Isaías 55:5 - Kashibo-Kakataibo Biblia

⁵ Min kamina ëma ꞌunánkëma kamanua; ꞌikë an mi ꞌunánma ëmakamanua bënëkuatsinia ukanun kuëënti ꞌain, usokëx ka atux abákuatsini minu ꞌuti ꞌikën, ꞌëx min ꞌIbu ꞌianan Israel unikaman Dios upíira ꞌixun kana ꞌën mi uisakinbi katima ꞌimian.

Isaías 55:5 ပူးပေါင်းရင်းမြစ်များ

Génesis 49:10

Uínbi ka aín kushi Judá bikuantima ꞌikën, ꞌimainun ka aín manë tsati ꞌapun tuinkë ꞌikëa tuinkë a bikuantima ꞌikën, a manë tsatin ꞌibuka unuxun ꞌaia usa ꞌain ka kamabi menu ꞌikë unikaman ax kikësabiokin ꞌanuxun ꞌaia.

2 Samuel 22:44

Min kamina ꞌën kaibunëxbia ꞌë ꞌakatsikiax kikëbëtanbi ꞌë ꞌakiankën, min kamina ꞌëx Israel unikaman ꞌapu ꞌianan ꞌën uínsaranbi ꞌunánkëma unikaman ꞌë ñu mëëxunun ꞌamiakën.

Isaías 45:14

Ësakin ka Diosan Israel unikama kaxa: “Egipto menua ꞌikë naënu ꞌikë unikama, ꞌimainun an ñu marukë Etiopíanu ꞌikë unikama, ꞌianan Sabánu ꞌikë unikama, atux ka nënkëirabu ꞌikën akamina, mitsunu ꞌinamëtia ñu mëëmiti ꞌain; usokëx ka manë risin tëkërëkakë ꞌaish mitsu kaxú, kuani mitsu bëtanain rantinpurunkin mitsu kati ꞌikën: Asérabi ka Diosan mitsu ꞌakinia, usa ꞌain ka bëtsi dios ꞌaíma ꞌikën.”

Isaías 45:22

Usa ꞌain kamina ꞌën mitsu ië́minun ꞌënu ukanti ꞌain, uinu kara me kuainakëakëxa anu ꞌikë unikamaxi ka ꞌuti ꞌikën, ꞌëx Dios ꞌain ka bëtsi ꞌësaribi ꞌaíma ꞌiti ꞌikën.

Isaías 45:23

ꞌËx kana sinanatëkëntima oi ëbi kiakën, ki kana ꞌën kana ꞌëmi nishkë unikama kanankin ꞌati ꞌai kiakën, kia a banakama sënë́nmikin kana ꞌati ꞌain: usa ꞌain ka a bana sënë́nkëbë kamabi nëtënu ꞌikë unikama ꞌën ismainunbi rantinpuruni tsóbuti ꞌëmi ꞌikin, min kakësa okinbi kananuna sinanatëkëntima okin ꞌati ꞌai kiax atux,

Isaías 49:12

¡Kamina iskanti ꞌain! Israel unikama mitsux kamina, ꞌurakëoxbi ukanti ꞌain: axa aín tsipúmiax uti axa amiax umainun ka amia bari kuabúkë amiaxribi uti ꞌikën, umainun ka Asuán kakë me amiaxribi aín patsan uti ꞌikën.

Isaías 49:6

ax ka ësai kia: ꞌËn uni ꞌixunmi min Jacobnën rëbúnki, Israel unikama axa ñuima ꞌiakama a aín ñakánubi utëkënun ꞌakinkë ax ka ꞌën iskëx sënë́nmara ꞌikën, ꞌën kana ꞌën tirísa ꞌixunmi bëtsi menu ꞌikë unikama bana ñuixuanan, uinu kara me kuainakëakëxa anubi kuankin bana ñuinun mi ꞌimiti ꞌain.

Isaías 52:15

Usairibi ka kamabi menu ꞌikë unikama atúxribi ratuti ꞌikën; usai ꞌimainun ka ꞌapukamaxribi a isi uisa banarabi banatima ꞌikën, usai ꞌikin ka uinsaranbia unin ñuixuama ñu isti ꞌikën, ꞌimainun ka uinsaranbia kuama bana a kuati ꞌikën, kiax ka Dios kiakëxa.

Isaías 55:4

Mitsun kamina ꞌunánti ꞌain ꞌën kana, bëtsi bëtsi menu kuankian aín ꞌapu ꞌixun ñu ꞌunánmikin ꞌën ꞌunánmikë banakama ñuixunun xuakën.

Isaías 60:5

Usakin bëia isi kamina ꞌitsaira kuëëni kuëpunchini kuaikanti ꞌain, usai ꞌi kamina uínsarabi kuëënkësamairai min nuitu mëu kuëënti ꞌain; usai ukin ka parúmpapa nasínua ꞌikë ëmakamanua ꞌikë ñu upíirabu a mitsu bëxunkanti ꞌikën, usakin bëxun ka bëtsi menu ꞌikë unikama ñu kupikëirabu akama mitsu ꞌinánti ꞌikën.

Isaías 60:9

Tarsisnu ꞌikë manë nunti kama ax ka atu rëkuëonbiani manë nunti kama raíri abë biranan kuatsini kuankin, Jerusalénnu ikë unikama bëi ukin, mitsun bëchikëkama ꞌurakëo bëanan, kuri manë uxua akama bëti aka ax ꞌikën, a ñukamax ka min ꞌIbu Israel kaman Dios upíira a bëxunkë ꞌiti ꞌikën, an ka kushiira ꞌixun mitsu ꞌakiankëxa.

Oseas 1:10

“Usa ꞌain ka Israel unikama achúshi nëtën parúmpapa masi iskësaira ꞌaish, uínbi uiti ꞌitsaira kara kixun tupuntisama ꞌiti ꞌikën. Usa ꞌikë ka mitsux kamina ꞌën unima ꞌain kakima Diosan mitsu kati ꞌikën, mitsux kamina axa bamatima oi tsókë Dios ain bëchikë ꞌai kixun kati ꞌikën.”

Lucas 24:26

¿A bana quicësabi oi cara Cristo, ax aín Papabë ꞌApu ꞌi cuancëma pan ꞌaish, paë tani tëmërati ꞌiax?

Juan 17:1

Usaquin aín ꞌunánmicë unicama caíshi manámi bësui abë banaquin ca Jesusan aín Papa cacëxa: —Papan, unían ꞌë ꞌati nëtë ca uaxa. Min camina ꞌëx, min Bëchicë ꞌicë, bamacëbi ꞌë baísquimiti ꞌain, ꞌë rabiquian camabi unin mix camina asérabi cushiira ꞌai quixun ꞌunánun.

Hechos 3:13

Usama ca. Nucën Papa Dios, aira nucën rara Abraham, Isaac, Jacob acama ꞌimainun nucën raracama ꞌimainun nucën chaitiocëcaman rabia, an ca aín Bëchicë Jesús asaribi cushi ꞌinun ꞌimiaxa. Usa ꞌicëbi camina uni isa ꞌaminun quixun mitsun ꞌapucama ꞌináncan. ꞌInáncëa Pilatonën ëinsa tancëbëbi camina mitsux cuëëncëma ꞌain.

Hechos 5:31

Usotancëxun ca abëa aín mëqueu ꞌApu ꞌinun ꞌimiaxa. ꞌImianan ca axa atun ꞌApu ꞌaían a cupíshi sinanati Israel unicama atun ꞌucha tërë́ncë ꞌaish ië́cë ꞌinun ꞌimiaxa.

Romanos 15:20

A nëtënuxuan uinu ꞌicë unínbi Cristo ñuiquin ñuixuncëma, anu bana ñuixuni cuainsa cana tanin. Uni raírinëan ñuixuncë uni a ñuixuntëcënquinma, anuxuan unin Jesucristo ñuiquin bana ñuixuncëma nëtë, anu bana ñuixuni cuainsa cana tanin,

Efesios 2:11

Usa ꞌain camina manútima ꞌain, mitsux judíos unima, uni itsi ꞌaish camina axa ꞌunántioracacë judíos unicaman —a unibunëx ca ꞌunántioracacëma ꞌicë —quixun ñuicë ꞌiacën.

Efesios 3:5

A bana ca bëráma Jesucristo ucëma pain ꞌain, uisai cara quia quixun uni Nucën Papa Diosan ꞌunánmiama ꞌicën. Usa ꞌaínbi ca bërí aín Bëru Ñunshin Upitan an aín bana ñuixunun caíscë unicama uisai cara a bana quia quixun ꞌunánmiaxa.

Hebreos 5:5

Usaribiquin ca Cristonën anbi judíos sacerdotenën cushicaman ꞌapu ꞌiti sinánma ꞌicën. Nucën Papa Dios an Mix camina ꞌën Bëchicë ꞌaish xënibua ꞌaínbi ꞌëbë ꞌiti ꞌai, quixun cacë, anbi ca Cristo judíos sacerdotenën cushicaman ꞌapu ꞌimiacëxa.

1 Pedro 1:11

Cristo ënë menu ucëma ꞌaínbi ca aín Bëru Ñunshin Upitan sinánmicë ꞌixun, an Nucën Papa Dios quicë bana uni ñuixuncë unicaman ꞌunáncëxa, tëmërax bamatancëx baísquitancëx ca Cristo aín Papasaribi ꞌApu ꞌaish abë tsóti ꞌicë quixun. Usaquin ꞌunánquin ca uisa uni cara Cristo ꞌiti ꞌicë quixun ꞌunántisa tanan uínsaran cara uti ꞌicë quixun ꞌunántisa tancëxa.