Isaías 58:1 - Kashibo-Kakataibo Biblia

¹ Nukën ꞌIbun ka ësokin ꞌë kaxa: “Rakuëtimaishi kamina munuma banai kiti ꞌain, usai ꞌi kamina manë banañu banokëx ꞌikësa min bana ꞌinun kushin banati ꞌain; usai ꞌikin kamina ꞌën kaísa unikama atun ꞌakë ꞌatima ñukama ñuikin kati ꞌain, ax ka Jacobnën rëbúnkikama ꞌikën atun ꞌuchakëkamaribi ñuikin kati ꞌain.

Isaías 58:1 ပူးပေါင်းရင်းမြစ်များ

Isaías 2:5

¡Usa ꞌain kamina ꞌën aintsi Israel unikama mitsun kuati ꞌain, Diosan nu ꞌunánmikësabi oi kananuna ami sinánishi tsóti achúshi tirítan nu pëkakësa ꞌinun añu karanuna ꞌati ꞌai kixun ꞌunánti ꞌain!

Isaías 40:6

Achúshi unix ka ësai munuma banai kia: kia kana ꞌën ñukan: “¿Uisai karana ꞌëx munuma banai kiti ꞌain?” Kakëxun ka an ꞌë kaxa. Ënë bana kamina munuma banai kiti ꞌain kixun ka ꞌë kaxa. “Kamabi unix ka xubi kókë usaribi ꞌikën, ¡aín tsóti ax ka ñu ua naënu kotankëxi bëríbi nëtë́kë usa ꞌikën!

Isaías 43:27

Min chaitiokëkama axirapaia tsóa ax ka ꞌuchakëxa, an mitsu ñu ꞌunánmikë unikaman ka ꞌën kakëxun kuaisama tankankëxa,

Isaías 50:1

Ësai ka Nukën ꞌIbu kia: “¡ꞌËn kana Israel unikama mitsun tita ꞌikëbi rakankë kixun kamina sinánkantima ꞌain, achúshi unin aín xanu ënkin rakankë usaribi okin, usokin ꞌanan karana mitsu ñu mëmikë uni ꞌakësokin ama ꞌain bëtsi uni ribinxun akësokin ꞌama ꞌain! Mitsux kamina mitsun ꞌuchakë kupín marukë ꞌiakën; Israel unikama mitsun titax ka timakin rakankësa ꞌiakëxa, mitsun kakëxunbi ꞌën bana kuaisama tankë kupín.

Jeremías 2:2

Anu kuanxun kamina Jerusalén ëmanua ꞌikë unikama; munuma kuëníshkin upíokian kuanun kati ꞌain: ¡Ësakin mitsu kanun ka Nukën ꞌIbu kiaxa! ꞌËn kana bëná pain ꞌixunmi ꞌën kakësabiokin ꞌá a sinanin, usa ꞌixun kamina an biti unían mëratiokëxun xanun nuikësa ꞌinun mitsun ꞌë nuibakën, ꞌimainun kamina anu uni ꞌikëma me anu ñu ꞌapátisama anuxunbi ꞌë ꞌakiankën.

Jeremías 36:9

ꞌApu Joaquím Josíasnën bakë bëchikë axa mapai achúshi baritia Judá menu ꞌapu ꞌikë ꞌaían nueve ꞌuxë ꞌirukë anun ka Jerusalénnu tsókë ꞌimainun Judá menu ꞌikë ëmakanuaxa Jerusalénnu ukë akamax ka samákin pikëmëti Nukën ꞌIbu kuëëntanun ꞌai anu ꞌikankëxa.

Jeremías 6:17

Nukën ꞌIbun ka an bërúanti unikama nanxun aín unikama kakëxa: An manë banañu banókë unin banókë a kamina bëmë́kin kuati ꞌain. ꞌAínbi ka unikama kakëxa: Nukaman kananuna a kuaisamatanin:

Ezequiel 33:3

Usokin ꞌakëxun ka an bërúanti anëkë unin an ka ami nishkë unikaman suntárunën atux anu ꞌikë me ꞌurama obëtsinia iskin, aín aintsikama mëníokatanun aín manë banañu banoti ꞌikën.

Jonás 1:2

Anu kuanxun kamina, chaiira ëma Nínive kakë Asiria menua bukukë unikama ꞌëx kikë bana ñuixunkin kai kuanti ꞌain, ꞌënbi kana atun ñu ꞌatima ꞌaia isan usa ꞌain kana a ëma këñuti ꞌain.

Tito 2:15

ꞌËn mi cacë banacama ënë camina unicama ꞌunánmiti ꞌain. Atúxa, asérabi ca a bana icë quixun sinani racuëtima Jesucristomi cushicë ꞌinun ꞌësëanan camina atúan ꞌaisama ñu ꞌaxunma ꞌanun caquin ꞌësëti ꞌain. Usoquin ꞌaquin camina ui unínbi mi timaquin min bana cuaisama tanun ꞌimitima ꞌain.

Apocalipsis 1:10

Anun Nucën ꞌIbu Dios rabiti nëtën ꞌëx ami sinánquin cana ꞌuxúnmabi namácësa oquin, ꞌë caxucüaxa manë banañu banocë́xa banacësari munuma banaia cuan.

Apocalipsis 4:1

A ñucama pain cuatancëxun cana xëcuë xëocacësa ꞌinuan naí panárabëcë isan. Isquin cana anun paían ꞌë cacë bana axa manë banañu banocë́xa banacësari banaia cuatëcëan, ësai qui: —Ënu ca ꞌirui ut, mixmi aia cana uisa ñucama cara ꞌiti ꞌicë quixun mi ismiti ꞌain.