Isaías 58:9 - Kashibo-Kakataibo Biblia

⁹ Usa ꞌain kana ꞌëmi ñukákëxun, ꞌënribi ënu kana ꞌai kixun mitsu kati ꞌain; ꞌianan kana munuma banakinmi ꞌakinun kixun ñukákëxun ꞌënribi mitsu: Ënu kana mitsu ꞌakinux ꞌai kixun kati ꞌain. Mitsúnmi këmëxun bëtsi ñankabi ꞌatima okë a ëanan, bëtsi ꞌichakin ñuikë ꞌimainun bëtsimi këmëi manánkë akama ënia kana usakin ꞌati ꞌain,

Isaías 58:9 ပူးပေါင်းရင်းမြစ်များ

Génesis 27:18

ꞌInánkëx anua ꞌikë anu atsínkin ka Jacobnën aín papa ësokin kakëxa: —¡Papan anu kaina ꞌain! —Ënu kana ꞌain. ¿Uinu ꞌikë ꞌën bëchikë a kaina mix ꞌain? —kixun ka Isaacnën ñukákëxa.

Salmos 118:5

Usa ꞌain kana masá sinani tëmërai bënë́kin Dios ñukákën; ñukákëxun kuakin ka ꞌë ꞌakiankëxa.

Salmos 145:18

Nukën ꞌIbu ax ka an rabikë unikama ꞌurama ꞌianan, an asérabi këmëkinma rabikë akamanu ꞌia.

Salmos 37:4

Nukën ꞌIbu nuibakin kamina an kakësabiokin ꞌati ꞌain, usokinmi ꞌakëbëtan ka min ñukákësabi okin mi ꞌaxunti ꞌikën.

Salmos 91:15

Uínsaran kara ꞌakinun kixun ꞌë kaia anun kana ꞌakinti ꞌain; ¡ꞌëxbi kana abë ꞌiti ꞌain! Usakin ꞌai kana ꞌëx abëbi ꞌiti ꞌain, ꞌënbi kana ꞌupiokin kamina ñu ꞌa kixun mi kati ꞌain;

Isaías 1:15

Uínsaran kaina ꞌë ñukákin manámi okin mëkën birui ëbë banain, anunbi kana ꞌën usakin ꞌaia mitsu istisama tani ꞌamo kuainakëtin; ꞌimainun kana ꞌitsaira ëbë banakin ñukákëxunbi, ꞌën a banakama kuatima. Mitsun mëkënkama ax ka anun uni ꞌakë ꞌaish imin mëshikikësa ꞌikën.

Isaías 55:6

‘Bërí kamina mëratisa ꞌikëishi Nukën ꞌIbu barikanti ꞌain, ꞌianan kamina bëría mi ꞌurama ꞌikëishi kuënti ꞌain.

Isaías 58:6

ꞌAínbi ka usakin ꞌakë ax ꞌën iskëx usama ꞌikën. ꞌËx a isi kuëëntisabi ꞌitánun piti mëti ax ka ësokin ꞌati ꞌikën, bëtsi unikamax ka upíokin nuibakë ꞌiti ꞌikën, usa ꞌaish ka anun uni ñu ꞌatima ꞌakëmabi tëkërëkakë manë risi të́kakë usa ꞌianan, vaca bënë tëatsimixun i anun tëkërëkakë risi churukë usaribi mitsunan ꞌiti ꞌikën; ꞌianan ka bëtsi unin tëmëramikë axribi ñankáishi ꞌitánun këñúkë ꞌiti ꞌikën, usakin ꞌakëx ka ꞌapukamaxa unimi an kuëënkësa okin ꞌakë ax këñúkë ꞌiti ꞌikën;

Isaías 65:24

ꞌImainun kana atun ꞌë ñukákin sënë́onkë, ꞌaímabi ꞌakinti ꞌain; atúxa ꞌëbë banai sënë́nkë ꞌaímabi kana ꞌën ꞌunánkë ꞌiti ꞌain, ꞌën kana atun bana kuakë ꞌinuxun ꞌain.

Daniel 9:20

ꞌËn kana ënkinma abi ꞌën ꞌuchakëkama chikinanan ꞌën uni Israel kamananribi ñukaxunkin chikinaxuan, ꞌanan kana ꞌën ꞌIbu Dios ꞌain bashi upíira a kupínribi abë banakin kan.