Isaías 6:5 - Kashibo-Kakataibo Biblia

⁵ Usakin ꞌaia iskin sinani kana ësai kian: “¡Uisai karana ꞌiti ꞌain, bërí sapi kana bamati ꞌain! ꞌËnbi kana ꞌapu ꞌaish kamabi kushiñu Dios a isan; ꞌëx kana achúshi uni ꞌën kuëbitan ꞌatimati banakë ꞌimainun, kana achúshi ëma ꞌatimati banakë unikama nëbëtsi tsotin.”

Isaías 6:5 ပူးပေါင်းရင်းမြစ်များ

Génesis 32:31

Usa ꞌain ka Jacob Penuel a inubiani kuani bari urukëbë chikíakëxa; chikíkiani kuaníbi ka abëa tananankëxuan unin aín chitëxkënu tinkirinkakë a tani ikëtishi munu kuankëxa.

Salmos 24:10

¿Ui kara ꞌapuira ꞌianan kushiira ënëx ꞌik? ¡Ax ka Dios kamabi kushiñu a ꞌikën! ¡Ax ka Dios ꞌapuira a ꞌikën!

Éxodo 24:10

Anuxun ka axa mapë́rakëkëkama atuinshi Israel unikaman Dios isakëxa: Iskin ka anua nikë ax upíira ꞌaish chabáchabákikë zafiro kakë a naí kuman bëtsi iskësa ꞌikë isakëxa.

Éxodo 3:6

Kakin ka ësokinribi kakëxa: —ꞌËx kana min chaitiokë aín Dios ꞌain ꞌimainun kana Abraham, Isaac Jacob akaman rabia Dios a ꞌain. Usakian kakëxun kuati ka Moisés aín chupan Dios istisamatani rakuë́ti bëmápuakëxa,

Éxodo 33:20

ꞌAínbi kana mi kain ꞌën bëmánan kamina istima ꞌain ui unin kara ꞌën bëmána isia ax ka bamakë ꞌiti ꞌikën.

Éxodo 4:10

—¡Uisati kaina ꞌë usakin kai ꞌën ꞌIbu! —Kixun ka Moisésnën Dios kakëxa—. ꞌËx banati ka tëira ꞌikën, ꞌëx usai banakë ax ka bëríra usai ꞌëx banakëma ꞌikën, usa ꞌain ka, an mi ñu mëëxunti ënëx bëríra usai ꞌiama ꞌaish usaibi banaia. Usa ꞌain kana ꞌëx banaibi upiti banatima ꞌain.

Éxodo 6:12

ꞌAínbi ka Moisésnën Nukën ꞌIbu katëkëankëxa: —Uisaxunbi ka israel unibunën ꞌën kakëxun ꞌën bana kuaisamatania; ¿uisaxun kara ꞌën kakëxun faraónën kuati ꞌikën, ꞌëx upitira banakë unima ꞌain ꞌën bana kuati ꞌik?

Éxodo 6:30

ꞌAínbi ka Moisésnën katëkëankëxa: —ꞌËn ꞌIbu, ꞌëx kana upitira banakëma uni ꞌain, usa ꞌikë kara, ¿Uisaxun kara faraónën ꞌën kakëxun ꞌën bana kuati ꞌik?

Isaías 33:17

Usa ꞌain kamina mitsun bërúnbi axa ꞌapu ꞌiti uni a istëkënti ꞌain, ax ka ꞌapu ꞌupíira ꞌinuxun ꞌaia; an ka uinu kara me kuainakëakëxa anu ꞌaísha ꞌuraira ꞌaínbi unikaman ꞌapu ꞌiti ꞌikën.

Isaías 64:6

Kamabi nux kananuna uni achúshi upíma chuakë usaribi ꞌain; kamabi nun ꞌakë ñu upíkama ax ka chupa chua usaribi ꞌikën; ꞌimainun kananuna nukamax pëi chushitankëx rëukubukë usaribi ꞌain, ꞌianan ka nun uni rëtëkë ax ka nun ñu ꞌatimaira ꞌakin, a tanti bana kikësokin ꞌakinma uni ꞌakë ax suñun kuainkin pëi pukë usaribi ꞌinun nu ꞌimia.

Jeremías 1:6

Ësakin kakëxun ꞌënribi kan: ¡ꞌËn ꞌIbu Dios! ¡ꞌËx bëná pain ꞌixun uisai banati kara abi ꞌunaniman!

Ezequiel 33:31

Usakin min kakëx ka ꞌën unikama utankëx atux ꞌikësabi min bana kuati mi bëtánain tsóbukanti ꞌikën. ꞌAínbi ka atun mix kikë bana tankin usakinbi ꞌatima ꞌikën. Usa ꞌixun ka mix kikë banakama a tania, ꞌaínbi ka a banakama uníxa xanu ñui katakësokinshi ꞌaia, usai ꞌianan ka atun ꞌitsaira kuríkishi kuëënia.

Daniel 9:20

ꞌËn kana ënkinma abi ꞌën ꞌuchakëkama chikinanan ꞌën uni Israel kamananribi ñukaxunkin chikinaxuan, ꞌanan kana ꞌën ꞌIbu Dios ꞌain bashi upíira a kupínribi abë banakin kan.

Habacuc 3:16

Ënëkama ñu ꞌiti kuati kana rakuëan, usai ꞌi kana ꞌën kuëbí bërëkai ꞌian, ꞌianan kana ꞌën kisikama anun nisama ꞌimainun ka ꞌën namikamaribi kushima ꞌiaxa. Usa ꞌixunbi kana bënë́kinma uínsaran nëtën kara Diosan an nu ꞌatimokin ꞌakë unikama masánuitutanun aín suntárukama ꞌimia kaínti ꞌain.

Jueces 13:22

usai ꞌian ka aín xanun ësokin kakëxa: Bërí sapi kananuna nu rabë́ ñuti ꞌain, nun kananuna asérabi Dios isan.

Jueces 6:22

Usai ꞌia iskin Nukën ꞌIbun ángel ka asérabi ax ꞌiaxa kixun sinani ka Gedeón kiakëxa: ¡ꞌËn ꞌIbu ꞌëx kana min ángelbë ꞌën ꞌunánkë unibë ꞌikësai asérabi isi kanan!