Isaías 54:17 - Kashibo-Kakataibo Biblia

¹⁷ ꞌaínbi ka uínbi anun ꞌakanankin ñu anun masókin ꞌati uniokëma ꞌikën. Mitsun kamina an usa ka atux ꞌikë kixun mitsu ꞌuchokëkama a uisa bananbi bananun kimitima ꞌain. Ësokin kana axa ꞌëmi katamëkë unikama ꞌamiti ꞌain: usokin ꞌakin ka atun ñusmoti ꞌikën.” Ësai ka Nukën ꞌIbu asérabi kiakëxa.

Isaías 54:17 ပူးပေါင်းရင်းမြစ်များ

Job 1:11

ꞌAínbi kamina usai kara mimi ꞌatimokin sinani banaia isnuxun ain ñukama bikuanti ꞌain.

Job 2:5

Usa ꞌaínbi ka minmi ꞌinsinun ꞌimikëxun tani tëmërakin min bëmánanubi ꞌatimakin mi ñui banati ꞌikën.

Job 42:7

Ësokin pain a ñukama Job katankëxun ka Diosan Elifaz kakë uni aribi kakëxa: ꞌËx kana mi ꞌimainun min ꞌunánkë uni rabë́ amiribi ꞌitsaira nishan, mitsun kamina asérabi upiti banaima ꞌë ñui këmëi banan ꞌën uni Job ax kuni ka asérabi ꞌë ñui upiti banaxa.

Salmos 32:6

Usa ꞌain ka, anúan tëmërati ꞌikëbëtan an nuibakë unikaman mi ñukáti ꞌikën, tëmërakë an ka baka chaiira kushi ꞌëi mapurutankëxa, uinu kara sënënia anu sënë́nkësokinribi tëmëramiti ꞌikën, usa ꞌaínbi ka anbi atu uisabi otima ꞌikën.

Isaías 40:2

ꞌakianan kamina kuëëntanun nuibakin Jerusalénnu tsóa unikama a atúan tëmërakin bëtsi uni ñu mëëxuan a ka këñúaxa kixun kati ꞌain, kanan kamina atúxa usai ꞌikë anunbi ka ꞌën kakëxuan atun kuaisamatan a kupíoxa kixun kati ꞌain, ꞌënbi kana ꞌëmi ꞌitsaira ꞌuchaia rabë́ okin atu ꞌatima okën.”

Isaías 41:11

Usa ꞌain ka kamabi axa mitsumi nishkë unikamax rabinkëbu ꞌianan ñuumarasabu ꞌiti ꞌikën; ꞌianan ka axa mitsubë ꞌakanankatsi kikë unikama achúshirabi nitánuma maërakatanun këñúkë ꞌiti ꞌikën.

Isaías 46:13

ꞌËn kana ꞌën ꞌati ñukama axa ꞌurama ꞌinun ꞌimiti ꞌain; usa ꞌain ka ꞌëx ië́mianankë ax ꞌuramara ꞌikën. ꞌËn kana Sión kakë ëmanu ꞌikë unikama ië́miti ꞌain, ꞌën kana Israel unikama ꞌë ꞌakësaribi okin uisakinbi kanunma ꞌimiti ꞌain.

Isaías 50:8

ꞌË ꞌurama ka an ꞌë ꞌakinkin bërúankë ax ꞌikën: ¿Uix kara ꞌën isana usakin ñu ꞌa kiax ꞌëmi këmëi banati ꞌik? ¡Usa ꞌain ka uix kara ꞌëmi ꞌatimati banaia ax ka ëbëtan ꞌapunuxun bana mënioi kuanti ꞌikën! ¿Uin kara ꞌën isana ñu ꞌatima ꞌa kiax këmëishi ꞌëmi manánti sinanin? ¡Uin kara usakin sinania an ka ꞌutankëxun usakin kamina ñu ꞌa kixun ꞌë kati ꞌikën!

Isaías 50:9

Nukën ꞌIbun ka ꞌë ꞌakinia; ¿uix kara ꞌën isana ꞌatima ñu ꞌa kixun ꞌë ꞌuchokatsi kiax ꞌëmi manánti ꞌik? Kamabi axa ꞌëmi nishkë unikamax ka këñuti ꞌikën, achúshi i bisan pikë usaíshi ꞌi nëtë́ti ꞌikën.

Isaías 54:15

Uin kara mi ꞌaisatankin ꞌaia, ax ka ꞌën ꞌamikëxun mi ꞌakëma ꞌiti ꞌikën, ꞌaínbi kamina min ira kanankin atu ꞌati ꞌain.

Isaías 54:16

Ka kuat, ꞌën kana ax manën tëkë akama uniokën, an ka tsi ënxaira anu ꞌarukëxa charatia bëtsi bëtsi ñu uniokin anun ꞌakánanti akamaribi ꞌaia; ꞌianan kana uniribi uisokin kara ꞌakatsia usakin ꞌakin an kuëënkësa okin ñu ꞌatimonun uniokën;

Isaías 58:14

Ënë bana kikësa okinbi ꞌaia kana ꞌën mitsu kuëënun ꞌimiti ꞌain, ꞌianan kana ꞌën bëtsi menu ꞌikë unikama ꞌakin kanantankëxun atun me ami bëbarukin binun ꞌamiti ꞌain, ꞌimianan mitsun chaitiokë Jacobnën me ꞌia anuami kuëënun mitsu ꞌinánti ꞌain.” Usai ka Nukën ꞌIbu kiaxa.

Isaías 60:21

Kamabi unikama mitsun ëmanu ꞌikë ax ka upí sinánñubu ꞌiti ꞌikën, usai tsótika atun menubi xënibuti tsóti ꞌikën, usai ꞌika ꞌënbi ꞌapákëxa ñu upiti kookë usaribi atux ꞌiti ꞌikën, ax ka ꞌën mëkënanbi usaka ꞌën kushi ꞌikë kixun ismikin ꞌën ꞌakë ꞌikën.

Isaías 61:10

¡Uisai karana ꞌëx Nukën ꞌIbumi chuámarua tani kuëënti ꞌain! Diosan ka kuëëira kuëënun ꞌë ꞌimiaxa, usa ꞌixun ka, ¡kamabi ñu kanankin ꞌanun ꞌë ꞌamiaxa! Usa ꞌain kana an xanu biti unían mëníokakin mañuti mañukësa ꞌianan, achúshi xanun birakanuxun mëníokin ain ñu ꞌupíikama pañukë usaribi ꞌain.

Jeremías 23:6

A nëtëkama ax ꞌapu ꞌain ka, Judá menu ꞌikë unikama ꞌië́mainun, Israel unikamaribi uínbi ubíokëma upitax tsóti ꞌikën. Ësokin anëkë ka ꞌiti ꞌikën: Nukën ꞌIbu ax ka an nu ië́mikë ꞌikën.”

Daniel 3:26

Ësai kiküatsini aí ka ꞌapu Nabucodonosor tsi rëkirukë xëkuë a ꞌurama oi munuma banai kiakëxa: —¡Sadrac, Mesac ꞌimainun Abed-negó, Dios kushiira naínu ꞌikë aín unikama anuax chikíküatsini ka ënu ukan! Usakin kakëx ka uni bënákama ax tsi rëkirukë anuax chikíküatsini uakëxa,

Daniel 6:20

Bëbakin ka ꞌurama okin ꞌapun Daniel masá nuitukëishi aín bana ꞌixun ësokin kakëxa: —Daniel Dios këñutima oi tsókë aín uni, ¿ami ax kikësabiokin min ꞌaxunkë an kara paru ꞌinúan kamanua mi ëñëmiax?

Mateo 16:18

Caxun ca mapara, griego banan “petra” cacë, a sinánquin Jesusan Simón cacëxa: —ꞌËn cana mi cain, mix camina Pedro caquin anëcë ꞌiti ꞌain. Minmi ꞌëmi bërí cacë bana sináncë usaribi oquin sináncë ca axa ꞌëmi catamëcë unicamax ꞌiti ꞌicën. Bamatancëxbi cëñútimoi ca a unicamax ꞌënan ꞌiti ꞌicën.

Romanos 10:4

Cristonëxa ucëbëtan judíos unibunën asérabi ami catamëti ꞌunánun quixun ca Nucën Papa Diosan aín bana Moisés cuënëomiacëxa. Ui unicamax cara Cristomi catamëtia a ca Nucën Papa Diosan upí isanan ainan ꞌimia quixuan ꞌunánun ca a bana judíos unibu ꞌináncëxa. Usa ꞌaínbi ca ax ucëbë judíos unicama ami sinántisama tanxa.

Romanos 3:22

Camabi uni an Jesucristomi catamëquin —aín quicësabi oquin ca ꞌën ꞌuchacama tërë́nti ꞌicë —quixun ꞌunáncë, acama ca Nucën Papa Diosan upí isia. Jesucristomi catamëcë cupíshi ca an judíos uni ꞌimainun judíosma uniribi upí isia.

Romanos 8:1

Usa ꞌain ca uicamax cara Cristo Jesús abë ꞌicë, acama Nucën Papa Diosan ꞌuchoima. Usa unicamax ca Cristonanma uni ꞌicësai ax cuëëncësarishi ꞌima, Nucën Papa Diosan Bëru Ñunshin Upitan sinánmicësabi oi ꞌia.

1 Corintios 1:30

Nucën Papa Diosan ꞌimicëx camina ami catamëti Cristo Jesúsbë ꞌianan an sinánmicë ꞌain. Usa ꞌaish camina Cristo Jesús cupía, ax cuëëncësabi oquinshimi ꞌanun Nucën Papa Diosan ië́micë ꞌain.

2 Corintios 5:21

Cristo axa añu ꞌuchañumabi ꞌicëbi ca nun ꞌuchacama tërë́ncë ꞌinúan, nun ꞌucha bitsi ꞌuchañuirasa ꞌinun Nucën Papa Diosan ꞌimiacëxa, nux an iscëx ꞌuchañuma ꞌinun. Nuxnu abë ꞌimainuan Cristo axribi nubë ꞌicëbëtanu ax cuëëncësabi oquin ꞌanun ca Nucën Papa Diosan nun ꞌuchacama a ꞌináncëxa.

Filipenses 3:9

Usa ꞌaish cana usai judíos unicama ꞌiti Moisésnën cuënëo bana quicësabi oquin ꞌacë cupíma axa ꞌëbë ꞌinun Cristomi catamëcë cupíshi Nucën Papa Diosan iscëx upí ꞌain. Usa ꞌicë ca an axa Cristomi catamëcë aín unicama ꞌacësaribi oquin Nucën Papa Diosan ꞌë upí isia.

Josué 24:10

ꞌAínbi kana ꞌën Balaamnën usakin ꞌaisama onun ꞌamikinma mitsu nuibanun sinánmiakën. Usakin kana mitsu ië́miakën.

2 Pedro 1:1

ꞌËx cana Simón Pedro, ax cuëëncësabi oquin ꞌanan aín bana uni ñuixunuan Jesucristonën caísa ꞌain. An nu ië́micë Jesucristo, axbi Nucën Papa Diosribi ꞌaish upí ꞌixuan nu ꞌacësaribi oquin ainan ꞌinun ië́micë, mitsu cana ënë quirica buánmin.

Apocalipsis 12:10

Usaía ꞌicëbëtan cana Nucën Papa Diosan nëtënuaxa ësai munuma banaia cuan: —An ami catamëcë unicama, nucën xucë́antu, ꞌatimaquin ñuiquin nëtë́quinma nëtë́nbi ꞌimë́bi Nucën Papa Dios manóncë, ax ca ënua chiquíncë ꞌicën. Usa ꞌain ca bërí an aín cushínbi ainan ꞌinun uni ië́micë, Nucën Papa Dios, ainshi asérabi aín ꞌApu ꞌixun, aín unicama bërúanan Cristo atun ꞌIbu ꞌinun ꞌimiaxa.