Usa ꞌain ka ꞌën rëbúnkikamax Diosanbi bërúankë unibu ꞌiti ꞌikën, an ka ëbëtan achúshi ñu sinántëkëntima okin ꞌakëxa, anbi ka usokin ꞌati sinánkëxa usa ꞌixun ka an kikësokinbi ꞌati ꞌikën. ꞌAkin ka axa ꞌëmi nishkë unikamabë ꞌakanankin ꞌën ꞌanun ꞌë ꞌamiti ꞌikën, ꞌamianan ka kamabi ꞌën ꞌaisatankë ñukamaribi ꞌanun ꞌë ꞌamiti ꞌikën.
Isaías 54:10 - Kashibo-Kakataibo Biblia10 Aín bashikamax anua ꞌikë anuax amoki shaíkimainua, matá mekama tukibuti rëukubukëbëbi ka ꞌën mi nuibakë ax uisaibi ꞌi nëtë́tima ꞌikën, ꞌimainun ka ꞌën mibëtan ꞌa achúshi ñu anun upiti tsóti ax uisaibi ꞌi nëtë́tima ꞌikën.” Usai ka min ꞌIbu ax mixmi ꞌaisama ñu ꞌinutia isi mi nuibati kia. အခန်းကိုကြည့်ပါ။ |
Isaías 54:10
33 ပူးပေါင်းရင်းမြစ်များ
Uni ꞌatimakama an ñu ꞌatima ꞌati sinánkin ꞌakë an ka ñu ꞌatima ꞌakë a ënti ꞌikën, ꞌimainun ka uni bana kuakëmakama atúnribi ꞌatimakian sinánkë akama ënti ꞌikën; ëni ami katamëtia ka Nukën ꞌIbun mitsu nuibati ꞌikën, ꞌimainun kamina Diosan nuibanankëira ꞌixun an mitsun ñu ꞌatima ꞌakëkama mëníoxunun ami sinánkin rabikanti ꞌain.’
Usa ꞌain ka nunu achúshi tuá bakënun ꞌimiaxa, Diosan ka nukama achúshi tuá ꞌinánxa, a tuá ka axa ꞌapu ꞌitiokin aín kushi ꞌinánkë ꞌiti ꞌikën. Usa ꞌikë ka ësokin kakë ꞌiti ꞌikën: “An bana ñuixunkin ꞌësëkëxun kuati upitani kuëënti,” “Dios uínbi kanantisama,” “Nukën papa Dios axa këñutima oi tsókë,” “Achúshi ꞌapun rëkuë́n bëchikë chuámarua ꞌinun uni ꞌakinux bakë́an.”
ကြော်ငြာတွေ