Isaías 54:8 - Kashibo-Kakataibo Biblia

⁸ Uínsaran karana ꞌëx mimi nishakën anu kana, ꞌitsama nëtë́ishi mimi mëráma ꞌain, ꞌaínbi kana ꞌëx nuibanairakë ax nëtë́tima ꞌain mi nuibakën.” Usai ka min ꞌIbu an mi bitëkënti ax kiaxa.

Isaías 54:8 ပူးပေါင်းရင်းမြစ်များ

Salmos 103:17

ꞌAínbi ka Diosan unikama nuibakë ax usabi nëtë́tima oi ꞌia, uikaman kara ax kikësabiokin ꞌaia a unikama; ꞌianan ka uin kara an kakësabiokin ꞌaia a nuibanan aín rëbúnkikamaribi aín chaitikama ꞌasaribiokin bëríbi nuibatia,

Salmos 103:4

an ka ñutisa ꞌikëbi ꞌë nuibairakin ië́mia, ax nuibanairakë ꞌixun kamabi ñu upíokin ꞌanun ꞌë nuibatia,

Salmos 27:9

¡Usa ꞌain kamina ꞌëmi unë́kësa ꞌitima ꞌain! ¡ꞌËmi nishkin kamina ꞌë timakësa otima ꞌain! Min kamina ꞌëshira ënkinma ꞌë ꞌakinti ꞌain, mix kamina ꞌën ꞌIbu ꞌaish an ꞌë ië́mikë a ꞌain.

Isaías 40:27

Jacobnën rëbúnki Israel unikaman, ¿uisa kupín kaina banai bënë́kanin? ¿Uisa kupín kara ësai kikani: “Nukën ꞌIbun ka ꞌëx inúkë ñukama ꞌunanima; kianan Diosax ka numi sinanima kiax kikanin?”

Isaías 45:15

ꞌAínbi kamina mix achúshi Dios istima, an Israel unikama ië́mikë a ꞌain.

Isaías 49:10

Usakin ꞌai kamina mitsun piti ñu ꞌitsaira ꞌianan a shimakin xëati ꞌumpax upíñu ꞌiti ꞌain, ꞌianan kamina barin xarokëxun tani masátima ꞌain, ꞌën kana nuibakin bërúain usa ꞌain, usa ꞌain kana ꞌumpax upíbu manámi ki chikíkë anu buánti ꞌain.

Isaías 49:13

¡Naíkamë ꞌëo! ¡ꞌImainun ka bashikaman kuëëni kushin kantakin upí tania! ¡Usai ka Nukën ꞌIbun aín unikama tëmërai masá nuitutiabi an nuibakin kuëënun ꞌimikëbë ꞌiti ꞌikën!

Isaías 49:26

ꞌËn kana an mi ꞌatima okë unikama aín namibia pinun ꞌamiti ꞌain, usakin ꞌamianan kana aín imibi xëatankëxa paë bata vino ꞌakë xëatankëx ꞌikësai paënun ꞌimiti ꞌain. Usakin ꞌaia ka unikaman ꞌëx aín ꞌIbu ꞌixun atu ië́mia kixun ꞌunánti ꞌikën, ꞌëx kana kushiira ꞌixun an Jacobnën rëbúnkikama ꞌakianan, tëmëraiabi chikian a ꞌai kiax ka Dios kiakëxa.”

Isaías 54:10

Aín bashikamax anua ꞌikë anuax amoki shaíkimainua, matá mekama tukibuti rëukubukëbëbi ka ꞌën mi nuibakë ax uisaibi ꞌi nëtë́tima ꞌikën, ꞌimainun ka ꞌën mibëtan ꞌa achúshi ñu anun upiti tsóti ax uisaibi ꞌi nëtë́tima ꞌikën.” Usai ka min ꞌIbu ax mixmi ꞌaisama ñu ꞌinutia isi mi nuibati kia.

Isaías 54:5

ꞌianan ka an mi unio an aín xanusa ꞌikë mi biti ꞌikën. Aín anëx ka Nukën ꞌIbu kamabi kushiñuira ꞌikën; ax ka an mi bitëkënti Israel unikaman Dios upíira a ꞌikën, ꞌianan ka Dios kamabi me an unio a ꞌikën.

Isaías 55:3

Ënu kamina mitsux ukanti ꞌain, ꞌën kakësabiokin ꞌën bana upiokin bëmë́kin ꞌai kamina chuámarua tsókanti ꞌain. ꞌËn kana mitsubëtan uínsaranbi këñutima ñu ꞌati ꞌain, usokin ꞌakin kana ꞌën uni David nuibakin kásabiokin mitsu ꞌaxunti ꞌain.

Isaías 55:7

Uni ꞌatimakama an ñu ꞌatima ꞌati sinánkin ꞌakë an ka ñu ꞌatima ꞌakë a ënti ꞌikën, ꞌimainun ka uni bana kuakëmakama atúnribi ꞌatimakian sinánkë akama ënti ꞌikën; ëni ami katamëtia ka Nukën ꞌIbun mitsu nuibati ꞌikën, ꞌimainun kamina Diosan nuibanankëira ꞌixun an mitsun ñu ꞌatima ꞌakëkama mëníoxunun ami sinánkin rabikanti ꞌain.’

Isaías 60:10

Bëtsi menu tsókë unikaman ka anun mitsun ëma kënëara ꞌikëbia rurupakama a mitsu ꞌaxuntëkënti ꞌikën, usakin ꞌaia ka atun ꞌapukaman mitsu ꞌakinti ꞌikën; Nukën ꞌIbun ka ax nishkin mitsu ꞌatima okin tëmëramiakëxa, ꞌaínbi ka bërí ax upí ꞌixun mitsu nuibatia.

Isaías 63:7

ꞌËn kana ñuitisa tanin uisakin kara Nukën ꞌIbun nu nuibatia kixun, ꞌianan kana a rabi kantatisa tanin, kamabi ñu an nukama ꞌaxunkë a kupín, an ka Israel ꞌaintsikama ꞌitsaira nu nuibakin, ax nuibanankëira ꞌixun usakin ꞌaxa usa ꞌain, axëshi nuibanankë a ꞌikën.

Isaías 64:7

Uinu ꞌikë unibi ka an mi ꞌakinun kixun ñukákë ꞌaíma ꞌikën, ꞌianan ka an mimi kushikin ꞌakinun kixun barikë ꞌaíma ꞌikën; usa ꞌain kamina nukamami kasuakëkin nu ëan, nun ñu ꞌatima ꞌai ꞌuchakë kupín kamina nu rakan.

Isaías 8:17

Nukën ꞌIbu Dios an aín unikama Jacobnuaxa mërá, atu ꞌakinsama tankëbëbi kana ꞌëx ënima ami katamëtin. ꞌËn kana an ꞌakintishi kainin.

Jeremías 31:3

ꞌëx kana bërámabi ami mërakën. ꞌËn kana nuibairakë ꞌixun atu bëríbi xënibua ꞌaínbi nuibatin, usa ꞌixun kana uisokin karana nuibakë usabi okin mitsu nuibatin.

Habacuc 3:2

ꞌËn kana kamabi ñu Dios ꞌixunmi ꞌa akama kuan, usa ꞌain kana ꞌitsaira ꞌëx mimi rakuë́tin. Usa ꞌain kamina nux tsókëpan ꞌain bërí bërámami ꞌasaribiokin ñu chaiirabu nunribi ꞌunánun nu ꞌaxunti ꞌain. Usakin ꞌakin kamina mix kamina nishíbi nuibanankë ꞌai kixun nu ꞌunánmiti ꞌain.

2 Tesalonicenses 2:16

Usa ꞌain cana Nucën ꞌIbu Jesucristo ꞌimainun Nucën Papa Dios an nuibaquin nux chuámashi tani cuëënun ꞌimianan xënibua ꞌaínbi abë ꞌinun nu ꞌimicë,

1 Timoteo 1:16

ꞌËx ꞌuchañuira ꞌicëbia Jesucristonën ꞌëmi nishquinma ainan ꞌë ꞌimicë cupí ca axa ami catamëti xënibua ꞌaínbi Nucën Papa Diosbë ꞌiti unicaman ꞌunánti ꞌicën, usaribi oquin ca Jesucristonën aribi Nucën Papa Diosnan ꞌinun ꞌimiti ꞌicë quixun. Atúan usaquin ꞌunánun ca Nucën Papa Diosan nuibaquin ꞌë ainan ꞌimiacëxa.