Isaías 55:2 - Kashibo-Kakataibo Biblia2 ¿Uisa kupín kaina kuríkinën a piti ñu ꞌakësokin pitima ñu a kupíoti ꞌain? ¿Uisa kupín kaina të́xumi bikë kuríki anun pitima ñu kupíoti ꞌain, a kana ꞌa kixun sinani kuëëntima ñu a kupíoti ꞌain? Upiokin kamina ꞌën kakëxun kuati ꞌain, kuakin kamina upiokin ꞌakë piti nëish irakama piti ꞌain. အခန်းကိုကြည့်ပါ။ |
ꞌInánkin ka kakëxa: ꞌËx mitsun Dios ꞌixun kana ësokin mitsun kain, ꞌën kuëënkësa okin ꞌanan, ꞌën mi kakë ënë bana tankin ax kikësabiokin ꞌakëbëtan kana, uisa ñubi an mikama ꞌatima onun egipcio unikamanu xukësokin xutima ꞌain, ꞌëx kana Nukën ꞌIbu an mitsu uisaibi ꞌitima okin bërúankë a ꞌimainun, uinu kaina kuani anuabi mitsu ꞌën uni ꞌikë bërúanti a ꞌain.
Usa ꞌain ka ꞌën unikaman ñu mëëkë ax ñankabi ꞌakëma ꞌiti ꞌikën, ꞌianan ka atun bëchikëkamax anun bamati nëtë ꞌikëma ꞌaínbi bamatima ꞌikën, atux ka ꞌën kaískë unikaman rëbúnki ꞌikën. Atux ka Nukën ꞌIbu ꞌupiokin sinánxuan unikama aín bëchikëkama ꞌikën, usa ꞌaish ka aín rëbúnkikama atúxribi usaribi ꞌiti ꞌikën.
Usaquin camicëxbia ucëbëtanma ca amiribishi aín ñu mëëmicë uni raíriribi xuquin a cacë unicama ësoquin caxuntanun quixun caxa: Bëráma cana a piti ñucama mëníomian. Usonan cana ꞌën vaca ꞌaracacë rëmianan ꞌën ñuina rëracacëribi rëmian. Camabi ca mëníocë ꞌicën. Usa ꞌaían camáxbi ꞌën xubunu ꞌën bëchicënëan xanu bicëbëtan, nubëtan pi unun camina cati ꞌain.
Usa ꞌain camina uni itsían mitsu bëtsi bëtsi bana ñuixunquin Jesucristomi sinánti ënun quixun cacëxunbi ëntima ꞌain. A unicamax ca —bëtsi bëtsi ñu piquinbi camina bëtsi bëtsi ñu pitima ꞌai —quia. Atúxa usai quia a bana cuatibi ca uni aín nuitu upí ꞌima. Usa ꞌain camina —Cristo cupíshi ca Nucën Papa Diosan nu nuibaquin nun ꞌucha tërë́anan nux ainan ꞌinun ꞌimia —quixun ꞌunani amishi cushicanti ꞌain.