Isaías 61:2 - Kashibo-Kakataibo Biblia

² ꞌianan ka anúan Nukën ꞌIbun nu nuibati nëtë aribi ñuianan, a nëtë ꞌikëbëtan ax nun Dios ꞌixun axa numi nishkë unikama ꞌatimoti aribi ñuinun. ꞌImainun ka ꞌë xuaxa axa masá nuitukë akamaribi upí sinánmikin kanan;

Isaías 61:2 ပူးပေါင်းရင်းမြစ်များ

Isaías 1:24

Usa ꞌain, ka kamabi kushiñu, Israel unikaman Dios ax asérabi kiakëxa: “¡Asá ka anuishi ka ꞌiti ꞌikën! ꞌËn kana axa ꞌëmi nishkë unikama aín ꞌakë ñukama iskin uisakin karana ꞌati ꞌai usakin ꞌati ꞌain. ꞌËn kana atun ꞌakë ñukama ꞌunánkin uisa karana oti ꞌai usakin ꞌati ꞌain.

Isaías 35:4

kanan kamina axa rakuë́ti ꞌishtun banakëma unikama aribi: “Rakuëama ꞌinun kati ꞌain. ¡An nu ië́miti Nun Dios ka nu ꞌurama ꞌaish nubëbi ꞌikën, ꞌianan ka mitsumi nishkë unikama atux kuëënkësa okin tëmëramiti ꞌikën!”

Isaías 40:1

Mitsun Dios ax ka ësai kiaxa: “ꞌËn unikama kamina kuëëntanun nuibakin ꞌakinti ꞌain;

Isaías 49:8

Ësai ka Nukën ꞌIbu kia: “Anun ꞌën mitsu nuibati nëtë ꞌikëbëtan kana nuibakin; mitsu kati ꞌain, anun mi ië́të nëtë ka uaxa, ësokin kakin kana mitsu ꞌakinti ꞌain. ꞌËn kana mi bërúankin ꞌakiankën, ꞌëx kia bana axa mitsunubi ꞌitiokinmi min unikama ꞌunánminun, ꞌianan anubi ꞌitiokin achúshi ñu ꞌën unikabëtan ꞌakën, ꞌimainun mitsun mekama axa mitsumi nishkë unikaman ꞌatimokan a bitëkënun,

Isaías 58:5

¿Mitsun sinánkëx kara usakin piti mëëkin ꞌakë ax anun ꞌëx kuëëntisa ꞌikë uínsaran karamina masá nuituti tëmërakani basi ꞌikësai ñanati, ꞌikin chupa chuakë pañuax chimapunu rakakë ax asabi ꞌiti ꞌik? ¿A kaina mitsun anun pikëmëtisa kanan a nëtën ka Nukën ꞌIbu usakin ꞌakankëbë kuëënia kixun sinánkanin?

Isaías 60:10

Bëtsi menu tsókë unikaman ka anun mitsun ëma kënëara ꞌikëbia rurupakama a mitsu ꞌaxuntëkënti ꞌikën, usakin ꞌaia ka atun ꞌapukaman mitsu ꞌakinti ꞌikën; Nukën ꞌIbun ka ax nishkin mitsu ꞌatima okin tëmëramiakëxa, ꞌaínbi ka bërí ax upí ꞌixun mitsu nuibatia.

Jeremías 31:13

Usai ꞌikëbë ka xanu chipash ransai kuëëmainun, uni bënákama axribi ꞌikëbë uni apankama atúxribi usai ꞌi kuëënti ꞌikën. Usai ꞌia nuibakin kana: masá nuitukë a ënia kuëënun ꞌimiti ꞌain, ꞌimianan kana masá nuitutia nitë́xëkë usamaira ꞌinua kuëënun ꞌimiti ꞌain.

Miqueas 3:8

ꞌAínbi ka Diosan an kakësabiokin ꞌaia aín bëru ñunshinan ꞌakinkëx ꞌëx kushiñu ꞌianan rakuëma uni ꞌixun atu ꞌakinun ꞌë ꞌimiaxa, usa ꞌixun kana atu bana ñuixunkin Dios ax ka kushiira ꞌikë kixun Israel unikama kanan atux ami ꞌuchakian an kuëënkëma ñuishi ꞌakë akama kati asábi ꞌain.

Mateo 5:4

Axa masá nuitucë uni a ca Nucën Papa Diosanbi aín masáquin sináncë nëtë́miti ꞌicën. Usai ca ꞌiti ꞌicë quixun ꞌunani ca chuámarua tani cuëënia.

Lucas 4:19

ꞌImainun ca anúan atun ꞌIbu Diosan nuibaquin ꞌaquinti nëtë ca uaxa quixun unicama canun quixun ꞌë caxa.

Lucas 6:21

Mitsux ꞌacëñuma pananquinbi camina ꞌunánti ꞌain, mitsúxmi panani bënë́axma ꞌinun ca Nucën Papa Diosan mitsu ꞌinánti ꞌicën. Usai ca ꞌiti ꞌicë quixun ꞌunani camina chuámarua tani cuëënti ꞌain. Masá nuituti iníbi camina Nucën Papa Diosanbi ca ꞌë cuëënun ꞌimiti ꞌicë quixun ꞌunani chuámarua tani cuëënti ꞌain.

1 Tesalonicenses 2:16

Nun judíosma unicama Cristomi sinánun bana ñuixuinsa taniabi ca usaquinu bana ñuixunun nu ëncëma ꞌicën. Usai ꞌia aín ꞌucha cëxtutia ca Nucën Papa Diosan ꞌaisamaira oquin castícanti ꞌicën.