Isaías 52:5 - Kashibo-Kakataibo Biblia

⁵ Bërí ka ësai Dios kia, ¿uisa ñu karana isin? ꞌËn unikama ka uisa ñu ꞌatima ꞌakëmabi Babilonianu ꞌikë unikaman ain menu uanxa. An buánkë unikama ax atumi kuai kuënkëni kushin rabiakati ki, ꞌëmiribi nëtë́timaira kuëëreti kia.

Isaías 52:5 ပူးပေါင်းရင်းမြစ်များ

2 Samuel 12:14

ꞌAínbi kamina minbi ꞌaisamaira oí ami kuaikin Diosan kakëxun kuaisama tankin aín bana parëkin an kuëënkëma ñu ꞌan, usa ꞌain ka min bakë bëchikë bërí náchikikë ax chamara ꞌaíshbi ñuti ꞌikën.

Éxodo 3:7

ꞌaínbi ka Nukën ꞌIbun: —Asérabi kana ꞌën unikama Egipto menuax tëmëraia isan. ꞌËn kana an bërúanxun ñu mëëmikë unikama ꞌucha kupían tëmëraia kuan, ꞌimainun kana asérabi ꞌën upíokin uisai kara atux tëmëraia kixun ꞌunan.

Isaías 52:3

Ësai ka Nukën ꞌibu kiaxa: ꞌËn kana achúshi kuríkirabi axa mitsumi nishkë unikaman, mitsu tëmëramikin ñu mëëminuxun buántanun biama ꞌain, usa ꞌain kana bërí achúshi kuríkirabi ꞌën mitsu chikínbëtsinkin bënuxun atu ꞌinántima ꞌain.

Romanos 2:24

Asérabi mitsu ñui ca Nucën Papa Diosan bana cuënëo ësai quia: “Mitsux judíos unibu ꞌixunbi ñu ꞌaisama ꞌaia isi ca judíosma unibunëx Nucën Papa Diosmi ꞌatimati banaia”.