Isaías 60:9 - Kashibo-Kakataibo Biblia

⁹ Tarsisnu ꞌikë manë nunti kama ax ka atu rëkuëonbiani manë nunti kama raíri abë biranan kuatsini kuankin, Jerusalénnu ikë unikama bëi ukin, mitsun bëchikëkama ꞌurakëo bëanan, kuri manë uxua akama bëti aka ax ꞌikën, a ñukamax ka min ꞌIbu Israel kaman Dios upíira a bëxunkë ꞌiti ꞌikën, an ka kushiira ꞌixun mitsu ꞌakiankëxa.

Isaías 60:9 ပူးပေါင်းရင်းမြစ်များ

Génesis 9:27

ꞌËn kana Nukën ꞌIbu Diosan Jafet chaiira meñu ꞌianan aín bëchikëkama ꞌuákamë ꞌëoti kuëënin; ꞌimainun kana Semnën, rëbúnkikamabë Jafet aín rëbúnkinëx ꞌiti kuëënin ꞌaínbi ka, Canaánën bëchikëkamax tëmërakin uni ñu mëëxuni bukuti ꞌikën.

1 Reyes 10:1

Xanu achúshi Sabá menu ꞌapu ꞌiti anëkë an ka aín kushi ꞌinánkin ꞌakinkëxua Salomónnën Diosmi sinani ami kushikin ñu ꞌaia unikaman ñuikania kuakëxa, kuabiani ka an kuaisama ꞌimainun an ꞌunántisama banakama ñukákin tanti sinanx Jerusalén ëmanu kuankëxa. Kuanx ka aín suntárunën kushikaman bëararamainun aín camellokamanu ro sanuira ñusutinu ꞌaruxun camellokamanan nankë akama këñun ꞌaisamaira kuri këñunbi maxá chabáchabákikë upíirabu akama uanx bëbakëxa. Anu bëbaxun ka usakin ñukatia sinánbëtsinkë banakama a banabi Salomón ñukákëxa,

1 Reyes 10:22

usaía ꞌimainun ka ꞌapun manë nunti chaiirabu anúan ñu maruti nikinkë Tarsis menua ꞌikë a kamaxa kuanmainun, Hiram kakë ꞌapun manë nunti anun ñu maruti uankë a kamaribi abëbi, kuri, kuríki, ñuina xëta ꞌinánan ni mananën nikë ñuina ꞌimainun pabukama ꞌarakakë a kamabi ꞌapu Salomón bëxuni ai rabë́ ꞌimainun achúshi baritia ꞌikëbë ꞌikëbë bëbakëxa.

1 Reyes 8:41

Usaribitia Israel unibu nukën ëmanu tsókëma atuxribi, min kamina kushiira ꞌixun ñu ꞌai kixun ñuikania kuabëtsini ꞌura men tsókë unikamax utankëxun,

Salmos 72:10

¡ꞌImainun ka a ꞌinaínshiti ñukama bëanan ꞌapu ꞌinánti bikë akama Tarsisnu ꞌikë ꞌapukama ꞌimainun paru nasínu, ꞌikë akamanribi bëxun ꞌinámainun ka, Sabá ꞌimainun Sebá anu ꞌikë ꞌapukamanribi bëxun ꞌinánti ꞌikën!

Éxodo 33:19

ꞌAínbi ka Nukën ꞌIbun ësokin kakëxa: —ꞌËx kana nuibanairakë ꞌain, usa ꞌain kana uikama karana ꞌakinsa tani akama ꞌakinti ꞌain. ꞌAkianan kana mi nuibakin ꞌën anëmi ñuinun mi ꞌimianan uikama karana nuibati akama nuibati ꞌain.

Isaías 42:10

Anun kantakëma kanta ió anun kamina Nukën ꞌIbu rabi kantakanti ꞌain; rabikin ka uinu kara me kuainakëakëxa anu tsóa unikama atúnribi rabiti ꞌikën, ꞌamainun ka uikamax kara aín manë nuntin parúmpapan kuania akaman ꞌamainun, ka parúmpapanu ꞌikë ñuinakama anribi rabiti ꞌikën, ꞌamainun ka parúmpapa nasínu tsóa unikama atúnribi rabiti ꞌikën.

Isaías 42:4

Usai ꞌika tantimabi ꞌianan kana ꞌaima kixunbi sinántima ꞌikën, kamabi menu ꞌikë unikamaxa ax kikësabiokin ꞌai sënë́ntamainun Axa parúmpapa nasíkamanu ꞌikë unikama atun ka an ꞌunánmikësabi okin ꞌati ꞌikën.”

Isaías 43:4

ꞌËn kana ꞌitsaira mi nuibatin, mix kamina bëtsi ñu kamasamaira ꞌain ꞌimainun kana ꞌën mi nuibatin. Mitsu ꞌënan ꞌiti bikin ië́mikin bërúanuxun kana unikama ꞌimainun bëtsi menu ꞌikë unikama atu ꞌamiti ꞌain.

Isaías 43:6

ꞌËn kana aín tsipumiu ꞌikë axa mitsumi nishkë unikama: mitsun menubi kuantëkëntanua mitsu xunun kati ꞌain. ꞌImainun kana aín rëbumiu ꞌikë axa mimi nishkë unikamaribi: ꞌanubi mitsu ꞌimixuma ꞌanun kati ꞌain. ꞌËn bakë bëchikë bëbukama ꞌianan, ꞌën ꞌini bëchikë kamina bëti ꞌain, uinu kara me kuainakëaxa anu ꞌaish ꞌura ꞌikëbi,

Isaías 46:13

ꞌËn kana ꞌën ꞌati ñukama axa ꞌurama ꞌinun ꞌimiti ꞌain; usa ꞌain ka ꞌëx ië́mianankë ax ꞌuramara ꞌikën. ꞌËn kana Sión kakë ëmanu ꞌikë unikama ië́miti ꞌain, ꞌën kana Israel unikama ꞌë ꞌakësaribi okin uisakinbi kanunma ꞌimiti ꞌain.

Isaías 49:1

Axa parúmpapa nasínu ꞌikë ëmakamanu ꞌikë unikaman ka upiokin sinánkin kuati ꞌikën, ꞌimainun ka bëtsi bëtsi ëma ꞌura ꞌikë anu ꞌikë unikamanribi ꞌëx kia kuati ꞌikën: Nukën ꞌIbun ka ꞌën titan ꞌë tuakëma pain ꞌikëbi ꞌë kaisakëxa; usa ꞌixun ka ꞌën titan puku ꞌukë mëu ꞌikëbi ꞌën anën ꞌë anëakëxa.

Isaías 49:22

Ësai ka Nukën ꞌIbu kiaxa: “ꞌËn kana bëtsi menu ꞌikë unikama kati ꞌain; ꞌimainun kana bëtsi ëmanu tsókë unikama achúshi ꞌinánti ꞌain, usakin ꞌakin ka min ꞌini bëchikë xanukama papixun bëkësa ꞌinun bëti ꞌikën.

Isaías 55:5

Min kamina ëma ꞌunánkëma kamanua; ꞌikë an mi ꞌunánma ëmakamanua bënëkuatsinia ukanun kuëënti ꞌain, usokëx ka atux abákuatsini minu ꞌuti ꞌikën, ꞌëx min ꞌIbu ꞌianan Israel unikaman Dios upíira ꞌixun kana ꞌën mi uisakinbi katima ꞌimian.

Isaías 60:4

Jerusalénnu tsókë unikama mitsun kamina, chairui kuainakëkin usai ka bëtsi menu tsókë unikama mitsubë timë́ti ꞌaia isti ꞌain. Mitsun bakë bëchikëkamax ka ꞌurakëoxbi uti ꞌikën; ukin ka unikaman mitsun ꞌini bëchikë xanukama, bërúanxun aín pëñanu ꞌaruxun bëkësa obëtsinkin bëti ꞌikën.

Isaías 60:6

Usa ꞌain kamina atúxa ꞌitsaira ꞌaish atun camellonën ëma tsitsibëtsini Madián ꞌimainun Efá amiax ꞌaia isti ꞌain; usai ukin ka Sabánu ꞌikë unikama an kuri ꞌimainun sanuira ñu aín camellonën bëi ukin an upíokin ñu ꞌaia kixun Dios a rabiti ꞌikën.

Miqueas 4:13

¡Jerusalénnu bukukë unikama mitsun kamina kuantankëxun axa mimi nishkë unikama ꞌatima okin tëmëramikin vaca bënëa trigo aín bimi rëukutanun aín taën chakakë usaribi okin ꞌai kuanti ꞌain! Usakin ꞌanun ka Dios kia usa ꞌain: ꞌËn kana vaca bënë achúshinën kushisa ꞌinun ꞌimianan aín manchankama aribi manë tunánsa iruira ꞌimianan aín ꞌuntsískamaribi manë panshian ꞌakësa ꞌixun kamabi ëmakama ꞌatima oti ꞌamiti ain, usakin ꞌatankëxun kamina min atun ñu kupíkëkama a bitankëxun ꞌënan ꞌinun ꞌimiti ꞌain, ꞌëx kana mitsun ꞌIbu kamabi men ꞌIbu a ꞌain.

Lucas 2:32

An ca Israel unibushima judíosma unicamaribi aín sinan upí ꞌinun ꞌimiti ꞌicën. Minan ꞌinúnmi caísa, Israel unibu, acama achúshi ꞌaish, a cupí ca camabi unin Israel unibu rabiti ꞌicën.

Juan 17:26

ꞌËx atubë ꞌimainun min ꞌë nuibacësaribitia atúxribi bëtsibë bëtsibë nuibananun cana uisaira caramina mix ꞌain quixun atu ꞌunánmian. Usa ꞌixun cana usabi oquin ꞌunánmiti ꞌain.

Hechos 9:15

Cacëxunbi ca Nucën ꞌIbu Jesusan Ananías cacëxa: —Racuë́axma ca cuantan. ꞌËn caíscë ꞌixun ca a unin judíos unicamaishima, bëtsi mecamanu ꞌicë unicamaribi aín ꞌapucamacëñunbi ñuixunquin ꞌë ñuiquin bana ñuixunti ꞌicën.

Gálatas 3:26

Usa ꞌain camina mitsux Cristo Jesúsmi catamëti abë ꞌaish Nucën Papa Diosan bëchicë ꞌain.

Gálatas 4:26

ꞌItsa uníxa Agarnën tuá ꞌiásaribi ꞌaínbi cananuna usama ꞌain. Nux cananuna Nucën Papa Diosan nëtënu ꞌicë Jerusalén anu abë ꞌiti uni ꞌain.