikamax unin xara tsinu ꞌarukëx charákësa usaribiti ꞌinun ꞌiti ꞌikën, ꞌimainun ka me sapankamaxribi bakan kushiira ꞌëkin panarabëtanun tukakësa usaribiti ꞌiti ꞌikën.