Isaías 61:3 - Kashibo-Kakataibo Biblia

³ axa bëtsi menuax uax Jerusalénnu tsókë unikamax ka chimaputan mataka kima mañuti, mañuax kuëënun mitsu ꞌimiti ꞌain, ꞌimianan kana ꞌiníntisa ro sanuira anúnmi ꞌinun ꞌinankësa okin masá nuituti inkë a ënia kuëënun ꞌimiti ꞌain, ꞌianan kana masánuituti nitë́xëkinma ꞌë rabi kantanun ꞌimiti ꞌain. Usa ꞌikë ka i upí kanan, an kanankë kakin mitsu unikaman anëti ꞌikën, usa ꞌixun ka Nukën ꞌIbun anbi ꞌapá ꞌixun aín kushi mitsu ismiti ꞌikën.

Isaías 61:3 ပူးပေါင်းရင်းမြစ်များ

Salmos 104:15

usakin ꞌaia ain bimi pi kushiirabu ꞌianan ka uvas baka xëai kuëëni, ain bëmánan upí ꞌinun ꞌikë ax xënin ꞌikësamaira ꞌinun chábachábaki ꞌia.

Salmos 23:5

Axa ꞌëmi nishkë unikaman ꞌatimokin isiabi kamina; atun ismainunbi anu pinux timë́ti ꞌaxunkin ꞌitsaira kuëënun ꞌë ꞌimin, usakin ꞌanan kamina ꞌën maxkánu ro tutukakin anun ꞌë machabonun ꞌamian, usokin ꞌanan kamina ꞌën ami xëati aribi buákakin ꞌaruan.

Eclesiastés 9:8

ꞌIanan kamina nëtë kamabi chupa mëníokakin pañuanan, ꞌiníntisa ron ꞌiti ꞌain.

Isaías 44:23

¡Naíkamë ꞌëo ax ka munuma kuëëni kuënkënti ꞌikën, usakian Nukën ꞌIbun ñu ꞌakë a isi! ¡Munuma kuënkëni ka me chaiira nankë́kë kamax unix ꞌikësaribiti ꞌiti ꞌikën! ¡Aín bashikama ꞌimainun ninu ꞌikë ikama axribi ka munuma unix ꞌikësai kuëënti ꞌikën, Nukën ꞌIbun ka aín kushi chaiira ismikin Israel unikama Jacobnën rëbúnkikama ië́miaxa usa ꞌain!

Isaías 46:13

ꞌËn kana ꞌën ꞌati ñukama axa ꞌurama ꞌinun ꞌimiti ꞌain; usa ꞌain ka ꞌëx ië́mianankë ax ꞌuramara ꞌikën. ꞌËn kana Sión kakë ëmanu ꞌikë unikama ië́miti ꞌain, ꞌën kana Israel unikama ꞌë ꞌakësaribi okin uisakinbi kanunma ꞌimiti ꞌain.

Isaías 52:1

Axa Jerusalénnu tsókë unikama mitsux kamina upíokin sinani kushikanti ꞌain, mitsux kamina Jerusalén upí kakë ëma anu tsotin, usa ꞌain kamina mitsun chupa upíirabu a pañukanti ꞌain, bëtsi menu ꞌikë unikama an Dios rabikëmakama ax ka amiribishi mitsunu atsíntëkëntima ꞌikën.

Isaías 61:10

¡Uisai karana ꞌëx Nukën ꞌIbumi chuámarua tani kuëënti ꞌain! Diosan ka kuëëira kuëënun ꞌë ꞌimiaxa, usa ꞌixun ka, ¡kamabi ñu kanankin ꞌanun ꞌë ꞌamiaxa! Usa ꞌain kana an xanu biti unían mëníokakin mañuti mañukësa ꞌianan, achúshi xanun birakanuxun mëníokin ain ñu ꞌupíikama pañukë usaribi ꞌain.

Jeremías 31:13

Usai ꞌikëbë ka xanu chipash ransai kuëëmainun, uni bënákama axribi ꞌikëbë uni apankama atúxribi usai ꞌi kuëënti ꞌikën. Usai ꞌia nuibakin kana: masá nuitukë a ënia kuëënun ꞌimiti ꞌain, ꞌimianan kana masá nuitutia nitë́xëkë usamaira ꞌinua kuëënun ꞌimiti ꞌain.

Ezequiel 34:29

Usa ꞌain kana ꞌën atun menuaxa ꞌapákëx ꞌitsaira ñu biminun ꞌimiti ꞌain, usakin ꞌimikëbë a piti ñu ꞌitsa ꞌain numin ꞌi tëmëratëkëntima ꞌikën, ꞌimainun ka bëtsi menu ꞌikë unikama atumi kuai banatëkëntima ꞌikën.

Mateo 15:13

Cacëxun ca Jeususan cacëxa: —Uicamax cara Nucën Papa Dios naínu ꞌicë an ainan ꞌimicëma ꞌicë, acamax ca asérabi ainanma ꞌaish abëma ꞌiti ꞌicën, aín tapúncëñunbi ëchícëxa i ꞌicësaribiti ñancáishi ꞌiti ꞌicën.

Mateo 5:16

Usaribi oquin camina mitsun mibë ꞌicë unicama upiti bucuti ꞌunánun ꞌaquincë ꞌaish lamparínsaribi ꞌiti ꞌain. Mitsun ñu upí ꞌaia isquin ca cuëënquin a unicaman min Papa Dios naínu ꞌicë a rabiti ꞌicën.

Lucas 15:22

Cacëxun ca aín ñu mëëmicë unicama a aín papan caxa: Chupa upíira bëxun pañumianan camina mëñusuti mëñumiti ꞌain, ꞌanan camina taxaca tañumiti ꞌain.

Juan 15:8

Mitsun ꞌën sinánsaribi ꞌixun upí ñu ꞌaia isquin ca unin ꞌunánti ꞌicën, mitsux camina asérabi ꞌën uni ꞌai quixun. Usa ꞌixun ca mitsu cupí unin Nucën Papa Dios rabiti ꞌicën.

Juan 16:20

Asérabi cana ꞌën mitsu cain, ꞌë cupí camina masá nuituti bëunan mëscúcanti ꞌain. Mitsúxmi usai ꞌimainun ca an Nucën Papa Diosan bana cuacëma unicama cuëënti ꞌicën. Masá nuitutáncëxbi camina mitsux ꞌë cupí chuámarua tani cuëënti ꞌain.

1 Corintios 3:9

Nucën Papa Dios cuëëncësabi oquin cananuna nucaman mitsu Jesucristomi sinánun aín bana ñuixuancën, unían ñu bëru ꞌapácësaribi oquin. Usa ꞌain ca Nucën Papa Diosan unían ꞌapácë ñu bërua comicësaribi oquin Jesucristomi upiti catamënun mitsu ꞌimia. ꞌImainun ca ësa ꞌicën: Xubuoquin ca unin amia cushiti itácama pain nitsíntancëxun i puruia. Usotancëxun ca aín mascuáncama ꞌaia. Usoquian ꞌacëx ca xubu upí ꞌia. Usaribi oquin ca Nucën Papa Diosan mitsu upí oquin ꞌacë xubu achúshisa ꞌinun ꞌimia.

1 Corintios 6:20

Nucën Papa Diosan ca mitsúxmi ainainshi ꞌiti oquin aín Bëchicë bamati oquin mëníocëxa. Ainan ꞌaish camina mitsux cuëëncësa oi ꞌima ax cuëëncësabi oíshi ꞌiti ꞌain. Usa ꞌixun camina mitsun nami ꞌimainun mitsun sinan upí ꞌixun Nucën Papa Dios cuëëncësa oquinshi ñu ꞌati ꞌain. Usaími mitsux ꞌia isquin ca raírinën —upí ca Nucën Papa Dios ꞌicë —quixun ꞌunánti ꞌicën.

Filipenses 1:11

Jesucristonën ꞌaquincëxunmi mitsun ñu upíshi ꞌaia isquin ca unin —Nucën Papa Dios ax ca asérabi upí ꞌicë —quixun caquin a rabiti ꞌicën.

2 Tesalonicenses 1:10

Usai ca ꞌiti ꞌicën, a nëtë anúan Nucën ꞌIbu Jesucristo uti, aín unicaman —upíira ca Nucën ꞌIbu Jesucristo ꞌicë —quixun ami sinani cuëënquin a rabinun. Mitsúnribi nun aín bana ñuixuncëxun cuati ami catamëcë ꞌixun camina aín unicamabëtanbi cuëënquin a rabiti ꞌain.

Hebreos 1:9

Unían upí ñuishi ꞌati cuëëanan camina atúan ꞌaisa tancë ꞌatima ñu a cuëëncëma ꞌain. Usa ꞌicë cana ꞌëx Dios ꞌaish min Dios ꞌixun, unicama ꞌimainun ángelcamaribi ꞌacësamaira oquin, cuëëinra cuëënun mi ꞌimian.

1 Pedro 2:9

A unicama usa ꞌaínbi camina mitsux Nucën Papa Diosan ainan ꞌinun caísa ꞌain. Usa ꞌixun camina ax cuëëncësabi oquin ꞌanan aín unicama a ñucáxunin. Camina an ꞌimicëx upí ꞌaish aín uni ꞌain. Usa ꞌixunmi a rabiquin an ꞌacë ñucama camabi uni ñuixunun ca Nucën Papa Diosan mitsu ainan ꞌinun caísacëxa. Mitsux bëráma bëánquibucënu nicësa ꞌiá ꞌaíshbi camina bërí an ꞌimicëx xabánu nicësa ꞌain, axa mitsubë ꞌain.

1 Pedro 4:14

Cristonan cupía unin mitsumi nishquin ꞌatimaquin ñuicëxbi camina Nucën Papa Diosan Bëru Ñunshin Upí cushiira, axa mitsubë ꞌain, cuëënti ꞌain. Unían ꞌatimaquin ñuiabi camina mitsun Cristo rabin.