Isaías 52:9 - Kashibo-Kakataibo Biblia9 ¡Jerusalén na masókan anu tsókë, unikama mitsux kamina kana ñusmo kiax kuëënkanti ꞌain, Nukën ꞌIbun ka Jerusalénnu ꞌikë aín unikama nuibaxa, usakin ꞌakin ka aín unikama nuibakin chikíanxa! (Ënëx ka Jesucristo ñui kikë bana ꞌikën.) အခန်းကိုကြည့်ပါ။ |
¡Naíkamë ꞌëo ax ka munuma kuëëni kuënkënti ꞌikën, usakian Nukën ꞌIbun ñu ꞌakë a isi! ¡Munuma kuënkëni ka me chaiira nankë́kë kamax unix ꞌikësaribiti ꞌiti ꞌikën! ¡Aín bashikama ꞌimainun ninu ꞌikë ikama axribi ka munuma unix ꞌikësai kuëënti ꞌikën, Nukën ꞌIbun ka aín kushi chaiira ismikin Israel unikama Jacobnën rëbúnkikama ië́miaxa usa ꞌain!
ꞌAínbi kana ꞌën unikamaxa usai ka ñu ꞌiti ꞌikë kikësaibia ñu ꞌinun ꞌimin, ꞌimianan kana ꞌën xukë unikaman sinánkësa oia ñu ꞌinun ꞌimin. ꞌËx kana Jerusalén ëmanu ka amiribishi uni tsótëkënti ꞌikë kin, ꞌianan ka Judá ëmanu ꞌikë ëmakama ka amiribishi birutëkënti ꞌikë kiax kin. ꞌËn kana an ñu mëëkë unikaman amiribishi axa ami nishkë unikaman aín kënëkama rurupa a birutëkënun ꞌaminuxun ꞌain.
Kuënkëni katsati ka Sión ëmanu tsókë unikama ꞌiti ꞌikën, usai ꞌika achúshi xanu bakënun ꞌain tuákën paëokëx ꞌikësai ꞌiti ꞌikën, usa ꞌain ka minuax chikíkiani kuani unikama ëman ꞌiti ꞌikën, usai ꞌikiani kuani ka unikama Babilonia menu bëbakanti ꞌikën. ꞌAínbi ka anuabi Nukën ꞌIbun aín unikama; ië́mikin axa atumi nishkë unikamanuabi bëtëkënti ꞌikën.
Abrahamnën xanu ñui ca cuënëo bana ësai quia: An tuacë xanun rëbúnquinëxa ꞌicësamaira oi ca —ꞌën cana tuaima —quixuan an sináncë xanu aín rëbúnqui ꞌaisamaira ꞌiti ꞌicën. Usa ꞌain camina mix tuatima ꞌaish tuáñuma xanu ꞌaíshbi —tuáñu cana ꞌiti ꞌai —quixun ꞌunani cuëënti ꞌain; tuacën paë tancëma xanu ꞌaíshbi camina tuá ꞌimainun rëbúnquiñu ꞌicë cupí chuámarua tani cuëënti ꞌain.