Isaías 54:2 - Kashibo-Kakataibo Biblia

² Min xubusokin chupa ꞌakë akamina chooti ꞌain, ꞌanan kamina anun mapankë a rakuë́kimaishi anumi ꞌikë a pëninkin ꞌati ꞌain; ꞌanan kamina aín itsikama chaxkë́bu ꞌaxun aín ikama upíokin matáskin nitsintankëxun ami tëkërë kati ꞌain,

Isaías 54:2 ပူးပေါင်းရင်းမြစ်များ

Génesis 26:22

Usaia aín unikama ꞌitëkënkëbë ka anuax Isaac ꞌura kuani chikíakëxa, usai chikíkin ka aín unikama ꞌimainun kamabi aín ñuina kamabi buani kuankëxa, kuantankëxun ka anua tsóti me anu bëbaxun achúshi kini anua ꞌumpax biti aín unikama naëmiakëxa, usa ꞌain ka anuax ꞌumpax kupín mëëananiama iskin Isaacnën anuax mëanantëkënima upitax tsoti kakin anëakëxa, usakin ꞌatankëx ka ësai kiakëxa: Bërí ka Nukën ꞌIbu ënu nu ëanxa, usa ꞌain kananuna ënë menuax nishananima ñuñuira ꞌiti ꞌain.

Isaías 33:20

Anuxun nëtë inúkin fiesta ꞌati Sión kakë ëma a kamina iskanti ꞌain; Jerusalén ëma uisabi oisama okin bërúankë a kamina mitsun bërúnbi isti ꞌain; ax ka anu ꞌinuxun ꞌupiokin unin i nitsintankëxun shaíkisama okin ꞌanan uínbi ain itsikama tënkapatisama okin ꞌakë usaribi ꞌiti ꞌikën.