Isaías 52:6 - Kashibo-Kakataibo Biblia

⁶ ꞌAínbi ka anúan ꞌën unikaman ꞌëx kana Dios ꞌai kixun ꞌunánti nëtë ꞌinuxun ꞌaia, usa ꞌain ka ꞌë ꞌunánan ꞌëx kana Nukën ꞌIbu ꞌaish usai bana kixun ꞌunánti ꞌikën.”

Isaías 52:6 ပူးပေါင်းရင်းမြစ်များ

Éxodo 3:13

ꞌAínbi ka Moisésnën kakëxa: —Asabi ka ꞌaínbi ka anu kuantankëxun ꞌën Israel unibu: Mitsun chaitiokë kaman Diosan ka mitsunu ꞌë xuaxa kixun, kakëxunbi ka atun ꞌë ñukáti ꞌikën: ¿Uisa kara aín anë ꞌik? Ësakin ñukákëxun, ¿karana ꞌën uisakin kati ꞌain?

Éxodo 33:19

ꞌAínbi ka Nukën ꞌIbun ësokin kakëxa: —ꞌËx kana nuibanairakë ꞌain, usa ꞌain kana uikama karana ꞌakinsa tani akama ꞌakinti ꞌain. ꞌAkianan kana mi nuibakin ꞌën anëmi ñuinun mi ꞌimianan uikama karana nuibati akama nuibati ꞌain.

Éxodo 6:3

Usa ꞌikë ka min chaitiokë Abraham, Isaac ꞌimainun Jacob akaman ꞌëx kana kamabi kushiñu Dios a ꞌai kixun ꞌunánkëxa, ꞌaínbi kana asérabi ꞌën anëira a atu ꞌunánmiama ꞌain: ꞌËx kana min ꞌIbu a ꞌain.

Isaías 40:9

Sión an upí banakama ñuikë, ax ka aín bashi achúshi chaxkë́ira anu kuaruti ꞌikën. Jerusalén an upí banakama ñuikë, mix kamina kushiira banati ꞌain, Judá menu ꞌikë ëmakamanu ꞌikë unikama aturibi upí bana a ñuixunti ꞌain: ¡Ënu ka mitsun Dios ꞌikë kamina iskanti ꞌain!

Isaías 42:9

Kamina ꞌunánkanti ꞌain bërámabi uisai kara ñu ꞌinuxun ꞌaia ꞌëx kia akamax ka sënë́ankëxa, ꞌianan kana bëría bënoi ñu ꞌitëkënti ami iskankëma a ñuikin; a mitsun ꞌunánti a ñukama ꞌikëmapan ꞌaínbi kana mitsu ñuixunti ꞌain.”

Isaías 49:23

ꞌApukaman ka kanioti atu biti ꞌikën, ꞌimainun ꞌapun xubunu ꞌikë xanu upíbu akamaxribi ka an tuá xukama bërúankë ꞌiti ꞌikën. Usakin ꞌai ka mitsu bëtánain ñanati ꞌikë ax mitsun kakësabi oi kananuna ꞌiti ꞌai kixun sinania ꞌikë ꞌiti ꞌikën. Usai ꞌikin ka ꞌëx kana Nukën ꞌIbu ꞌai kixun ꞌunánan, uix kara ꞌëmi katamëtia ax ka uínbi paránkëma ꞌiti ꞌikë kiax kiakëxa.”

Isaías 60:16

Bëtsi bëtsi menu tsókë unikaman atun piti upíira a bëxun ꞌinámainun, ka ꞌapukamanribi ñu upíbu akama mitsu bëxúnti ꞌikën; bëxunkëxun kamina mitsun ꞌëx kana Nukën ꞌIbu a ꞌai kixun ꞌunánkanti ꞌain, ꞌunánan ka ꞌëx kushiira ꞌixun kana Israel unikama ië́mikin bitëkëa kixun ꞌunánkanti ꞌikën.

Jeremías 31:34

Usa ꞌain ka uínsaranbi uínbi bëtsi uni usa ka Nukën ꞌIbu ꞌikë kixun ꞌunámitima ꞌikën, an ꞌunánkë unikama ꞌimainun aín aintsikama ꞌëa ꞌunánun ꞌunánmitëkëinsama ꞌiti ꞌikën, atun ka kamaxunbi uni apanbu ꞌimainun tuáxura kamanbi ka Dios ꞌikë ꞌë ꞌunánkë ꞌiti ꞌikën. ꞌËn kana atun ñu ꞌatima ꞌakëkama mëníoxunkin, atun ꞌuchakëkama a amiribishi sinántëkëntima ꞌain. ꞌËx mitsun ꞌIbu ꞌaish kana asérabi ësai kiakën.

Números 23:19

Dios ax ka nusama ꞌikën: ax ka këmëi bananan bëtsi okin sinántëkëkini kima. Uisa ñu ꞌakatsi kara ax kia a ka asérabi ꞌaia. Uisa ñu ꞌanux kara kiáxa a ka asérabi ax kikësabiokin ꞌaia.