Isaías 54:7 - Kashibo-Kakataibo Biblia

⁷ “ꞌItsama nëtë́ishi ꞌimikin kana mi ëankën, ꞌaínbi kana ꞌëx nuibanankë ax chaiira ꞌain amiribishi ꞌëbë biranani utëkënun mi kakën.

Isaías 54:7 ပူးပေါင်းရင်းမြစ်များ

Salmos 107:3

usa ꞌain ka atu bëtsi mekamanu ꞌiabia timëkin, aín tsipumia ꞌanan aín rëbumi ꞌikë akama ꞌianan, amiaxa bari urukë ꞌimainun, amia bari kuabúkë amiaxa timë́nun ꞌimiakëxa.

Isaías 40:11

ꞌIanan ka an ñuina bërúankë unían aín ñuina bërúankin; aín ñuinakama nuibakin aín shikami okin ꞌikúkin bixun tuianan, axa bërí bakënkëkamaribi bëruinra okë usaribi okin ꞌaia.

Isaías 49:13

¡Naíkamë ꞌëo! ¡ꞌImainun ka bashikaman kuëëni kushin kantakin upí tania! ¡Usai ka Nukën ꞌIbun aín unikama tëmërai masá nuitutiabi an nuibakin kuëënun ꞌimikëbë ꞌiti ꞌikën!

Isaías 49:18

Axa Jerusalénnu ꞌikë unikama mitsun kamina buinarakin amami amamia iskin, uisai kara ꞌura buánkan unikama minu uax timëaxa kixun isti ꞌain. ꞌËx Nukën ꞌIbu ꞌaish kana ꞌëxbi ësai kin, usa ꞌain ka a unikamax, Jerusalénnu tëñutimi tëñukësa ꞌianan, mëratiñu xanua anun mëníokakin ñukama aín naminu nankësa usaribi ꞌiti ꞌikën.

Isaías 49:21

Usakian mi kakëx kamina min nuitu ꞌukëmëuishi sinani kiti ꞌain: ¿Uin kara nun bakë bëchikëkama ënë bëchinun nu ꞌamiakëx? Nux kananuna bakë bëchikëñuma ꞌiakën usa ꞌixun, kananuna bakë bëchitisa tankinbi bakë bëchiama ꞌain; usa ꞌain ka Jerusalénnu tsókë unikamax bëtsi menu uankë ꞌaish timakankin ënkë ꞌiakëxa, ¿uin kara bërúanxun kaniokëx? Anu ꞌikë unikaman ka Jerusalén ashira ëanxa, ¿uinuax kara atux uakëx?”

Isaías 50:1

Ësai ka Nukën ꞌIbu kia: “¡ꞌËn kana Israel unikama mitsun tita ꞌikëbi rakankë kixun kamina sinánkantima ꞌain, achúshi unin aín xanu ënkin rakankë usaribi okin, usokin ꞌanan karana mitsu ñu mëmikë uni ꞌakësokin ama ꞌain bëtsi uni ribinxun akësokin ꞌama ꞌain! Mitsux kamina mitsun ꞌuchakë kupín marukë ꞌiakën; Israel unikama mitsun titax ka timakin rakankësa ꞌiakëxa, mitsun kakëxunbi ꞌën bana kuaisama tankë kupín.

Isaías 60:10

Bëtsi menu tsókë unikaman ka anun mitsun ëma kënëara ꞌikëbia rurupakama a mitsu ꞌaxuntëkënti ꞌikën, usakin ꞌaia ka atun ꞌapukaman mitsu ꞌakinti ꞌikën; Nukën ꞌIbun ka ax nishkin mitsu ꞌatima okin tëmëramiakëxa, ꞌaínbi ka bërí ax upí ꞌixun mitsu nuibatia.

Isaías 60:4

Jerusalénnu tsókë unikama mitsun kamina, chairui kuainakëkin usai ka bëtsi menu tsókë unikama mitsubë timë́ti ꞌaia isti ꞌain. Mitsun bakë bëchikëkamax ka ꞌurakëoxbi uti ꞌikën; ukin ka unikaman mitsun ꞌini bëchikë xanukama, bërúanxun aín pëñanu ꞌaruxun bëkësa obëtsinkin bëti ꞌikën.

Isaías 63:7

ꞌËn kana ñuitisa tanin uisakin kara Nukën ꞌIbun nu nuibatia kixun, ꞌianan kana a rabi kantatisa tanin, kamabi ñu an nukama ꞌaxunkë a kupín, an ka Israel ꞌaintsikama ꞌitsaira nu nuibakin, ax nuibanankëira ꞌixun usakin ꞌaxa usa ꞌain, axëshi nuibanankë a ꞌikën.

Ezequiel 36:24

ꞌËn kana a menu ꞌikë ëmakamanua mitsu chikínti ꞌain, chikínxun kana mitsun menubi timë́nun bëtëkënti ꞌain.

Miqueas 4:6

Ësai ka Nukën ꞌIbu asérabi kia. A nëtën kana an ñuina ꞌarakakë unían aín ñuinakama timëkësa okin, bëtsi bëtsi menu buánxun tëmëramikë unikama a timëti ꞌain: usokin kana ami nishkian tantimikëmax atsanxa abískëkama ꞌain. Akama ꞌimainun axa bamakëma abi timë́xun kana, achúshi ëma kushiira ꞌinun ꞌimiti ꞌain. Usakin ꞌakin kana ꞌëx Dios ꞌixun ꞌën unikama aín bashi Sión kakë anuxun ꞌa ꞌixun, bëríbi ënkinma abi ꞌakinti ꞌain.

Mateo 23:37

Jerusalenu ꞌicë unicama, cana mitsu cain, mitsux camina an Nucën Papa Dios quicë bana uni ñuixuncë unicama ꞌanan a an aín bana ñuixunun xucë unicamaribi maxaxan ꞌá, mitsun raracama axa ꞌiásaribi ꞌain. ¿Uitishi oquin carana mitsu nuibaquin bërúanquin ꞌaquinsa tan? ꞌAtapanëan aín tuácama cuëntancëxun aín pëchin mapuxun bërúancësaribi oquin cana mitsu bërúanquin ꞌaquinsa tan. ꞌAquinsa tancëxbi camina mitsux cuëëncëma ꞌain.

2 Corintios 4:17

Cananuna ꞌunanin, ënë nëtënuaxnu tëmëracë ꞌaínbi ca a ñucamax bënëtishi cëñutia. Tëmëracëbi ca nun sináncësamaira oquin Nucën Papa Diosan nux tëmëracë cupínu abë́ ꞌaish chuámarua tani cuëëinra cuëënun nu ꞌimiti ꞌicën.

Efesios 1:10

Ësaquin ca nu ꞌunánmiaxa: An ca anúan ax utëcënti nëtëa sënë́ncëbëtan Cristo xuti ꞌicën, an unio ñucama, naínu ꞌicë ꞌimainun menu ꞌicë aín ꞌibua ꞌinun.

Deuteronomio 30:3

usokinmi ꞌaia ka Diosan mitsu ꞌatima oxunbi mëníokin nuibati ꞌikën. Nuibakin ka amiribishi anua bëtsi menu ꞌikë unikaman bëa me anubi mitsu buántëkënti ꞌikën,

Santiago 4:6

An nu sinánmicë ñuishi nun ꞌanun ca Nucën Papa Diosan nu ꞌaquintancëxun nuibaquin nua ꞌaquincë usamaira oquin ꞌaquintëcënia. Usa ꞌain ca aín bana ësai quia: “Nucën Papa Diosan ca axa rabícë unicama a timanan axa —ꞌëx cana usa ꞌai —quiax rabícëma unicama nuibaquin ꞌaquinia”.

2 Pedro 3:8

ꞌËn nuibacë xucë́antu, camina manuquinma ësaquin sinánti ꞌain, Nucën ꞌIbu Diosan, an nëtë́timoi tsócë ꞌixun, tancëx ca nun nu tancë achúshi nëtëx mil barisa ꞌicën. Usaribiti ca nun nu mil barisa tancë ax Nucën Papa Diosan tancëx achúshi nëtësa ꞌicën.