Isaías 60:21 - Kashibo-Kakataibo Biblia

²¹ Kamabi unikama mitsun ëmanu ꞌikë ax ka upí sinánñubu ꞌiti ꞌikën, usai tsótika atun menubi xënibuti tsóti ꞌikën, usai ꞌika ꞌënbi ꞌapákëxa ñu upiti kookë usaribi atux ꞌiti ꞌikën, ax ka ꞌën mëkënanbi usaka ꞌën kushi ꞌikë kixun ismikin ꞌën ꞌakë ꞌikën.

Isaías 60:21 ပူးပေါင်းရင်းမြစ်များ

2 Samuel 7:10

Usakin ꞌanan kana achúshi me anua ꞌën unibu Israel ꞌiti bian, bixun kana atunabi ꞌain anu ꞌinun ꞌinan, anu ꞌiaka uínbi ubioima ꞌimainun an bëtsi ñu ꞌatima ꞌakë unikamabi, bëráma ꞌakansa okin ubiotima ꞌikën,

Salmos 37:11

ꞌAínbi ka uni aín sinan mëninshi akamax kuni Diosan atu ꞌinánti menu ꞌiti ꞌikën, anuax ka ax ꞌikësamairai chuámarua tani kuëënti ꞌikën.

Salmos 37:18

Nukën ꞌIbun ka axa uisa ñu ꞌatimabi ꞌaíma tsókë unikama bërúaia, a unikama anu ꞌiti nëtë ax ka uínsaranbi këñutima ꞌikën.

Salmos 37:22

Uikamax kara Nukën ꞌIbun upíokin sinánxunkë ꞌikë akamax ka Nukën ꞌIbun ꞌinánti me anu ꞌiti ꞌikën, ꞌaínbi ka Nukën ꞌIbun upíokin sinánxukëma unikama ax ꞌatima okin masókë ꞌiti ꞌikën.

Salmos 37:29

An ñu upí ꞌakë unikama a ka Nukën ꞌIbun nuibakin, me anua xënibua ꞌaínbi tsóti ꞌinánti ꞌikën.

Isaías 43:21

a unikama kana ꞌën uniokën ꞌë rabinun, usa ꞌain ka atun ꞌë rabikanti ꞌikën.

Isaías 43:7

ꞌën unikama kamina kamabi mitsun bëtëkënti ꞌain akamax ka ꞌën aintsi ꞌibu ꞌikën, usa ꞌain kana atu ꞌën uniokën, usa ꞌixun ka atun ꞌë rabiti ꞌikën.

Isaías 44:23

¡Naíkamë ꞌëo ax ka munuma kuëëni kuënkënti ꞌikën, usakian Nukën ꞌIbun ñu ꞌakë a isi! ¡Munuma kuënkëni ka me chaiira nankë́kë kamax unix ꞌikësaribiti ꞌiti ꞌikën! ¡Aín bashikama ꞌimainun ninu ꞌikë ikama axribi ka munuma unix ꞌikësai kuëënti ꞌikën, Nukën ꞌIbun ka aín kushi chaiira ismikin Israel unikama Jacobnën rëbúnkikama ië́miaxa usa ꞌain!

Isaías 45:11

Ësai ka aín Israel unikama ꞌIbu Dios upíira an unio ax kia: “¿Mitsun kaina uisai kara ꞌën bakë bëchikëkama ꞌinuxun ꞌaia ꞌë ñuixuanan, uisakin karana ꞌën ñu ꞌati ꞌai kixun ꞌë ꞌunánmiti ꞌain?

Isaías 45:24

kiti ꞌikën: Nukën ꞌIbun ka ax kushiira ꞌixun kamabi axa ami nishkë unikama ꞌati ꞌikën. Usa ꞌain ka uikamax kara ꞌëmi nishi ꞌë istisama tania akamami uni kuaiti ꞌikën.

Isaías 45:25

Asábi ka ꞌën ꞌakë ñukama kupín ka kamabi Israel unikama ami nishkë unikama kanankin ꞌatankëx, ꞌën ꞌakë ñukama ñui anun rabikanti ꞌikën.”

Isaías 45:8

“ꞌËn kana manámixunbi ꞌën kushi xuti ꞌain, ax ka naínuax kuénkuru ꞌibúmainun kuin kamanuax ꞌuí ꞌibúkin me chabókë usaribi ꞌiti ꞌikën; ꞌimainun ka anun ië́ti ax ñu bimisa ꞌiti ꞌikën, ꞌianan ka ñu ꞌupi ꞌati ax ñu uábukësa ꞌiti ꞌikën.”

Isaías 49:3

Usakin ꞌatankëxun ka ꞌë kakëxa: “Mitsux Israel uni ꞌaish kamina ꞌën unikama ꞌiti ꞌain, usa ꞌain ka mixmi ꞌën kushiñu ꞌikë ꞌunánkanti ꞌikën.”

Isaías 52:1

Axa Jerusalénnu tsókë unikama mitsux kamina upíokin sinani kushikanti ꞌain, mitsux kamina Jerusalén upí kakë ëma anu tsotin, usa ꞌain kamina mitsun chupa upíirabu a pañukanti ꞌain, bëtsi menu ꞌikë unikama an Dios rabikëmakama ax ka amiribishi mitsunu atsíntëkëntima ꞌikën.

Isaías 54:17

ꞌaínbi ka uínbi anun ꞌakanankin ñu anun masókin ꞌati uniokëma ꞌikën. Mitsun kamina an usa ka atux ꞌikë kixun mitsu ꞌuchokëkama a uisa bananbi bananun kimitima ꞌain. Ësokin kana axa ꞌëmi katamëkë unikama ꞌamiti ꞌain: usokin ꞌakin ka atun ñusmoti ꞌikën.” Ësai ka Nukën ꞌIbu asérabi kiakëxa.

Isaías 61:11

Me tukabëtsianx chikiti koia naë chukúmanu ꞌapákëx ñu ꞌikësa, usaribi okin ka Nukën ꞌIbun an ꞌakë ñukama ismikin ꞌën, kamabi menu ꞌikë unikaman kantakin a rabinun ꞌimiti ꞌikën.

Isaías 61:3

axa bëtsi menuax uax Jerusalénnu tsókë unikamax ka chimaputan mataka kima mañuti, mañuax kuëënun mitsu ꞌimiti ꞌain, ꞌimianan kana ꞌiníntisa ro sanuira anúnmi ꞌinun ꞌinankësa okin masá nuituti inkë a ënia kuëënun ꞌimiti ꞌain, ꞌianan kana masánuituti nitë́xëkinma ꞌë rabi kantanun ꞌimiti ꞌain. Usa ꞌikë ka i upí kanan, an kanankë kakin mitsu unikaman anëti ꞌikën, usa ꞌixun ka Nukën ꞌIbun anbi ꞌapá ꞌixun aín kushi mitsu ismiti ꞌikën.

Isaías 61:7

Axa ꞌën unimi nishkë unikaman ka ꞌitsaira ꞌichananbi bëtsi bëtsi okin ñuikëxa katë́nun tëmëramiakëxa, usa ꞌixun ka aín menuxun atúnbi ꞌitsaira ñu chaiirabu biti ꞌikën, bitsi ka xënibua ꞌaínbi kuëënti ꞌikën.

Isaías 64:8

Usa ꞌaínbi kamina mix Nun ꞌIbu ꞌaish nun papa ꞌain; nukamax kananuna me uniokë ꞌain, usa ꞌain kamina mix an me bëtsi bëtsi ñu tankin ꞌakë usaribi ꞌain; ¡usa ꞌain kananuna kamabi nukamax minbi me unío ꞌain!

Ezequiel 34:29

Usa ꞌain kana ꞌën atun menuaxa ꞌapákëx ꞌitsaira ñu biminun ꞌimiti ꞌain, usakin ꞌimikëbë a piti ñu ꞌitsa ꞌain numin ꞌi tëmëratëkëntima ꞌikën, ꞌimainun ka bëtsi menu ꞌikë unikama atumi kuai banatëkëntima ꞌikën.

Ezequiel 37:25

Usokin ꞌai ka ꞌën uni Jacob ꞌinan me anua aín chaitiokëkamaxribi anu tsóa me anuribi tsókanti ꞌikën. A menu ka xënibua ꞌaínbi atu ꞌimainun atun bakë bëchikëkamaribi ꞌimainun atun rëbúnkikamaribi tsóti ꞌikën; usai ꞌimainun ka ꞌën uni David aín rëbúnkinëx xënibua ꞌaínbi atun ꞌapu ꞌiti ꞌikën.

Amós 9:15

Usokin ꞌimikëx aín menubi tsotia ka uínsaranbi amiribishi axa ami nishkë unikaman aín me ꞌën ꞌinan anua buántëkëntima ꞌikën.” Ësai ka Dios kiaxa.

Mateo 15:13

Cacëxun ca Jeususan cacëxa: —Uicamax cara Nucën Papa Dios naínu ꞌicë an ainan ꞌimicëma ꞌicë, acamax ca asérabi ainanma ꞌaish abëma ꞌiti ꞌicën, aín tapúncëñunbi ëchícëxa i ꞌicësaribiti ñancáishi ꞌiti ꞌicën.

Mateo 5:5

Axa cëruti banacëma uni ax ca Nucën Papa Diosan ꞌinánti ñucamañu ꞌiti ꞌicën, an cacësabi oi. Usai ca ꞌiti ꞌicë quixun ꞌunani ca chuámarua cuëënia.

Juan 15:2

Usa ꞌixun ca an uinu ꞌicë ꞌën pëñanëx cara bimiñuma ꞌicë a tëaxun nia. Nianan ca uinu ꞌicë ꞌën pëñanëx cara bimiñu ꞌicë a upíira oquian tuanun ramëníoia.

Efesios 1:12

Nun nu an sinánmicëxun upí oquin ñu ꞌaia isquian uni raírinënribi a rabinun ca nux pain Cristomi catamëcë ꞌaíshnu ax cuëëncësabi oi ꞌinun nu caísacëxa.

Efesios 1:6

Usaquin ainan ꞌinun caístancëxun an nu nuibaquin, aín nuibacë Bëchicë nubë ꞌaínu ainan ꞌaish upí ꞌinun nu ꞌimicë ꞌixun cananuna ami catamëquin, xënibua ꞌaínbi a rabin.

Efesios 2:10

Cristo Jesús nubë ꞌinúan an ꞌimicëxun ñu upíshi ꞌanan nun sinan bëtsi ꞌinun ca an mëníosabi oquin nu ꞌimiaxa.

Efesios 2:7

Jesucristonan ꞌaíshnu usai ꞌicë isquían camabi unin uisaira oquin cara an nu nuibatia quixun nëtë xënibucëbëtanbi isnun ca Nucën Papa Diosan usaínu ꞌinun mëníocëxa.

2 Tesalonicenses 1:10

Usai ca ꞌiti ꞌicën, a nëtë anúan Nucën ꞌIbu Jesucristo uti, aín unicaman —upíira ca Nucën ꞌIbu Jesucristo ꞌicë —quixun ami sinani cuëënquin a rabinun. Mitsúnribi nun aín bana ñuixuncëxun cuati ami catamëcë ꞌixun camina aín unicamabëtanbi cuëënquin a rabiti ꞌain.

2 Pedro 3:13

Usaía ñu ꞌiti ꞌaínbi cananuna Nucën ꞌIbu Dios quiásabi oía me ꞌimainun naí ió ꞌiti cainin. Anu ca uisa ꞌuchabi ꞌaíma ꞌiti ꞌicën.

Apocalipsis 21:27

Usa ꞌain ca anu ñu ꞌaisama ꞌitima ꞌicën, ui unix cara ꞌaisama ñu ꞌacë ꞌicë ꞌimainun ui unix cara cëmëia, usa unix ca anu ꞌitima ꞌicën. Ui unicamax cara Nucën Papa Diosan nëtënu ꞌitioquin aín anë Carnero ꞌicësaribitia unin ꞌucha cupí bama, aín quiricanu cuënëo ꞌicë, acamax cuni ca anu ꞌiti ꞌicën.

Apocalipsis 21:7

Uicaman cara ꞌëmi catamëquin ꞌëx cuëëncësabi oi ꞌiti ëncëma ꞌicë, acama cana ꞌënan ꞌaish ꞌëbë tsóti ꞌimiti ꞌain. ꞌImainun cana ꞌëx aín Dios ꞌiti ꞌain. ꞌImainun ca ax ꞌën bëchicë ꞌiti ꞌicën.

Apocalipsis 5:10

Ië́mianan camina atu Nucën Papa Diosbë ꞌapu ꞌinun ꞌimianan judíos sacerdotesa ꞌimiquin an Nucën Papa Diosbë banaquin a rabicë ꞌimian. Usaquinmi ꞌimicëx ca mibë ënë menu ꞌicë unicaman ꞌapusa ꞌiti ꞌain.