Isaías 6:2 - Kashibo-Kakataibo Biblia

² Isanan kana unisa akamaxa tsi rëkirukë kamasa ꞌaish a manámi tsókë isan. Usa ꞌaish ka achúshi achúshinëx mapai achúshi ꞌimainun achúshi pëchiñu ꞌiaxa. Usa ꞌaish ka rabë́ pëchin bëmápuküanan, rabëtan aín chixumixun aín nami mapuanan ka rabëtanribi nuanxa.

Isaías 6:2 ပူးပေါင်းရင်းမြစ်များ

Génesis 17:3

Usakian Nukën ꞌIbu Diosan kakëx ka Abram rantin puruni aín bëmánanën me tikai tsóbuakëxa usai ꞌiaka kakëxa:

1 Reyes 19:13

Usai ꞌia kuati ka Elías aín pañukë tari anunbi bëmápukukiani kuanx, anua ꞌuxkë kini aín xëkuë anu nirakëakëxa. Anu nixunbi ka achúshitia ësai Dios kia kuakëxa. ¿Añu kaina ënuxun ꞌain Elías?

1 Reyes 22:19

Kia ka Micaíasnën kakëxa: —Mix kamina usai kian, usa ꞌain kamina ꞌën ꞌIbun iskë ñu ñuikin mi kamainun upíokin kuati ꞌain: ꞌËn kana Nukën ꞌIbu anua tsótinua tsókë isan, isanan kana aín ángel naínua ꞌikë kamaribi a rapasu sëtë́kë aín mëkeu raíri ꞌimainun aín mëmiu sëtë́kë isan.

1 Reyes 6:24

ꞌianan ka ain pëchi achúshi achúshinëx rabë́ metro ꞌimainun veinticinco centímetro ꞌiakëxa. Usa ꞌain ka bëtsin rëbu ꞌikë anuxunbi bëtsin rëbumiokin tupúnkëx, i ꞌakë ain pëchi cuatro metro ꞌimainun medio metro ꞌakë ꞌaish bëtsibëtan sënë́nbi ꞌiakëxa.

1 Reyes 6:27

Usa ꞌikë ka Salomónën aín kata upíira anu nitsínun ꞌamiakëxa. Querubin tankin ꞌakë a ka ain pëchi pëchakin nitsíankëxa, usa ꞌain ka bëtsi pëchia amo ꞌikë anun chikënkëmi pëtíkimainun bëtsíxribi amo ꞌikëmi pëtíkikë ꞌiakëxa, ꞌianan ka amo ꞌikë rabë́ axribi bëtsibë pëtikanankë kata upíira anubi ꞌiakëxa.

1 Reyes 8:7

aín pëchi rabë́ an ka bunántisa okin ꞌakë kurin ratakakakë a mapuanan anun tuinbiankin buánti ꞌakë tsatisa akëñunbi mapukë ꞌiakëxa.

Nehemías 9:6

Ësokin unikama katankëxun ka Esdrasnën Dios ësokin kakëxa: “Mixmi Dios ira ꞌain ka misaribi Dios uixi ꞌitima ꞌikën. Min kamina naíkamë ꞌëo ꞌanan a manámia ꞌikë ñukama këñun anu ꞌikë ꞌispakamaribi uniokën; ꞌanan kamina meribi ꞌatankëxun anu ꞌikë ñukamaribi ꞌakën, ꞌatankëxun kamina parúmpapanu ꞌikë ñukamaribi ꞌakën. Usa ꞌain ka min ꞌimikëx kamabi ñukamax upiti tsotia. Usa ꞌikë ka min ángel naínu ꞌikë kaman rabimainun menuxunribi mi rabiti ꞌikën.

Job 1:6

Achúshi nëtën ka an ñu ꞌaxunkë aín ángel kamabë usaibi ꞌikë ꞌaish Diosbë timë́ti nëtë ꞌain, axa paránankë ángel axribi atubë timë́akëxa.

Job 4:18

Usa ꞌain ka Diosan aín nëtënuxun ñu ꞌaxunkë aín ángel kamamibi atux ka ñu ꞌatima ꞌakëma ꞌikë kixun atumi sinanima. Usa ꞌixun ka Diosan aín ángel kamanribia ñu upiokin ñu ꞌaiama isia,

Salmos 103:20

¡Anu uxun ka aín ángel kushiirabu an Nukën ꞌIbu Dios rabiti ꞌikën! Mitsun kamina an kakësabiokin ꞌanan, uisakin ñu ꞌanun kara mitsu kaia usakin ꞌaxunti ꞌain.

Salmos 104:4

Usa ꞌain ka suñukama axbi an min bana ñuikë ꞌikën, ꞌimianan kamina kanákamë ꞌëo mërirukë abi an mi ñu mëëxunti ꞌimiakën.

Salmos 89:7

Dios chaiira ꞌimainun ami rakuë́ti mi ka, naínuxun min ángelkaman mi bëarabuinxun rabikania.

Éxodo 3:6

Kakin ka ësokinribi kakëxa: —ꞌËx kana min chaitiokë aín Dios ꞌain ꞌimainun kana Abraham, Isaac Jacob akaman rabia Dios a ꞌain. Usakian kakëxun kuati ka Moisés aín chupan Dios istisamatani rakuë́ti bëmápuakëxa,

Isaías 6:6

Usai ꞌëx kikëbëbi ka unikama achúshi tsi rëkirukësa ꞌaish ꞌëmi kikuatsini nuankuatsini uaxa. Ukin ka xëta rabë́ okin ꞌakë anun tsi ëxku ënxaira achúshi anuxun ñuina xaroti ꞌakë anua bitsínkin bëaxa,

Ezequiel 1:11

Usa ꞌain ka aín pëikamax manámi ki pëntikanani pënchakë ꞌiakëxa, ꞌimainun ka rabë́ aín pëi aribi pëntikanankë ꞌiakëxa, ꞌianan ka rabë́ anúnribi aín nami mapukë ꞌiakëxa.

Ezequiel 1:24

ꞌImainun kana aín pëchikama kuankin banamia kuan: ax ka baka ꞌëi kushiira xukirui banakë usaribi ꞌiaxa, usai ꞌika Dios kamabi kushiñu ax banakësari ꞌiaxa, ꞌianan ka suntárukama ꞌaisamaira ꞌaish bëtsibëtan sënënbi chaninrukiani kuani me banamibiankë usaribi ꞌiaxa. ꞌIanan ka uínsaran kara nirakëtia anun aín pëchikama pëntsispuküaxa.

Ezequiel 1:4

Usa ꞌain kana aín tsipumiaxa suñúan kushiira aia isakën; isanan kana kuin chaiira anuaxa tsi rëkirukësa ax kaná kamë ꞌëo mëríru mërirui ꞌikësai ꞌia isakën, ꞌimainun ka mëríru mëriruia ꞌikë a rapasu kuainakëkin ichu ichukikë an pëkakë ꞌiakëxa. ꞌIanan ka tsi rëkirukësa a nëbëtsi niba niba kikë ꞌitanuan unin ñu mëniokësa usaribi ꞌianan ichu ichukikë anu mërakëxa,

Ezequiel 1:6

Usa ꞌain ka akama achúshi achúshinëx rabë́ ꞌimainun rabë́ bëmánañu ꞌianan rabë́ ꞌimainun rabë́ pëiñuribi ꞌiakëxa;

Daniel 7:10

usa ꞌain ka tsi ërë́rukë ax ka achúshi baka iskësa ꞌaish a bëtánain chikíaxa. Usa ꞌain ka miles ꞌimainun miles unikaman ñu mëëxumainun, millones ꞌimainun millones unikama a bëtánain sëtë́kë ꞌiaxa, anuxun ka a bana usai anu sëtë́kankë ꞌain bana ñuikin pëukin kirika, anua usai uni ꞌikë kuënëokë akamaribi bakakë ꞌiaxa.

Daniel 9:21

Kakëbëbi ka Gabriel kakë ángel ꞌën namákësokin iskëbëa ꞌëmi mërakë ax nuánkësakuatsini anu ꞌëx ꞌikë anu uaxa. Ukë anun ka Dios ñuina xaroxunti hora ꞌiti chukúmara pishinkë ꞌain bari kuabuti ꞌiaxa.

Lucas 1:10

Usa ꞌain ca Zacaríasnën tsëpasa ñu xaromainun judíos unicaman ëmánxun Nucën Papa Dios abë banaquin rabiacëxa.

Hebreos 1:7

Angelcama ñui ca Nucën Papa Dios ësai quiacëxa: ꞌËn ꞌamicëxun ca ꞌën ángelcaman ꞌën cacësabi oquin ñu ꞌaia. Usa ꞌain cana ꞌaisa tanquin suñusa ꞌimianan ꞌaisa tanquin tsi rëquirucësa ꞌimin. Usa ꞌixun ca ꞌë ñu ꞌaxunia.

Apocalipsis 14:6

Usa ꞌain cana bëtsi ángelribi isan. Camabi unin cuanun ca naínu nuani munuma banai, Cristo cupí ca unicamax xëníbua ꞌaínbi Nucën Papa Diosnan ꞌiti ꞌicë quiaxa. Camabi menu ꞌicë unicama bëtsi bëtsi unibu, bëtsi bëtsi menu ꞌicë, bëtsi bëtsi banan banacë an cuanun,

Apocalipsis 4:8

A ñucama achúshi achúshinëx ca anúan nuánti mëcën achúshi ꞌimainun achúshi pëchiñu ꞌiaxa. Aín bërucamax ca ëman ꞌianan ꞌucë mëúribi ꞌiaxa. A ñux ca nëtë́nbi imë́bi nëtëtima Nucën Papa Dios rabi ësai quiaxa: Nucën Papa Dios, ax ca upíira upí, upíira upí upíira upí ꞌicën. Aín cushix ca chaira ꞌaish bëtsi cushisama ꞌicën. Ax ca usabi ꞌiá ꞌaish, usabi ꞌaish, usabi ꞌiti ꞌicën.

Apocalipsis 7:11

A unicamaxa quicëbë ca camabi ángelcaman, anu ꞌApuira tsóti anua Nucën Papa Dios ꞌicë, ꞌimainun mëcën rabë́ ꞌimainun taë rabë́ ꞌimainun rabë́ ꞌimainun rabë́ caniacëcë unicama, ꞌimainun axa ꞌitsaira bëruñu rabë́ ꞌimainun rabë́ ñu, axribia bamatimoi tsócë, acama nëbë́tsioraxa. Nëbë́tsioraquin ca anua ax ꞌicë anuax rantin puruni, meu bësuquin, Nucën Papa Dios rabiaxa.

Apocalipsis 8:13

Usacëbëtan istëcënquin cana ángel naínuax nuania isan. Nuania, munuma banai ësai quia cana cuan: —Manë banañu rabë́ ꞌimainun rabë́ banocë ꞌaínbi ca rabë́ ꞌimainun achúshi ángelnënribia banocëbëtan, axa menu bucucë unicaman masócë ꞌixun ꞌaisamaira paë tanti ꞌicën. Achúshi banocëbë tëmëranan ca bëtsi banocëbëribi tëmëranan bëtsiribia banocëbë usaribiti tëmëratëcënti ꞌicën.