Isaías 55:1 - Kashibo-Kakataibo Biblia

¹ “Kamabi axa shimakë akamax ka ꞌumpax xëai uti ꞌikën; ꞌimainun ka uikamax kara kuríkiñuma akamanribi, atun piti trigo kupíokinmashi biti ꞌikën; bianan ka uvas baka vino ꞌakë a ꞌimainun vaca xuma aribi añubi kupíokinma biti ꞌikën.

Isaías 55:1 ပူးပေါင်းရင်းမြစ်များ

Salmos 63:1

¡ꞌËn ꞌIbu Dios, mix kamina ꞌën Dios ꞌain! Usa ꞌikë kana mi ꞌaisabi tankin kuëënkin barin: ꞌën kana shimaxun ꞌumpax barikë usaribi okin mi barin; usa ꞌain ka anu ꞌumpax ꞌikëma me ëskikë usa ꞌën nán ꞌikën.

Proverbios 8:4

ꞌËx kikë banakama ënëx ka mitsun kuati kikë bana ꞌikën.

Isaías 1:19

Mitsun ꞌën bana kikësabiokin ꞌati kuëënkin ꞌën bana tankin, kamina menu ꞌapákëxua upíokin tuaia ꞌain bimi bixun piti ꞌain;

Isaías 44:3

ꞌën kana anu uni ꞌikëma menua ꞌumpax ꞌinun ꞌimiti ꞌain, ꞌimianan kana me ëskikë anuribia xëxákama rakanu ꞌimiti ꞌain. ꞌËn kana min rëbúnkikama amiribishi upiti tsókanun ꞌimianan, upíokin sinánxunkin ꞌakinti ꞌain.

Isaías 52:3

Ësai ka Nukën ꞌibu kiaxa: ꞌËn kana achúshi kuríkirabi axa mitsumi nishkë unikaman, mitsu tëmëramikin ñu mëëminuxun buántanun biama ꞌain, usa ꞌain kana bërí achúshi kuríkirabi ꞌën mitsu chikínbëtsinkin bënuxun atu ꞌinántima ꞌain.

Oseas 14:4

Ësai ka Dios kia: ꞌËn kana Israel unikama ñunshinakëkia atun ꞌakë ñukama mëníoxunti ꞌain; usokin ꞌakin kana ꞌën nuibaisa ꞌikëmabi atu nuibati ꞌain, ꞌëx atumi nishtankëxunbi kana atu nuibatëkëan.

Joel 3:18

Usa ꞌain ka a nëtë ꞌikëbëtan Diosan ñukama sënë́onkë ꞌain, a menu piti ñu ꞌimainun a xëati ñukama ꞌitsaira ꞌaish aín bashikama ꞌimainun me sapankama anua ꞌumpax iskësaira ꞌiti ꞌikën. ꞌImainun ka Judá menu ꞌikë xëxákama ax ꞌitsaira ꞌumpaxñu ꞌiti ꞌikën. ꞌImainun ka anuxun ꞌë rabiti xubu anuax achúshi xëxá upíira chikíkin ka Sitim kakë me a chabóti ꞌikën.

Zacarías 9:15

ꞌËnbi kana kamabi kushiñu ꞌixun ꞌën unikama bërúanti ꞌain, usokëxun ka atun axa ami nishkë unikama anun ꞌakanankë ñukama tsasipakin ꞌatima oti ꞌikën, usakin ꞌakin kanantankëxun ka chaiira fiesta ꞌati ꞌikën, usakin ꞌai ka xëakë anunbi paë́nkanti ꞌikën; atun xëakë uvas baka anunbi ka amia xëakëkama a buchukë ꞌiti ꞌikën, usakin ka xampakama anuxun ñuina xaroti anu chikuti imin buchukë usa ꞌitánun ꞌati ꞌikën.

Mateo 10:8

Ñuixuanan camina ꞌinsíncë unicama pëxcüanan uni bamacë baísquimianan an aín nami chëquímicë ꞌinsínñu uni asábi ꞌitëcënun pëxcüanan uninua ñunshin ꞌatima chiquínti ꞌain. ꞌËn cana anúnmi uni ꞌaquinun cushi ꞌinánquin mitsu cupíomicëma ꞌain. Usa ꞌain camina mitsúnmi ꞌaquincë uni cupí ñucátima ꞌain.

Mateo 13:44

Catancëxun ca Jesusan ësaribi oquin aín ꞌunánmicë unicama cacëxa: —Nucën Papa Dios naínu ꞌicë an cara ainan ꞌiti unicama uisoquin ainan ꞌimiti ꞌicë quixun ñui cana ꞌaisamaira cupícë ñu ñui ësai quin: Achúshi unin ca ꞌaisamaira cupícë ñu, me ꞌucë mëu uni itsían unëa, mëraxa. Mëraquin ca —ꞌënan ca ꞌiti ꞌicë —quixun sinani cuëënquin maputëcëanxa. Mapubiani cuanquin ca aín ñucama anun a me maruti curíqui binuxun maruaxa. Marutancëx curíqui bëi utëcënquin ca a me ainan ꞌinun maruaxa. Usaribiti ca uni bëtsi ñu cuëëncësamaira oi Nucën Papa Diosnan ꞌiti cuëënia.

Mateo 26:29

ꞌËn cana mitsu cain, ësa uvas baca cana ënuxun ꞌatëcëniman. ꞌËn Papan nëtë anua axa aín unicaman ꞌApu ꞌicë, anuxun cuni cana mitsubëtan ꞌatëcënti ꞌain.

Mateo 5:6

ꞌAcëñuma bamaia uni piti cuëëncësaribi oi Nucën Papa Diosan iscëx upí ꞌiti cuëëncë uni, a ca an usaía ꞌinun ꞌimiti ꞌicën. Usai ca ꞌiti ꞌicë quixun ꞌunani ca chuámarua tani cuëënia.

Hechos 8:20

Cacëxunbi ca Pedronën cacëxa: —Nucën Papa Diosan cushi ax ca cupíoquin bitima ꞌicën. Min usoquin sináncë cupí camina min curíquibëbi cëñúti ꞌain.

Romanos 3:24

Usa ꞌicëbi ca Jesucristo, camabi unin ꞌucha cupí bama ꞌaían, cupíoima ami catamëtiashi Nucën Papa Diosan nuibaquin aín ꞌucha tërë́nquin uni ꞌuchañuma isia.

1 Corintios 3:2

Tuá xuratsu aín titan ñu pain pimiquinma aín xuma pain ꞌamicësa oquin, cana a pain ꞌunánti banaishi mitsu ꞌunánmiacën, Cristonëan mitsu ꞌunánmiti ñumi asérabi ꞌunántisama pain ꞌicë. Bëríbi camina usabi ꞌain.

1 Pedro 2:2

Bërí bacë́ncë tuacën ca anun caninuxun aín titan xuma ꞌati cuëënia. Usaribi oquin camina Nucën Papa Diosan bana upí oquin ꞌunánti cuëënti ꞌain, ainan ꞌaish aín cuëëcësabi oquin ꞌai ami cushicë ꞌinuxun.

Apocalipsis 21:6

Caxun ca ꞌë caxa: —Anuishi sënë́nquin cana ꞌan. ꞌËx cana uisa ñubia ꞌaíma ꞌaínbi ꞌiacën, usa ꞌaish cana ënë menu ꞌicë ñucama cëñúcëbë usabi ꞌiti ꞌain. Usa ꞌaish cana a pain ꞌunánti bana “A” ꞌimainun tsiánquinribi ꞌunánti bana “Z” asaribi ꞌain. Shimaia uni ꞌunpax ꞌacatsi bënë́cësa, usaribitia ꞌënan ꞌiisa tani bënëtia, cana ꞌënan ꞌaísha ꞌën Bëru Ñunshin Upíñu ꞌinun, cupí ñuixunquinma, ꞌimiti ꞌain.

Apocalipsis 22:1

Usaquin ꞌë ismitancëxun ca angelnën anua Nucën Papa Dios ꞌimainun Carnero ꞌicësaribitia unin ꞌucha cupí bama, ax ꞌicë, anuaxa baca aín ꞌunpax bëxnan bëxnánquicë chiquitia ꞌë ismiaxa.

Apocalipsis 22:17

Usoquin caia ca Carnero ꞌicësaribitia unin ꞌucha cupí bama, Cristo, amia ax catamëcë unicamabëtan Nucën Papa Diosan Bëru Ñunshin Upitan —bënëtishi ca ut —quixun a caia. An atun bana cuacë unicamanribi ca —bënëtishi ca utëcën —quixun a cati ꞌicën. Shimaia uni ꞌunpax ꞌacatsi bënë́cësa usaribitia ax Jesuscristonan ꞌicatsi bënë́cë uni, an ca ami catamëquin Jesucristo —ëx cana minan ꞌiisa tani —quixun cati ꞌicën. Usaía ꞌia ca Cristonën ainan ꞌimianan xënibua ꞌaínbi abë ꞌinun ꞌimiti ꞌicën, cupímashi.

Apocalipsis 3:18

Mitsúxmi usai ꞌinúnma cana mitsu ꞌësëquin ësaquin cain: Curi manë ax ca ꞌitsísirocëx aín chuacama nëtëtia. Nëtë́cëbë ca aín upíshi bërutia. Usaribi oquin asérabi mitsun nuitu upí ꞌinun ꞌën mitsu ꞌiminun camina ꞌë ñucáti ꞌain. Mitsun ꞌatima ñu ꞌacëcama tërë́ncë ꞌianan ꞌëmi sinánquin ñu upí ꞌacë ꞌaish chupa uxua pañucësa ꞌinun ꞌën mitsu ꞌiminun camina ꞌë ñucáti ꞌain. Mitsun uisa ñu ꞌati cara ꞌatima ꞌicë, uisa ñu ꞌati cara upí ꞌicë quixun upí oquin ꞌunáncëma ꞌaish bëxuñu unisa ꞌixunbi, acama mitsu ꞌunánminun camina ꞌë ñucáti ꞌain.

Rut 4:1

Usai ꞌikë basikëbë ka Booz kakë uni ax anun ëmanu atsínti xëkuënu tsóti kuankëxa, ax ka anuaxa uni timë́ax banakë ꞌiakëxa. Anua tsótanbi ka a ñuia Booz kikë aín aintsi ax inúakëxa. Inutiabi ka Booznën kuënkin kakëxa: —Ënupan ka tsóbuti ut kixun. Kakëx aí ka aín aintsi ax tsóbuakëxa.