Isaías 60:5 - Kashibo-Kakataibo Biblia

⁵ Usakin bëia isi kamina ꞌitsaira kuëëni kuëpunchini kuaikanti ꞌain, usai ꞌi kamina uínsarabi kuëënkësamairai min nuitu mëu kuëënti ꞌain; usai ukin ka parúmpapa nasínua ꞌikë ëmakamanua ꞌikë ñu upíirabu a mitsu bëxunkanti ꞌikën, usakin bëxun ka bëtsi menu ꞌikë unikama ñu kupikëirabu akama mitsu ꞌinánti ꞌikën.

Isaías 60:5 ပူးပေါင်းရင်းမြစ်များ

Salmos 34:5

Uikaman kara a isia ax ka ꞌitsaira kuëëni, uínsaranbi rabinkëma ꞌiti ꞌikën.

Isaías 54:2

Min xubusokin chupa ꞌakë akamina chooti ꞌain, ꞌanan kamina anun mapankë a rakuë́kimaishi anumi ꞌikë a pëninkin ꞌati ꞌain; ꞌanan kamina aín itsikama chaxkë́bu ꞌaxun aín ikama upíokin matáskin nitsintankëxun ami tëkërë kati ꞌain,

Isaías 60:11

Jerusalén ëma kënëkë aín xëpútikama ax ka uínsaranbi xëpúkëma ꞌiti ꞌikën; usa ꞌain ka nëtë ꞌimainun ꞌimë́bi xëpúkëma xëókikë ꞌiti ꞌikën, usa ꞌain ka bëtsi bëtsi menu ꞌikë uni ñuñuirakama atun ñu buani atsínti ꞌikën, anun bëtsi bëtsi menu ꞌikë ꞌapukama aín unikamabë ꞌatsínti ꞌikën.

Isaías 61:6

Anan ka mitsu kati ꞌikën, Nukën ꞌIbun sacerdote ka atux ꞌikë kixun kanan, nukaman Diosan unikama ka atux ꞌikë kixunribi mitsu kati ꞌikën. Mitsun kamina bëtsi menu tsókë unikaman piti nëish tankin pi bukukanti ꞌain, ꞌianan kamina atun ꞌakë ñu upíirabu ꞌaish ichu ichukikë akamaribi tëñuanan mëñuti ꞌain.

Oseas 3:5

Usai pain ënë ñukama ꞌikë ꞌain ka Israelkaman ami sinanatëkënkin, Nukën ꞌIbu Dios rabiti sinántëkënti ꞌikën, ꞌimainun ka atun ꞌapu ꞌia David aín rëbúnki achúshi atun ꞌapu ꞌiti ꞌikën. Anuan ënë nëtëkama këñuti a nëtë ꞌikëbëtan ka ami rakuë́kin Dios upíokin a ꞌakinun kixun ñukáti ꞌikën.

Mateo 25:16

Cuancëbëtan ca an ꞌitsa, mëcën achúshi mil curíqui bicë uni an a curíquinën ñu bitancëxun maruquin bitëcënquin usaribi mëcën achúshi mil curíqui biaxa.

Hechos 10:45

Usa ꞌain ca aín Bëru Ñunshin Upitan ꞌimicëxun unin cuacëma banan banaquin Nucën Papa Dios rabicancëxa. Nucën Papa Dios rabicania cuati ca Pedrobëa ucë Jesúsmi sináncë unicama ax judíosma unicamaxribia Nucën Papa Diosan Bëru Ñunshin Upíñu ꞌicë isi ratuti sináncasmacëxa.

Hechos 11:17

Usa ꞌaían nu ꞌacësaribi oquin Jesucristomia catamëtia, atu aín Bëru Ñumshin Upí ꞌinania cana ꞌën ꞌinánxunma ꞌanun quixun Nucën Papa Dios catima ꞌain.

Hechos 24:17

Usa ꞌain cana ꞌitsa barin bëtsi bëtsi menu ꞌitancëx Jerusalénu utëcëan. Uquin cana nun aintsi ñuñumacama ꞌinánun quixuan uni raírinën ꞌë bëmicë curíqui bëan. Bëanan cana ꞌën curíquiribi anuxun Nucën Papa Dios rabiti xubunuxun ꞌinánuxun bëan.

Romanos 11:25

ꞌËn xucë́antu, mitsux judíosma uni ꞌixun —nux cananuna judíos unían ꞌacësamaira oquin Cristomi catamëquin Nucën Papa Diosan aín unicama ꞌunánmiti ñu ꞌunáncë ꞌai —qui rabíaxma ꞌinun quixun cana ësaquin unin ꞌunáncëma ñu a ñuiquin mitsu cain: Judíosma unibu uicama cara Cristomi catamëti ꞌicë acamax pain ami catamëtamainun ca Nucën Papa Diosan judíos unicama aín patsan Jesucristomi catamëcëma ꞌaish usabi ꞌinun ëanxa.

Romanos 15:26

A curíqui ca Macedonia ꞌimainun Acaya nëtënuaxa ax Jesucristomi catamëcë unicaman Jerusalénu ꞌicë ñuñuma unicama a buánmiti timëaxa.

2 Corintios 10:15

Bëtsi unin ꞌaquincë cupía uni Jesucristomi sinania cananuna —ꞌën bana ñuixuncë cupíshi ca usai ꞌiaxa —quixun caiman. Usa ꞌaínbi cananuna mitsúnmi Cristomi catamëquin ënquinma ax quicësabi oquin ꞌacë cupí, aín bana mitsu ꞌunánmitëcëni cuainsa tanin, Nucën Papa Dios cuëëncëbë.

Deuteronomio 33:19

Usa ꞌixun ka kamabi menu ꞌikë ꞌain aintsikama kuëntankëxun abëtan, anuxun Dios rabikin ñuina xaroti, aín bashi anuxun xaroti ꞌikën; usakian ꞌakëbë ka bëtsi menu aín ñu marui kuanxuan bikë ꞌaisamaira kupíkë ñu ñuribi ꞌiti ꞌikën.

Apocalipsis 21:24

Usaquin pëcacëx ca camabi menuaxa Nucën Papa Diosnan ꞌinux ië́cë unicama aín pëcacënu niti ꞌicën. ꞌImainun ca axa ië́cë ꞌapucamaxribi anu ꞌiti ꞌicën.

Apocalipsis 21:26

Aín tucuricu unicamaribi Jesucristonan ꞌaish ca anu ꞌiti ꞌicën.

1 Samuel 2:1

Ësai ki ka Ana Diosbë banakëxa: Nukën ꞌIbu ꞌëx kana ꞌën nuitunënbi mi sinani kuëënin, min kamina amiribishi kushiñu ꞌinun ꞌë ꞌimian. Usa ꞌaish kana axa ꞌëmi nishkë unikama ñui banati ꞌain, min kamina ꞌë ꞌakian. ¡Usa ꞌain kana bërí kuëënin!