Isaías 6:11 - Kashibo-Kakataibo Biblia

¹¹ Ësokin kakëxun kana ꞌën ñukákën: “¿ꞌËn ꞌIbu uiti bari ꞌimi kara ënë ñukama min bana kikësai ꞌinux basiti ꞌik?” Kixun kakëxun ka Diosan ꞌë kakëxa: “Ënëx ka ëmakama masókin ꞌatima okëbëa anu ꞌikë unikamax uniñuma ꞌianan; atun xubukamaxribi uniñuma ꞌimainun, anu ñu ꞌapákë me kamaxribi anu uni ꞌikëma mesa bërutamainun anu sënën ꞌiti ꞌikën,

Isaías 6:11 ပူးပေါင်းရင်းမြစ်များ

Salmos 90:13

¡Nun ꞌIbu, nukamanu kamina utëkënti ꞌain! ¿Uínsaran ira kaina nu ꞌakintëkënti ꞌain? ¡Minmi kaisa min unikama ënë kamina nuibakin ꞌakinti ꞌain!

Isaías 1:7

Usa ꞌain ka atun mekamax ꞌatima okë ꞌaish anu uni ꞌikëma mesa bëruaxa, ꞌimainun ka atun ëma kamaxribi anu rëkirukin tsin në́nkë ꞌikën. Mitsun ꞌismainunbi ka axa mitsumi nishkë unikaman mitsun ꞌapákë ñukama bixun piaxa. Usakia ꞌakëbë ka kamabi mekamax anu uni ꞌikëma mesaribi ꞌi, Sodoma ëmaxa këñukëx ꞌia usaribiti ꞌiaxa.

Isaías 32:14

ꞌImainun ka ꞌapun xubu akama ënkë ꞌiti ꞌikën; ꞌimainun ka ëma anuax chikíkin upíokin kënëarakë anua uni ꞌitsaira ꞌikë aribi ashikin ënkanti ꞌikën, usakin ënkë ꞌain ka pasto koia pi burro raëkëma, ꞌimainun vaca akamax anu bukuti ꞌikën.

Isaías 35:1

ꞌËx kana kuëënin anu uni ꞌikëma, me ëskikë ax kuëënti, kuëënkëbë ka ꞌitsaira anu ñu bimi uábuti ꞌikën,

Isaías 60:15

Usa ꞌain kamina mitsu rakanan, istisama tankin miratsushi ꞌinun ënkësa ꞌitima ꞌain, usai ꞌima kamina ꞌën mi xënibua, ꞌaínbi ꞌën kushiokëx kuëëni tsókanun mi ꞌimiti ꞌain.

Isaías 64:10

Min ëmakama upíbu ax ka anu uni ꞌikëma mesa bërí ꞌikën, ꞌimainun ka Jerusalén axribi rurupakin masókankëxa.

Miqueas 2:4

A nëtën ka mitsu raíri unikaman ꞌatima okëx masá nuitutia kantaxunkin. Ësakin mitsumi kuaikin kakanti ꞌikën: Nukamax kananuna ꞌaisamaira masokin këñúkë ꞌian; nun ëmax ka Diosnan ꞌikën, ꞌaínbi ka Nukën ꞌIbunan ꞌikëbi axa numi nishkë unikaman ꞌibuaxa usa ꞌikë ka uínbi usakin ꞌaxuma ka ꞌa kixun kati ꞌaíma ꞌikën; usa ꞌain ka nun mekama nu bikuantankëx bëtsi unikamabë ꞌinánanxa.

Miqueas 5:11

ꞌAnan kana min ëmakamaribi ꞌatimokin masónan anuan min ëma kënëarakama aribi rurupati ꞌain;