Isaías 55:10 - Kashibo-Kakataibo Biblia

¹⁰ ꞌUí ꞌimainun nibí ax ka naíkamë ꞌëonuax ꞌibútankëx, me chaboima kuarutëkënkima me chabóia, usakin chabókëxa ñu bërukama komainun, a ꞌapátëkënti aín bimi biti axribi koia, komainun ka ꞌapáxun aín bimi piti akamaribi tuaia,

Isaías 55:10 ပူးပေါင်းရင်းမြစ်များ

Salmos 104:15

usakin ꞌaia ain bimi pi kushiirabu ꞌianan ka uvas baka xëai kuëëni, ain bëmánan upí ꞌinun ꞌikë ax xënin ꞌikësamaira ꞌinun chábachábaki ꞌia.

Isaías 5:6

usokin ꞌaxun kana rakanti ꞌain. Rakanxun kana chuku ꞌiruiabi mëníokin ëchimitima ꞌain, usokëx ka muxa ꞌirumainun chuku ꞌaisamaribi anu ꞌiruti ꞌikën. Usokin ꞌatankëxun kana nëtë kuínuaxa, ꞌuí a chabói ꞌibúnun ꞌimitima ꞌain.

Isaías 61:11

Me tukabëtsianx chikiti koia naë chukúmanu ꞌapákëx ñu ꞌikësa, usaribi okin ka Nukën ꞌIbun an ꞌakë ñukama ismikin ꞌën, kamabi menu ꞌikë unikaman kantakin a rabinun ꞌimiti ꞌikën.

Ezequiel 34:26

ꞌËn kana ꞌën unikama ñuina ꞌarakakë ꞌikësa ꞌikë ꞌën bashi upí kakë anu bukunun ꞌimikin upíokin sinánxunti ꞌain, ꞌakin kana anun ꞌiti nëtë ꞌikëbëa ꞌuñe atunu ꞌibúnun upíokin sinánxunti ꞌain.

Oseas 2:21

ꞌËx Dios ꞌaish kana ësai kin, a nëtëkaman kana ꞌën uni Israelkama ñukákëxun naínuax ꞌibúkian ꞌuñenën me chabónun ꞌamiti ꞌain;

Deuteronomio 32:2

ꞌËn ꞌunánmikë banakamax ka ꞌuí ꞌibúkësaribi ꞌikën, ꞌimainun ka ꞌëx kikë bana ënëx ꞌuí ꞌibúti sainkësaribi ꞌikën, ꞌimainun ka kuénkuru bërí ꞌibúkin ñu ꞌapákë chabókë usaribi ꞌiti ꞌikën, ꞌianan ka ꞌumpax tus kikin anu ꞌibúkin basi chabokësaribi ꞌiti ꞌikën.

Apocalipsis 11:6

A rabëtax ca cushiñu ꞌicën. Usa ꞌixun ca ꞌaisa tanquin atúan Nucën Papa Dios quicësabi oquin bana ñuixunmainuan ꞌuí ꞌibúaxma ꞌinun ꞌimiti ꞌicën. ꞌAisa tanquin ca bacanu ꞌicë ꞌunpax imi ꞌimiti ꞌicën. ꞌAisa tanquin ca bëtsi bëtsi ñu ꞌaquin paë tania tëmëranun unicama ꞌimiti ꞌicën. Uiti oquin cara usoquin ꞌaisa tania usoquin ca ꞌati ꞌicën.