Isaías 52:7 - Kashibo-Kakataibo Biblia

⁷ ¡Upíira upíira ka axa bashikama tësapanën, upíira bana bëi aia iskë ax ꞌikën, an ka anun upiti tsóti bana bëia, an ka anúan aín unikama ië́ti bana bëi ukin Jerusalén ësokin kaia, “Min Dios ax ka ꞌapuira ꞌikën!”

Isaías 52:7 ပူးပေါင်းရင်းမြစ်များ

Salmos 93:1

¡Nukën ꞌIbu Dios ax ka ꞌapuira ꞌikën! ¡Usa ꞌixun ka aín kushínbi chaiirabu ñukama ꞌá ꞌixun a ꞌunánun nu ismiaxa! Usa ꞌain ka me uniotankëxun anuaxa shaíkitëkëntima okin nankëxa.

Salmos 96:10

Bëtsi bëtsi ëmanu ꞌikë unikama kamina kati ꞌain: “¡Dios ax ka ꞌapuira ꞌikën!” Usa ꞌixun ka ënë me shaíkisama okin uniokëxa; an ka kamabi ëmanu ꞌikë unikama bëtsi ꞌakësaribi okin sënë́nbi ꞌitánun ꞌakinia.

Isaías 33:22

Usa ꞌain ka Nukën ꞌIbu ax an bana nu mëníoxunkë ꞌixun a tanti banakama nukama ꞌaxunia, ꞌimainun ka ax nukaman ꞌapu ꞌikën, usa ꞌixun ka an nu ië́miti ꞌikën. Axa numi nishkë unikaman atun nunti anun tëkërëkakë itsikaman ka churukukë ꞌixun ami tëkërëkakë i a tuinima, usa ꞌain ka ami tëkërëkakë chupa ax pënimëtima. Usai ꞌikëbëtan kananuna numi nishkë unikaman atun ñu kupíkë bikuanti ꞌain, bimainun ka bëxuñu unikama ꞌimainun aín taëmi ñukë unikamanribi atun ñu kamabi atima onan numi nishkë unikaman ñu bikuanti ꞌikën.

Isaías 40:9

Sión an upí banakama ñuikë, ax ka aín bashi achúshi chaxkë́ira anu kuaruti ꞌikën. Jerusalén an upí banakama ñuikë, mix kamina kushiira banati ꞌain, Judá menu ꞌikë ëmakamanu ꞌikë unikama aturibi upí bana a ñuixunti ꞌain: ¡Ënu ka mitsun Dios ꞌikë kamina iskanti ꞌain!

Isaías 41:27

ꞌËxbi kana usai ka Siónnu ꞌikë unikama tsónuxun ꞌaia kiax bërámabi kiakën, usa ꞌixun kana ꞌënbi Jerusalénnu tsókë unikama katánun an bana ñuikë uni achúshi xuakën xukëx kuanxun ka axa aminishkë unikaman uban unikama ax ka basirakëma ꞌaínshi utëkënti ꞌikë kixun kakëxa.

Isaías 42:11

Anu uni ꞌikëma me ꞌimainun kamabi ëmakama ꞌimainun ka xubusa okin chupa ꞌakë anua ꞌikë Quedarnën rëbúnkinën ñaká anua ꞌikë akamaxribi kuëënti ꞌikën. ꞌImainun ka Selánu ꞌikë unikama axribi kuëëni; munuma aín bashi rëbukama anuax kantati ꞌikën.

Zacarías 9:9

(Ësai ka Dios kia.) ¡Sión ëmanu tsókë unikamax ka ꞌitsaira kuëënti ꞌikën! ¡ꞌImainun ka Jerusalén ëmanu tsókë unikama atúxribi kuëëni kantati ꞌikën! Mitsun ꞌapu, upí ainra kamabi ñu kananti ax ka aia, ꞌaínbi ka mënin sinaínshi ꞌaish, achúshi burro xanuntuá bërí kanikë a kamanan tsótax aia.

Mateo 25:34

Usai ꞌitancëxun cana ꞌëx ꞌApuira ꞌixun axa ꞌën mëqueu ꞌicë unicama cati ꞌain: ꞌËn Papa Diosan ca mitsu upí oquin sinánxunia. Mecama ꞌimainun anu ꞌicë ñucama unioquin ca an mitsu sinánxunquin anu mitsux abë ꞌiti mëníocëxa. Ax quiásabi oi camina bërí anu ꞌiti ꞌain.

Mateo 28:18

Usoquian rabicëxun ca Jesusan a rapasu cuanquin atu cacëxa: —ꞌËn Papa Diosan ca naínuxun ꞌanan menuxunribi añu ñu carana ꞌaisa tani a ꞌëx cuëëncësa oquin ꞌanun aín cushi ꞌë ꞌinánxa.

Marcos 13:10

Usaía ꞌicëma pan ꞌain ca camabi menuxun uisai cara uni Nucën Papa Diosnan ꞌiti ꞌicë quiáxa quicë bana unin ñuixunti ꞌicën.

Marcos 16:15

Usaquin caxun ca atu cacëxa: —Camabi menu cuanquin camina, ꞌëmi catamëti, aín ꞌucha tërë́ncë ꞌaish ca uni Nucën Papa Diosnan ꞌiti ꞌicë quixun camabi unían ꞌunánun, bana ñuixunti ꞌain.

Lucas 2:10

Usariabi ca ángelnën atu cacëxa: —Racuë́axma ca ꞌit. Micama cana upí bana ñuixunin. Ënëx ca camabi unin cuati ꞌicën. Cuati ca chuáma tani cuëënti ꞌicën.

Lucas 24:47

Usa ꞌain ca aín unicaman Jerusalénuxun pain aín bana ñuitancëxun camabi menu cuanquin ësoquin caquin unicama ñuixunti ꞌicën, Nucën Papa Diosan atun ꞌatima ñu ꞌacëcama tërë́ncë ꞌinuxun ca sinanaquin bëtsi oquin sinánti ꞌicë quixun. Ësaía a ñui cuënëo bana quicë a ñuixuntancëxun ca Jesusan atu cacëxa:

Efesios 6:15

—Cristo cupí nun ꞌucha tërë́ncë ꞌaish cananuna Nucën Papa Diosbë upí ꞌai —quixun uni ñuixunux mëníocacë ꞌaish camina suntárunëan aín taxaca tañucësa ꞌiti ꞌain.

Apocalipsis 11:15

Usa ꞌain ca a ángelnënbi aín manë banañu banoxa. Banocëbëtan cana naínuax sharati munuma banaia ësai quia cuan: Bërí ca Nucën ꞌIbu Dios ꞌimainun Cristo, Nucën Papa Dios an uni ië́minun caísa, axëshi ꞌApu ꞌia. Nëtë́timoi usabi ꞌinux ca ꞌia.

Apocalipsis 14:6

Usa ꞌain cana bëtsi ángelribi isan. Camabi unin cuanun ca naínu nuani munuma banai, Cristo cupí ca unicamax xëníbua ꞌaínbi Nucën Papa Diosnan ꞌiti ꞌicë quiaxa. Camabi menu ꞌicë unicama bëtsi bëtsi unibu, bëtsi bëtsi menu ꞌicë, bëtsi bëtsi banan banacë an cuanun,