Isaías 52:4 - Kashibo-Kakataibo Biblia

⁴ Ësairibi ka Dios kiaxa: “Bërámabi ka ꞌën unikama Egipto menu, kuan ꞌaish anu tsóakëxa bëtsi menu ꞌikë unikamasa ꞌaish, usai ꞌia ꞌikëbi ka Asirianu ꞌikë unikaman uisa ñu ꞌakëmabi tëmëramiakëxa.

Isaías 52:4 ပူးပေါင်းရင်းမြစ်များ

Génesis 46:6

Usa ꞌain ka Jacob kamabi aín ñukama ꞌimainun aín, aintsikamabëbi Egipto menu kuankin aín ꞌarakakë ñuina vacakama ovejakama ꞌimainun kamabi Canaán menuxuan bikë a kamabi ubani kuankëxa.

Génesis 46:7

Kuankin ka aín bëchikë bëbu ꞌimainun aín bëchikë xanukama ꞌimainun aín xuta nukëbënë ꞌimainun aín baba xanu akama abë kuankin uankëxa.

Job 2:3

Usakin kakëxun ka Diosan kakëxa: —¿Uisa kara ꞌën uni Job ꞌikë kixun kaina ꞌunán? Asaribi uni ka ënë menu ꞌaíma ꞌikën, an ka ꞌën kuëënkësabi okinshi ꞌakin ñu upíshi ꞌai tsókin ñu ꞌatima ꞌati sinanan uisakinbi uni ꞌatimoti sinanima upiti bërúankatia. Usa ꞌain ka minmi uisa ñu ꞌatima ꞌakëmabi a ꞌatima oti sinánxun ꞌë karaishikin katankëxun ñu ꞌatima, ꞌamikëxunbi ka uisa ñu ꞌatimabi mi ꞌaxuntima ꞌikën.

Salmos 69:4

Añu ñu ꞌën ꞌakë ꞌaímabi ka ax ꞌëmi nishkë unikamax ꞌitsaira ꞌaish ꞌën maxkánu ꞌikë bun ꞌitsasamaira ꞌikën; axa ꞌëmi nishkë unikamax ka ꞌitsaira ꞌikën, usa ꞌixun ka bëtsi ñu ꞌakëmabi ꞌë ꞌaisa tankania, ꞌimainun ka atun ñu mëkamakë ꞌikëmabi ꞌë ñu ꞌinánun kixun ubioia.

Juan 15:25

Nucën Papa Diosan bana cuënëo ax ca ꞌë ñui ësai quia: “ꞌËn ꞌatima ñu ꞌacë ꞌaímabi ca ꞌëmi nishcanxa”. A bana quicësabi oi ca ꞌia.