Isaías 54:12 - Kashibo-Kakataibo Biblia

¹² ꞌanan rubíes kakë maxax panshian torrekama ꞌanan, berilo kakë maxáx paxasa tani nibánibákikë aribi aín xëpútikamaribi ꞌati ꞌain, ꞌanan kana buinarakin kënëarakin maxax upíirabu akaman ꞌati ꞌain.

Isaías 54:12 ပူးပေါင်းရင်းမြစ်များ

Isaías 49:16

Mitsux kamina ꞌënan ꞌain, usa ꞌikë kana ꞌën mëkënu mitsun anë ꞌakësa ꞌixun, anun mitsun ëma kënëara kënëkama a manukinma xënibua ꞌaínbi sinanin.

Isaías 54:11

“¡Jerusalén ëma bërí kamina nuibatira ꞌaish, suñuanën ꞌatima okësa ꞌiti ꞌain, usa ꞌain ka an mi kuëënmiti uibi ꞌaíma ꞌiti ꞌikën! ꞌËn kana min maxáxkama a tsisu niba nibakikë tunaínra anu nanan, min tapunkama aribi zafiro kakë kuman batsisa akamanan nanti ꞌain;

Isaías 54:13

ꞌËn kana min bakë bëchikëkama ñu ꞌunánmiti ꞌain, usokëx ka akamax upiti tsóti bukuti ꞌikën.

Zacarías 9:16

A nëtë ꞌikëbëtan ka Diosan, aín unikama ië́mikin an ñuina bërúankë unían aín ñuina ꞌakësaribi okin bërúanti ꞌikën, usakin ꞌakëx ka aín unikama atun ëmanuabi upíira maxákama aín maitinu purukë ꞌichúkë usai ichuti ꞌikën.

Apocalipsis 21:12

Anun cënëcë ax ca manáinra ꞌiaxa. ꞌImainun ca aín xëcuë anun atsínti mëcën rabë́ ꞌimainun rabë́ ꞌiaxa. A xëcuëcamanu ca mëcën rabë́ ꞌimainun rabë́ ángel, ax achúshi achúshitax nicë ꞌiaxa. A xëcuëcamanu cuënëocë ax ca Israelnën bëchicë, mëcën rabë́ ꞌimainun rabë́, aín anëcama ꞌiaxa.