Isaías 54:5 - Kashibo-Kakataibo Biblia

⁵ ꞌianan ka an mi unio an aín xanusa ꞌikë mi biti ꞌikën. Aín anëx ka Nukën ꞌIbu kamabi kushiñuira ꞌikën; ax ka an mi bitëkënti Israel unikaman Dios upíira a ꞌikën, ꞌianan ka Dios kamabi me an unio a ꞌikën.

Isaías 54:5 ပူးပေါင်းရင်းမြစ်များ

Isaías 11:9

Kamabi ꞌën bashi upíira anu ka: an uinu ꞌikë unibi ꞌatima oti ꞌaíma ꞌiti ꞌikën, usa ꞌain ka parúmpapanua ꞌumpax buákirukësa usai ꞌia kamabi unin usakia Diosan ꞌa ñukama kuati ꞌikën, kiax ka kiakëxa.

Isaías 43:1

Bërí kanima Israel unikama Jacobnën rëbúnki min, an kamabi ñu unio Nukën ꞌIbu ax ka mitsu ësakin kai kia kuati ꞌain: “Kamina rakuë́kantima ꞌain, ꞌën kana mitsu ië́mian; ꞌën kana min anën mi kuëan, usa ꞌaish kamina mitsux ꞌën uni ꞌain.

Isaías 43:14

Israel unikaman ꞌIbu Dios ꞌupíira, an atu ië́mikë ax ka ësai kiaxa: mitsu ië́mikin ꞌakinuxun kana Babilonianu suntárukama xuti ꞌain, ꞌakian anun ëmanu atsínti ain xëkuëkama rurupanun xuti ꞌain, usokin atun ëma masókin ꞌaia isi ka caldeo unikamax masánuituti inkanti ꞌikën.

Isaías 45:11

Ësai ka aín Israel unikama ꞌIbu Dios upíira an unio ax kia: “¿Mitsun kaina uisai kara ꞌën bakë bëchikëkama ꞌinuxun ꞌaia ꞌë ñuixuanan, uisakin karana ꞌën ñu ꞌati ꞌai kixun ꞌë ꞌunánmiti ꞌain?

Isaías 54:8

Uínsaran karana ꞌëx mimi nishakën anu kana, ꞌitsama nëtë́ishi mimi mëráma ꞌain, ꞌaínbi kana ꞌëx nuibanairakë ax nëtë́tima ꞌain mi nuibakën.” Usai ka min ꞌIbu an mi bitëkënti ax kiaxa.

Isaías 6:3

Usai ꞌika bëtsibë bëtsibë kánani ësai kiaxa: “Nukën ꞌIbu kamabi kushiñu ax ka upíira upí, upíira upí ꞌikën; kamabi an menu unio ñukaman ka ax ka kushiira ꞌikë kixun ꞌunania.”

Oseas 2:16

Usa ꞌain ka anuxun mix kamina ꞌën bënë ꞌai kixun ꞌë kati ꞌikin, kakin ka Baal mix kamina ꞌën ꞌibu ꞌai kixun katima ꞌikën. ꞌËx Dios ꞌaish kana ësai kin.

Oseas 2:18

Usa ꞌain kana ꞌën a nëtën Israelkama uisabi oxuma ꞌanun achúshi ñu ñuina raëkëma kamabëtan ꞌakin, manan nuánkë ꞌimainun men niríkë runukama abëtan ꞌati ꞌain. ꞌAnan kana ꞌën unikama upiti bukunun, ënë menua aín kanti ꞌimainun aín manë xëtokë, ꞌianan ꞌakanankë aribi këñuti ꞌain.

Malaquías 1:11

Kamabi me kuainakëanu tsókë unikaman ka ꞌë rabia; ꞌimainun ka kamabi menuxun ꞌë rabikin ro sanuira xaronan ñu upíirabukama aribi a isi ꞌëx kuëëntisabi okin upíokin ꞌaia.

Lucas 1:32

Ax ca uni itsisama ꞌiti ꞌicën. A ñui ca —Nucën Papa Dios manámi ꞌicë aín Bëchicë ca ax ꞌicë —quiax uni quiti ꞌicën. Nucën Papa Diosan ꞌimicëx ca aín rara David ꞌiásaribiti ax ꞌapu ꞌiti ꞌicën.

Juan 3:29

Ësa ca. Ainan ꞌinúan unin bicëx ca xanu ainan ꞌia. Ainan ꞌiti xanu bitsia uni cuëëni banaia cuati ca axa abë nicë uníxribi cuëënia. Usaribiti cana ꞌëx —unicaman ca Jesusan bana cuatia —quixunmi mitsun ꞌë cacëxun cuati chuámarua tani cuëënin.

Efesios 5:32

A bana bëráma cuënëo ax ca unin cuaisamasa ꞌicën. Usa ꞌaíshbi ca ꞌën sináncëx a bana uníxa usai aín xanubë ꞌiti ñui quicë ꞌaíshbi Cristonëx ca usaribiti aín unicamabë achúshisa ꞌicë quicë ꞌicën.

Josué 3:11

Kamina kuakanti ꞌain, Nukën ꞌIbu kamabi men ꞌibu ꞌianan bunántisa okin ꞌakë kurin ratátakakë anua kamabi aín bana ꞌikë aka sacerdote unikaman mitsun ismainunbi Jordán kakë baka a sikarakëkinti ꞌikën.

Josué 3:13

Uínsaran kara sacerdotekaman bunántisa okin ꞌakë kurin ratakakakë anua Nukën ꞌIbun kamabi men ꞌibu ain bana a buani tapukikiankëbë ka tëarabëti amo rabë́ chairui aín rëbumiax ꞌia ubúkë ax tikimainun kuabúkë ax amorabë́ chitëti nunkuruti ꞌikën.

Apocalipsis 11:15

Usa ꞌain ca a ángelnënbi aín manë banañu banoxa. Banocëbëtan cana naínuax sharati munuma banaia ësai quia cuan: Bërí ca Nucën ꞌIbu Dios ꞌimainun Cristo, Nucën Papa Dios an uni ië́minun caísa, axëshi ꞌApu ꞌia. Nëtë́timoi usabi ꞌinux ca ꞌia.