Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Isaías 6:8 - Kashibo-Kakataibo Biblia

8 Ësai kia kuatankëxun kana Dios ësai kikë aín banaribi kuan: “¿Uinu ꞌikë uni karana xuti ꞌain? ¿Uix kara nukamax kikë bana uni ñuixunkë ꞌiti ꞌik?” Kia kana ꞌën kan: “Ënu kana ꞌëx ꞌain ꞌë kamina xuti ꞌain.”

အခန်းကိုကြည့်ပါ။ ကော်ပီ




Isaías 6:8
23 ပူးပေါင်းရင်းမြစ်များ  

Usa ꞌain ka kamabi ñu ꞌatankëx Nukën ꞌIbu Dios ësai kiakëxa: Bërí kananuna nu iskësabi ꞌitánun uni unioti ꞌain. Ax ka bakanu ꞌikë ñuinakama ꞌimainun pëchiñu ñuina ꞌimainun a piti pitima ñuinakama ꞌianan, ñuina raëkëma ꞌimainun men niríkë ñuinakamax ka an bërúankë ꞌiti ꞌikën.


Usa ꞌain ka Nukën ꞌIbu Diosan atun ñu ꞌaia istisatankëx kiakëxa, bëtsi bëtsi banan bananun kananuna uni ꞌimiti ꞌain, usai ꞌi ka bëtsin kakëxunbi bëtsin bana kuakámati bënëti ꞌikën.


Usa ꞌain ka Nukën ꞌIbu Diosan ꞌitsa baritia ami panatankëxun, Abraham karaisa ënima ami manutima asérabi sinania kixun tankin. Aín anën kuëankëxa, usakin kuënkëxun ka Abrahamnën kakëxa: —Ënu kana ꞌain ꞌën ꞌIbu.


nukën ꞌIbu ángelnën kuënkin naínuxun kakëxa: —¡Abraham! ¡Abraham! ësokian kakëxun ka. —Ënu kana ꞌain ꞌën ꞌIbu —kixun an kakëxa.


kakëxa: Ka is, bërí ka unix nukama achúshisa ꞌikën, usa ꞌixun ka uisa ñu kara upí ꞌikë ꞌunánan uisa ñu kara ꞌaisama ꞌikë aribi ꞌunánti ꞌikën. Usa ꞌain kamina a pi tsóti i bimi aribimina xënibua ꞌaínbi tsónuxun pi bërúanti ꞌain.


Iskëbëtan anribi kaxú bësukinbi aia iskin ka ꞌë kuëanxa. Kuënkëx kana a ꞌurama obiani kuan.


Usa ꞌain ka Nukën ꞌIbun ñukákin, uin kara Ahab paránbiankin aín suntárukamabëa Ramot Galaad me an bërúankë suntárukaman ꞌakëx anuax bamanun buánti ꞌikë kixun ñukákëxa. Ñukákëx ka raírinëx bëtsi kimainun raírinëxribi bëtsioiribi kiakëxa.


Ësai ka Nukën ꞌIbu kiaxa: An añu ñubi ꞌë ñukáma unikama ax ka ꞌënu uakëxa; an ꞌëmi sinánkin ꞌë bariama unikama anbi ka ꞌëmi sinánkin ꞌë mërakëxa. Achúshi ëmanu bukukë unikama an ꞌë kuëënkëma akana kakën: Ënu kana aín.


ꞌImainun kana aín pëchikama kuankin banamia kuan: ax ka baka ꞌëi kushiira xukirui banakë usaribi ꞌiaxa, usai ꞌika Dios kamabi kushiñu ax banakësari ꞌiaxa, ꞌianan ka suntárukama ꞌaisamaira ꞌaish bëtsibëtan sënënbi chaninrukiani kuani me banamibiankë usaribi ꞌiaxa. ꞌIanan ka uínsaran kara nirakëtia anun aín pëchikama pëntsispuküaxa.


Usaquian ꞌunánmicëxbi cana ꞌëx uisai carana ꞌiti ꞌai quixun sinani bënëtiman. Bamanuxunbi Nucën ꞌIbu Jesusan cacësabi oquin ꞌai cuëënquin sënë́onti cana cuëënin, Nucën Papa Diosan ca nuibaquin unicama ainan ꞌinun ië́misa tania quixuan camabi unin ꞌunánun.


Usaquin cacëxunbi ca Nucën ꞌIbu Jesusan ꞌë cacëxa: Camina cuanti ꞌain. Cana ꞌura ꞌicë judíosma unicamami bana ñuixunun mi xuti ꞌain.


Pablonën ca ësaquinribi Agripa cacëxa: ꞌApu Agripa, cana mi cain, usaquian Jesusan naínuxun ꞌë cacëxun cana aín bana parë́quinma an cacësabi oquin ꞌacën.


Usoquian pëcacëx menu nipacëquin ca ësaía quia cuacëxa: —Saulo, Saulo, ¿uisati caramina ꞌë bëtsi bëtsi oin?


ꞌËx axa ami catamëcë uni raíribë sënë́nmara ꞌicëbi ca Nucën Papa Diosan nuibaquin, judíosma unicama Cristo ñui quicë bana ꞌunánminun ꞌë ꞌimiaxa, uisaira oquin cara Cristonën aín unicama nuibaquin ꞌaquinia quixuan ënë nëtënuxun aín unicaman ꞌunáinracëma ꞌicëbi.


Usa ꞌain ka Nukën ꞌIbun Samuel Samuel kakin kuëankëxa: —¡Kuënkëxun ka Samuelnën kakëxa! ¡Ënu kana ꞌai kixun kakëxa!


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ