Isaías 61:9 - Kashibo-Kakataibo Biblia

⁹ Usa ꞌain ka aín rëbúnkikamax bëtsi bëtsi menu ꞌikë unikaman upíokin ꞌunánkë ꞌiti ꞌikën; usokin ꞌunánkë ka an iskë unikaman, atux ka Nukën ꞌIbunbia aín uni ꞌikë upíokin sinánxukin ꞌakinkë ꞌikë kixun ꞌunánkanti ꞌikën.

Isaías 61:9 ပူးပေါင်းရင်းမြစ်များ

Génesis 22:18

usa ꞌain ka kamabi menu ꞌikë unikama atu kupin upíokin sinánxunkë ꞌiti ꞌikën, min kamina ꞌën kakësabiokin ꞌan usa ꞌain.

Génesis 30:27

Kakëxunbi ka aín kuku Labánën kakëxa: —Usama ka ꞌëbëbi ꞌi kamina bërúti ꞌain. ꞌËn kana ꞌunanin Nukën ꞌIbun ka ꞌën sinánkëxun mix ënu ꞌëbë ꞌain ꞌitsaira ꞌë ꞌakinia usa ꞌain.

Salmos 115:14

¡Usa ꞌain ka kuëënun Diosan mitsu ꞌimainun mitsun bakë bëchikënën, rëbúnkikama ꞌaisamaira ꞌinun kaínun ꞌimiti ꞌikën!

Isaías 43:5

Mitsux kamina rakuë́tima ꞌain, ꞌëx kana mitsubë ꞌain. Usa ꞌain kana amiaxa bari urukë ꞌimainun amia bari kuabúkë, anuabi min unikama amiribishi timë́tëkënun ꞌimiti ꞌain.

Isaías 44:3

ꞌën kana anu uni ꞌikëma menua ꞌumpax ꞌinun ꞌimiti ꞌain, ꞌimianan kana me ëskikë anuribia xëxákama rakanu ꞌimiti ꞌain. ꞌËn kana min rëbúnkikama amiribishi upiti tsókanun ꞌimianan, upíokin sinánxunkin ꞌakinti ꞌain.

Isaías 53:10

Nukën ꞌIbun ka ꞌitsaira a tëmëramisa tankëxa. Usai ax unin ꞌucha kupí ñukë ꞌixun ka ꞌitsaira baritia xënibua, ꞌaínbi tsókin aín rëbúnkikama isti ꞌikën; usa ꞌixun ka Nukën ꞌIbu kakësabiokin an sinánkësa okin ꞌati ꞌikën.

Isaías 65:23

Usa ꞌain ka ꞌën unikaman ñu mëëkë ax ñankabi ꞌakëma ꞌiti ꞌikën, ꞌianan ka atun bëchikëkamax anun bamati nëtë ꞌikëma ꞌaínbi bamatima ꞌikën, atux ka ꞌën kaískë unikaman rëbúnki ꞌikën. Atux ka Nukën ꞌIbu ꞌupiokin sinánxuan unikama aín bëchikëkama ꞌikën, usa ꞌaish ka aín rëbúnkikama atúxribi usaribi ꞌiti ꞌikën.

Jeremías 31:7

Ësai ka Nukën ꞌIbu kiaxa: “Israel unikama Jacobnën rëbúnki, mitsux kamina munuma kantai kuëëni ësai kikanti ꞌain, nux kananuna bëtsi ëma kamasamaira ꞌain. Usa ꞌain kamina ësaiki kantakin mitsun bana kuami ësai kikanti ꞌain. Nukën ꞌIbun ka aín unikama ꞌakinkin ië́miakëxa, nukamax kananuna bëtsi menu bua ꞌaíshbi ñukëma amiribishi utëkëan.

Malaquías 3:12

Kamabi menu ꞌikë unikaman ka a unikama ka upí tsotia kixun mitsu kati ꞌikën, mitsux kamina achúshi me unin kuëën irakë a bitankëx anu ꞌiti ꞌain. ꞌËx Dios kamabi kushiñu ꞌaish kana ësai kian.”

Números 22:12

Ësokin kakëxun ka Diosan Balaam kakëxa: —Atubë kamina a unibu ꞌatima okin sinánxuni kuantima ꞌain, ꞌën kana atu upíokin sinánxunkin upitax bukunun ꞌimin.

Hechos 3:26

Nucën Papa Diosan ca aín Bëchicë bamacëbi baísquimitancëxun judíos unicama mitsunu pain xuaxa, mitsúnmi a isi ami sinanaquin ñu ꞌatima ꞌati ënun quixun.