Isaías 55:11 - Kashibo-Kakataibo Biblia

¹¹ usaribiti ka ꞌëx kikë bana ax ꞌia, usai ꞌi ka ꞌën kuëënkësa okin ñu upí ꞌatankëxma ꞌënu kuantëkënima, ꞌaínbi ka ꞌëx kuëënkësabi okin pain ꞌaia, ꞌakin ka kuankima a ꞌanun ꞌën xukë a pain ꞌaia.

Isaías 55:11 ပူးပေါင်းရင်းမြစ်များ

Isaías 40:8

Usa ꞌain ka xubi ax ëski chushimainun ro ua axribi chushi xanania, ꞌaínbi ka Nukën ꞌIbu Diosan bana, ax xënibua ꞌaínbi usabi ꞌiti ꞌikën.”

Isaías 45:23

ꞌËx kana sinanatëkëntima oi ëbi kiakën, ki kana ꞌën kana ꞌëmi nishkë unikama kanankin ꞌati ꞌai kiakën, kia a banakama sënë́nmikin kana ꞌati ꞌain: usa ꞌain ka a bana sënë́nkëbë kamabi nëtënu ꞌikë unikama ꞌën ismainunbi rantinpuruni tsóbuti ꞌëmi ꞌikin, min kakësa okinbi kananuna sinanatëkëntima okin ꞌati ꞌai kiax atux,

Isaías 46:10

ꞌËx kikë ënëx usai ka ñu ꞌinuxun ꞌaia ꞌëx kia ꞌikën; kianan kana axa ꞌiti ñuribi ñui bërámabi kiakën. Usa ꞌain kana ꞌëx kin: Usa ꞌain ka ꞌën sinánkë ñukama ax usaibi ꞌiti ꞌikën; ꞌën kana uisa ñu ꞌanux karana kia a kamabi ꞌati ꞌain.

Isaías 53:10

Nukën ꞌIbun ka ꞌitsaira a tëmëramisa tankëxa. Usai ax unin ꞌucha kupí ñukë ꞌixun ka ꞌitsaira baritia xënibua, ꞌaínbi tsókin aín rëbúnkikama isti ꞌikën; usa ꞌixun ka Nukën ꞌIbu kakësabiokin an sinánkësa okin ꞌati ꞌikën.

Isaías 54:9

“Baka ꞌikuatsini sënë́nkë ꞌain kana, sinanatëkëntima okin ꞌën Noé amiribishi ka me mapui baka ꞌëtëkëntima ꞌikë kixun kakën. Usokin kana bërí sinanatëkëntima okin amiribishi kana usakin mimi nishtëkëntima ꞌai kixun kakën.

Jeremías 1:11

Diosan ka ësokin ꞌë kaxa: Jeremías, ¿añu kara min iskë ënëx ꞌik? Kixun ñukákëxun kana kan, achúshi ꞌamukutan pëñan bënëtishi uabutia kana isin, —kixun kana kan.

Jeremías 1:12

Kakëxun ka Diosan asábi ka kamina isan —kixun ꞌë kaxa—. Usa ꞌain kana ꞌën bana, kikësabi oi kara bënëtishi, ꞌia kixun kainin.

Jeremías 1:13

Diosan ka amiribishi ꞌë katëkëanxa: ¿Añu kaina min isin? —kixun ka ꞌë ñukáxa. Achúshi ñutë kana kubinia aín tsipumi ki ꞌianan, aín rëbúmiki pakëti ꞌuramashi ꞌikë, —kixun kana kan.

Jeremías 23:20

Nukën ꞌIbu nishkë ax ka uisakin kara ñu ꞌaisatania usakin ꞌaxma tantitima ꞌikën. Usa ꞌain ka anun mitsun ax ka asérabi ꞌikë kixun sinanan, ënë ñukama upíira okin kuati nëtë ꞌiti ꞌikën.

Amós 6:11

Usa ꞌain ka Diosax xubu cha akama ꞌimainun xubu chukúmakama ax ka ꞌatimokëx kamáxbi ꞌaíma ꞌiti ꞌikë kiax kiti ꞌikën.

Números 23:19

Dios ax ka nusama ꞌikën: ax ka këmëi bananan bëtsi okin sinántëkëkini kima. Uisa ñu ꞌakatsi kara ax kia a ka asérabi ꞌaia. Uisa ñu ꞌanux kara kiáxa a ka asérabi ax kikësabiokin ꞌaia.

Mateo 24:35

Naí, me, acamax ca cëñúti ꞌicën, ꞌaínbi ca ꞌën banaxa nëtë́imoi usabi ꞌain camabi ñu ꞌëx quicësabi oi asérabi ꞌiti ꞌicën.

Juan 6:63

ꞌËx ënë menu ꞌaish uni ꞌicë cupíshima ꞌëx bamatancëx baísquiti cupí camina ainan ꞌaish xënibua ꞌaínbi Nucën Papa Diosbë ꞌiti ꞌain. ꞌËn a ñuiquin mitsu cacë ñucama ax ca anúnmi ꞌëmi catamëti ꞌën sinánsaribi ꞌaish xënibua ꞌaínbi Nucën Papa Diosbë ꞌiti, a ꞌicën.

Romanos 10:17

Usa ꞌain cananuna ꞌunanin, uni itsían Cristo sinánquin aín bana ñuixuncëxun ca unin cuatia. Cuaquin ca —a banax ca asérabi ꞌicë —quixun ꞌunani Cristomi catamëtia.

1 Corintios 1:18

Cristo ca unin ꞌucha cupí i curúsocënu bamacëxa quixun ñuicë bana a ca an Nucën Papa Dios cuëëncëma unicaman —a banax ca cëmë ꞌicë —quixun ñuiquin ꞌusania. Usa ꞌaínbi ca axa Nucën Papa Diosbë ꞌinux ië́ti unicaman a bana cuaquin, aín cushin ꞌimicëx cananuna nun ꞌuchacama tërë́ncë ꞌaish Nucën Papa Diosnan ꞌai quixun ꞌunania.

Deuteronomio 32:2

ꞌËn ꞌunánmikë banakamax ka ꞌuí ꞌibúkësaribi ꞌikën, ꞌimainun ka ꞌëx kikë bana ënëx ꞌuí ꞌibúti sainkësaribi ꞌikën, ꞌimainun ka kuénkuru bërí ꞌibúkin ñu ꞌapákë chabókë usaribi ꞌiti ꞌikën, ꞌianan ka ꞌumpax tus kikin anu ꞌibúkin basi chabokësaribi ꞌiti ꞌikën.

1 Tesalonicenses 2:13

Nun Nucën Papa Dios cuëëncësabi oquin aín bana ñuixuncëxun cuaquin camina —a banax ca unínbi sináncëma ꞌicën, asérabi Nucën Papa Diosan sinánmicëxun ca nu ñuixuncania —quixun sinan. A banax asérabi ainan ꞌain camina mitsux a cuati Nucën Papa Diosnan ꞌain. Mitsux usai ꞌia ꞌunánquin cananuna nëtë́quinma a —asábi ca —quixun caquin rabin. Mitsúnmi —a banax ca asérabi ꞌicë —quixun cuatia ca Nucën Papa Diosan ainan ꞌinun mitsu ꞌimiaxa.

Hebreos 6:7

Usa unicamax ca anu ñu ꞌapáti meesaribi ꞌicën. Ësa ca. Nucën Papa Diosan, menu ꞌuí ꞌitsa ꞌibúmicëxun chabócëx ca ñu bëru ꞌimainun unían ꞌapácë ñu cotancëx tapunia, tapúanan ca tuaia. Usaía ꞌinúan Nucën Papa Diosan ꞌimicëxa ꞌia ca an ñu ꞌapácë uni an aín naënu ꞌicë ñu pinuxun bitsia.

Santiago 1:18

An ca unían aín bana ñuixuncëxun cuatínu ainan ꞌinun nu ꞌimiaxa, nux pain ꞌicë cupía raíri uníxribi Jesucristomi catamëcë ꞌaish camabi ñu an uniosamaira ꞌinun.

1 Pedro 1:23

Unishi ꞌinuan aín titan tuacë ꞌaish ca uni bamaia. Usa ꞌaínbi ca axa xënibua ꞌaínbi usabi ꞌiti, aín bana a cuatia Nucën Papa Diosan mitsu bacë́ntëcëncësa ꞌimiaxa.

1 Samuel 3:19

Usa ꞌikë ka xura ꞌaish bërunania ënkinma ꞌakinkin Samuel ax kikësabiokin Nukën ꞌIbun ꞌakiankëxa.