Isaías 58:2 - Kashibo-Kakataibo Biblia

² Kamabi nëtën ka ꞌë baria, usa ꞌixun chuámarua tani ꞌëx kikësoi ꞌikatsi kiax ꞌikin, achúshi ëmanu ꞌikë unikaman ꞌupiokin ꞌakësokin ꞌakin, ꞌën bana kikësama okinma ꞌaia kixun; upíokin ꞌën bana kikësokin ñu ꞌaxúnun ꞌë kaia, usakin ꞌë ñukati ka ꞌëx kikësabi oisa ꞌisatania kiax kuëënkania,

Isaías 58:2 ပူးပေါင်းရင်းမြစ်များ

Proverbios 15:8

Nukën ꞌIbu Diosan ka uni ꞌatima sinánñukaman ñu ꞌaxunkëxunbi a upí isima, ꞌaínbi ka uni upí sinánñukama an ñukákëxun kuni kuatia.

Isaías 1:28

ꞌaínbi kana an bana kuakëma unikama ꞌimainun ꞌuchañu unikama ꞌianan an ꞌën bana kuaisama tankë a unikama bamati ꞌikën.

Isaías 1:4

¡Usa ꞌain ka atux kamaxi ꞌuchakanxa ꞌianan ka a unikaman ꞌitsaira ꞌatima ñuishi ꞌaia, atun chaitiokëkamaxribi ꞌatima ñuishi ꞌakë unibu ꞌia ꞌain ka atun ꞌaisa tankë ñu ꞌatimashi ꞌakania! Usa ꞌain ka aín ꞌIbu ꞌikëbi ꞌë ënkanxa ꞌëx kana Israel unikaman Dios upíira a ꞌain, usa ꞌikëbi ka ꞌën bana kuaisama tankin ꞌë manuaxa.

Isaías 42:20

Mitsun kamina uiti ñuishi karana ꞌën mitsu kupí ꞌai ꞌisakën, ꞌaínbi kamina a sinánkima ꞌën kakëxun kuaisama tankanin; mitsun kamina kuatin, ꞌaínbi kamina ꞌën kakëxun uisa banabi kuaisama tanin.

Jeremías 7:10

usakin ꞌatankëx ka anuxun ꞌë rabiti xubu ënuribi ꞌëbë bana katsikiax rikuatsinin. Atun ka sinania ënuax kananuna ië́kë ꞌiti ꞌai kixun; usa ꞌixun ka abi kananuna ꞌati ꞌai kixun ꞌën kuëënkëma ñuira ꞌakania.

Jeremías 7:9

Mitsun kamina ñu mëkamanan uni ꞌanan, bëtsi unin xanubë ꞌianan, këmëishi anuxun bana mëníokë anuxun bëtsi uni ꞌuchonan, asérabi ñu ꞌakatsi kianan a rabikankë Baal rabikin sanuira ro xaroxuanan, mitsun usakin ꞌati ꞌikëmabi unínbia a rabinuxun ꞌakë dioskama a rabikanin,

Amós 5:18

¡An Diosan nëtë ꞌiti ꞌitsaira kainkë unikama! ¿Uisa kara a nëtë mitsunan ꞌiti ꞌikë kixun kaina ꞌunánkanin? A nëtëx ka ami rakuë́kë ꞌianan bëánkibukë ꞌiti ꞌikën, kara xabá ꞌitima ꞌikën.

Marcos 12:14

Xucëx cuanxun ca Jesús cacëxa: —Cananuna ꞌunanin, min banax ca asérabi ꞌicën. Uisai cara Nucën Papa Diosan uni ꞌiti ꞌicë quixun camina cëmëquinma asérabi ñuin, unían min a bana ñuia cuati cuëëncëbëtanmabi. Min sináncëx ca camabi uni bëtsibëtan sënën ꞌicën. Usaquin sinánquin camina camabi ñuñu ꞌimainun ñuñuma unicama ꞌimainun ꞌapuburibi uisai cara Nucën Papa Diosan uni ꞌiti ꞌicë quixun ñuixunin. Usa ꞌixun camina nu cati ꞌain, ¿Nucën Papa Dios asérabi nun cushi ꞌain cara Romanu ꞌicë ꞌapu, César, a curíqui buánmiti asábi ꞌic? ¿Cara asábima ꞌic? ¿Caranuna curíqui ꞌinánti ꞌain? ¿Caranuna ꞌinántima ꞌain?

Marcos 6:20

Herodías an ami nishquin ꞌamiti ꞌicëbi ca Herodesnën —Juan, ax ca mëní sinánñu ꞌaish upí uni ꞌicë —quixun sinani ami racuë́quin unínma ꞌaia quixun bërúancëxa. Usa ꞌixun ca aín bana uisai cara quia quixun upí oquin cuaquinmabi an bana ñuia cuacëxa. Usa ꞌain ca Herodíasnën Juan ꞌamiama ꞌicën.

Juan 5:35

Unían upí oquin isnuan bëánquibucë ꞌaínbi lamparínën pëcacësaribi oquin ca Juanën ꞌë ñuiquin uni bana ñuixuanxa. Usaquian ñuixuncëbë camina mitsux bënëtishi aín bana cuati cuëëan.

Tito 1:16

Atúxa —ꞌëx cana Nucën Papa Diosan uni ꞌai —quiabi ca an ñu ꞌaisama ꞌaia iscë unicaman —usama ca —quixun ꞌunania. Atúan ñu ꞌaisama ꞌacë cupí ca unin atu cuëënima. A unicaman ca bana cuacëma ꞌixun ñu upí ꞌati sinanima.

Santiago 4:8

Asérabi upiti ami sinani Nucën Papa Diosbë banaquin camina an nuibaquin sinánmicëxun, ax ca mitsubë ꞌicë quixun mitsun nuitu mëu upí oquin ꞌunánti ꞌain. An ñu ꞌaisama ꞌacë unicama, cana mitsu cain: Unia aín mëcën chuañuma ꞌinun mëchucacësaribiquin ca min sinan upí ꞌinun min ñu ꞌatima ꞌacëcama ën. —Nucën Papa Diosnan cana ꞌai —quicë ꞌixunbi ainanma unicaman ꞌacësaribi oquin ënë menu ꞌicë ñuishi sináncë unicama, mitsúxribi ca sinanat, Nucën Papa Dios cuëëncësabi oíshimi ꞌinun.