Isaías 53:3 - Kashibo-Kakataibo Biblia

³ usa ꞌikë ka unikaman istisamatankin timakanti ꞌikën. Ax ka achúshi uni ꞌitsaira paë tani tëmërakin masánuitukinbi tënëkin ꞌaxëkë ꞌiaxa. Usa ꞌikë ka a unin istisama tankë unisa ꞌikë kamaxunbi usa ka; ax ꞌikë kixun nukaman ꞌunánma ꞌain.

Isaías 53:3 ပူးပေါင်းရင်းမြစ်များ

Salmos 69:29

ꞌAínbi kamina ꞌëx ꞌinsínkë ꞌaish tëmërai atsánkë, ꞌikëbi mix ꞌën Dios ꞌixun ië́mikin ꞌë ꞌakinti ꞌain.

Isaías 49:7

Nukën ꞌIbu an nu bitëkënkë, Israel unikaman Dios upíira ax ka ësai kia, ami sinánkima manukë ëmakama bëtsi ëmanu ꞌikë unikama ami nishkin timakë, unikama ax ꞌapu ꞌixun ñu mëëmia a unikama ñui ka ësai Dios kiaxa: “Uínsaran kara ꞌapukama ꞌimainun aín kushikama mi isia anun ka nirukianx rantipuruni mi tanain tsóbuti ꞌikën, ꞌëx Israel unikaman Dios upíira ꞌixun kana ꞌën mitsu kaisa ꞌixun ꞌëx kikë usabi okin ꞌati ꞌain.”

Isaías 50:6

An ꞌë mëëkë unikaman mëëkëxun kana ꞌëa mëëtanun tanshiakën ꞌën kuëniribi të́kakëxun kana na ꞌatanun tanshiakën. ꞌImainun kana ꞌën bëmánanribi ꞌatimakin ñuikin bëtushu kakëxunbi ꞌën bëmánan ñuñai amo bësuakëama ꞌain.

Isaías 52:14

Usa ꞌain ka ꞌitsaira uni a isi ratúkanti ꞌikën, ain bëmánan bëtsianan ka aín nami, unin nami iskësa akamax unin nami iskësama bëtsikë ꞌiti ꞌikën. (Ënë banax ka hebreo banan usai kia.)

Isaías 53:10

Nukën ꞌIbun ka ꞌitsaira a tëmëramisa tankëxa. Usai ax unin ꞌucha kupí ñukë ꞌixun ka ꞌitsaira baritia xënibua, ꞌaínbi tsókin aín rëbúnkikama isti ꞌikën; usa ꞌixun ka Nukën ꞌIbu kakësabiokin an sinánkësa okin ꞌati ꞌikën.

Isaías 53:4

Usa ꞌaínbi ka ainansa ain nukamaxnu tëmërati anun tëmërakëxa, usa ꞌikë ka nukaman paë ainansa ꞌain anun tënëakëxa. Nukaman kananuna sinanin Diosan ka aín namikama tëakin, ꞌakësokin tëmëramikëx ñuumarasa ꞌiti ꞌikën. (Ënë banax ka bëráma ꞌiása ꞌikëbi upiokin ꞌunánti ësokin ꞌakë ꞌikën.)

Miqueas 5:1

Jerusalénnu bukukë mitsun kamina amimi mitsux katamëkanti ëma kënëarakin ꞌakánti ꞌain, nuka chikítisama okin bëararakanxa, usakin ꞌaxun ka Israelnu ꞌikë ꞌapukama a ꞌaisamaira okin tëmëramiti ꞌikën.

Mateo 26:67

Usai quiquian a ꞌurama ꞌicë uni raírinën bëtushucamainun ca raírinënribi Jesús mëëacëxa. Usoia ca raírinënribishi bëtáshcacëxa.

Mateo 27:63

Cuanxun ca cacëxa: —A cëmë unix ca bamacëma pain ꞌaish: ꞌËx cana bamaxbi rabë́ ꞌimainun achúshi nëtë ꞌicëbë baísquiti ꞌai quiax quiaxa. A bana cananuna sinanin.

Marcos 10:33

—Mitsúnbi camina isin, bërí cananuna Jerusalénu cuanin. Anuxun ca uni ꞌinux Nucën Papa Diosnuax uá, ꞌë unin ꞌinánti ꞌicën, judíos sacerdotenën cushicamacëñun an Moisésnën cuënëo bana ꞌunáncë unicama. ꞌInáncëxun ca atun —a uni ca bamati ꞌicë —quixun catancëxun judíosma unicaman ꞌanun ꞌë ꞌinánti ꞌicën.

Marcos 10:34

ꞌInáncëxun ca ꞌëmi cuaianan tushucanan mëëtancëxun ꞌë ꞌati ꞌicën. Usoquian ꞌacëx bamatancëx cana rabë́ ꞌimainun achúshi nëtë ꞌicëbë baísquiti ꞌain.

Marcos 14:34

Usai ꞌiquin ca acama cacëxa: —Cana ꞌaisamaira masá nuitutin. Micamax ca ënu tiquit. ꞌAíshbi camina ꞌuxtima ꞌain.

Marcos 15:19

Caquin ca Jesús tsatínribi matáxcacëxa. Matáxcaia raírinën tushucamainun ca raírinënribi ꞌusani ami cuaiquin rantin puruni tsóbuquin rabicatsi quixun ꞌacëxa.

Marcos 9:12

Cacëxun ca Jesusan cacëxa: —Elías ax pain ca uti ꞌicë quicë bana ax ca asérabi ꞌicën. Uxun ca unicama Nucën Papa Diosmia sinánun sinánmiti ꞌicën, usai quicë bana ca asérabi ꞌicën. ¿Usa ꞌaínbi cara axa Nucën Papa Diosnuax uni ꞌinux uá a ñuicë bana uisai quin? Ca quia, ax ca unin bëtsi bëtsi ocëx tëmërati ꞌicën.

Lucas 16:14

Usaía quia cuaquin ca fariseo unicaman atux ꞌitsa curíquiñu ꞌiti cuëëncë ꞌixun, aín bana cuaisama tani a ñui ꞌatimati banaquin Jesús ꞌusáncëxa.

Lucas 19:41

Usai quiquianquin rarobianquin, Jerusalén isi ca Jesús nitë́xëti bëunan mëscuti Jerusalénu ꞌicë unicama cai quicësai quiacëxa:

Lucas 8:53

Ësaquian cacëxunbi, —ca ñuaxa, usa ꞌaish ca bërí ꞌaíma ꞌicë —quixun ꞌunánquin ca ꞌusáncancëxa.

Lucas 9:22

Canan ca cacëxa: —Uni ꞌinux Nucën Papa Diosnuax uá, ꞌëx cana ꞌatimocë ꞌiti ꞌain. ꞌImainun ca caniacëcëcamabë judíos sacerdotenën cushicama ꞌimainun an Moisésnën cuënëo bana ꞌunáncë unicamax, ꞌën bana cuaisama tani, ꞌëmi nishti ꞌicën. ꞌËmi nishquin ca ꞌë uni itsi ꞌamiti ꞌicën. Usaquian ꞌë ꞌacëx bamatancëx cana rabë́ nëtë ꞌiónxa pëcaracëbë baísquiti ꞌain.

Juan 11:35

Cacëx cuani ca Jesús bëunan mëscúacëxa.

Juan 8:48

Usaquian cacëxun ca nishquin judíos unicaman Jesús cacëxa: —Mix camina Samaria menu ꞌicë uni ꞌianan ñunshin ꞌatimañu uni ꞌai quixun nun mi cacë, ënëx ca asérabi ꞌicën.

Deuteronomio 32:15

ꞌAínbi ka Jacobnën rëbúnki, an pitishi sinánkëkama, ꞌaisamaira pi xuati ñuina rërakati aín rani nibánibákikë usai ꞌikinbi, ñuinanëa aín ꞌibu aín taën ꞌakësokin, an unio ꞌixunbi Diosan kakëxun kuaisama tankëxa; usai ꞌikin ka an kakëxunbi kuaisamatankin Dios ënkankëxa.

Hebreos 4:15

Jesús an nu Nucën Papa Dios ñucáxuncë, ax ca uni ꞌaish nux ꞌicësaribiti tëmëraíbi ꞌuchama ꞌicën. Usa ꞌixun ca nuribi tëmëranan ñunshin ꞌatimanën ꞌatima ñu ꞌamitisa taniabi nuibaquin nu ꞌaquinti ꞌicën.

Hebreos 5:7

Jesusan ca ënë menu ꞌaish abë banaquin aín Papa ñu ñucácëxa. Ñucáquin ca axa bamatimoquin a ië́miti cushiñu ꞌicë ꞌunánquin, munuma banaquin cacëxa. Usaquian ax cuëëncësabi oquin ꞌaquinun quixun ñucácë cupí ca Nucën Papa Diosan Jesucristo ꞌaquiancëxa.