Isaías 53:1 - Kashibo-Kakataibo Biblia

¹ ¿Uin kara nukamannu kuaxun ñuikë min bana ax ka asérabi ꞌikë kixun sinánti ꞌik? ¿Ui kara Nukën ꞌIbun aín kushin ñu ꞌakin ax ka kushi ꞌikë kixun sinánnun ꞌimiax?

Isaías 53:1 ပူးပေါင်းရင်းမြစ်များ

Isaías 40:5

Usa ꞌain ka Nukën ꞌIbun aín, kushia isnun ismiti ꞌikën. Ismikëxun ka kamabi unin timë́xun isti ꞌikën, usai ka Nukën ꞌIbu ax kiaxa.”

Isaías 52:10

Nukën ꞌIbun ka ax kushiira ꞌixun kamabi menu ꞌikë unikama aín kushi ismiaxa. Usa ꞌain ka kamabi menuxun unánti ꞌikën. Nukën ꞌIbu Dios an ka nu ië́miaxa kixun ꞌunánti ꞌikën.

Mateo 11:25

Catancëxun ca Jesusan Nucën Papa Dios cacëxa: —ꞌËn Papa Dios, mixmi naí ꞌimainun menu ꞌicë ñucaman ꞌIbu ꞌicë cana mi rabin. Ami uni ꞌunánmiti ñu a camina an ñu ꞌunáncë unicama ꞌunánmiquinma an ñu ꞌunáinracëma unicama ꞌunánmian. Usaquinmi ꞌacë cupí cana mi rabin. Usaquin ꞌati camina mix cuëëan.

Mateo 16:17

Cacëxun ca Jesusan cacëxa: —Simón, Jonasan bëchicë, cana mi cain, unin ca usaquin mi sinánmicëma ꞌicën. ꞌËn Papa naínu ꞌicë an ca mi sinánxunquin usoquinmi sinánun mi sinánmiaxa. An ca mi sinánmiaxa quixun ꞌunani camina cuëënti ꞌain.

Lucas 18:31

Bain cuanquin ca ꞌitsa uni anu ꞌaínbi Jesusan aín ꞌunánmicë unicama abëa ninun quixun cuënbianquin cacëxa: —Bërí cananuna Jerusalénu cuanin. Cuanx bëbaxnu anu ꞌain ca an Nucën Papa Dios quicë bana uni ñuixuncë unían ꞌë ñui quiásabi oi ꞌiti ꞌicën.

Juan 1:12

Usa ꞌixunbi ca uicamax cara ami sinánan ami catamëtia, acama Nucën Papa Diosan bëchicëa ꞌinun ꞌimiacëxa.

Juan 1:7

Ax ca Nucën Papa Diosan Bana, an ꞌuchañuira ꞌicëbi uni aín nuitu upí ꞌimiti, ax ucëbëa ami catamënun camabi uni a ñuixuni uacëxa.

Juan 12:38

Nucën Papa Diosan sinánmicëxun aín bana Isaíasnën cuënëosabi oi ca ꞌiacëxa. A banax ca ësai quia: Nucën ꞌIbu, ¿Uinu ꞌicë unin cara, min bana nun ñuixuncëxun cuaquin, asérabi ca quixun sinanx? ¿Uinu ꞌicë unin cara minmi ñu ꞌaia isquin mix camina asérabi cushi ꞌai quixun sinanx?

1 Corintios 1:18

Cristo ca unin ꞌucha cupí i curúsocënu bamacëxa quixun ñuicë bana a ca an Nucën Papa Dios cuëëncëma unicaman —a banax ca cëmë ꞌicë —quixun ñuiquin ꞌusania. Usa ꞌaínbi ca axa Nucën Papa Diosbë ꞌinux ië́ti unicaman a bana cuaquin, aín cushin ꞌimicëx cananuna nun ꞌuchacama tërë́ncë ꞌaish Nucën Papa Diosnan ꞌai quixun ꞌunania.

1 Corintios 1:24

A unicama usai ꞌimainunbi ca uicama cara Nucën Papa Diosan Cristomi catamënun sinánmicë ꞌicë acama, judíos unicama ꞌimainun griego banan banacë judíosma unicamanribi, —Cristo cupíshi ca Nucën Papa Diosan upí oquin sinánquin nun ꞌuchacama tërë́nquin ainan ꞌinun nu ië́mia —quixun ꞌunania.