Isaías 52:14 - Kashibo-Kakataibo Biblia

¹⁴ Usa ꞌain ka ꞌitsaira uni a isi ratúkanti ꞌikën, ain bëmánan bëtsianan ka aín nami, unin nami iskësa akamax unin nami iskësama bëtsikë ꞌiti ꞌikën. (Ënë banax ka hebreo banan usai kia.)

Isaías 52:14 ပူးပေါင်းရင်းမြစ်များ

Salmos 22:15

ꞌËn kuëbitax ka mapú xuikëx ëski ꞌirukë usaribi ꞌikën; ꞌimainun ka ꞌën ana manxantanu takáshkikë usaribi ꞌikën. ¡Usa ꞌikë kamina bamax menu rakakësa ꞌitánun ꞌë ëan!

Salmos 22:17

¡Usa ꞌain ka ꞌën xokama mëratia iskin tupuntisa ꞌiaxa! Ax ꞌëmi nishkë unikaman ka ënkimaira ꞌë bërúaia;

Isaías 50:6

An ꞌë mëëkë unikaman mëëkëxun kana ꞌëa mëëtanun tanshiakën ꞌën kuëniribi të́kakëxun kana na ꞌatanun tanshiakën. ꞌImainun kana ꞌën bëmánanribi ꞌatimakin ñuikin bëtushu kakëxunbi ꞌën bëmánan ñuñai amo bësuakëama ꞌain.

Mateo 26:67

Usai quiquian a ꞌurama ꞌicë uni raírinën bëtushucamainun ca raírinënribi Jesús mëëacëxa. Usoia ca raírinënribishi bëtáshcacëxa.

Mateo 27:14

Cacëxbi banaquinma ca Jesusan a ñuia quicë bana achúshirabi —usama ca —quixun cáma ꞌicën. Ax banaiama oquin —¿uisa uni cara ënëx ꞌic? —quixun sinani ca Pilato ratúacëxa.

Mateo 7:28

An xuá ꞌixun ca Jesusan Nucën Papa Diosan cushínbi bana ñuixuancëxa. An Moisésnën cuënëo bana ꞌunáncë unicaman banasamaira ca Jesusan bana ꞌiacëxa. Jesusan bana ñuixunquin sënë́oncëbë ca an aín bana cuacë unicama ratuti —usa bana cuacëma cananuna ꞌain —quiacëxa.

Marcos 10:26

Usaía quia cuati ca aín ꞌunánmicë unicama, a banax ca asérabi ꞌicë quixun sináncasmai canancëxa: —Asérabi a bana ꞌain ca ui uníxbi Nucën Papa Diosnan ꞌinux ië́tima ꞌicën.

Marcos 10:32

Anuax cuanx bain Jerusalénu cuani ca aín ꞌunánmicë unicamaxa uisai cara ꞌiti ꞌicë quixun sináncasmai racuëti tsiánmainun Jesús rëcuë́nquiancëxa. Rëcuë́nquiania ꞌitsa unin a nuibiancëxun ca Jesusan abëa cuanun aín ꞌunánmicë unicama mëcën rabë́ ꞌimainun rabë́ cuënquin, usai cana ꞌiti ꞌai quixun ñuixunquin, ësaquin cacëxa:

Marcos 5:42

Usoquian cacëxëshi ca a xu xanu mëcën rabë́ ꞌimainun rabë́ baritiañu ꞌaish nirutancëx niacëxa. Usai nitsia isi ca aín bëmánan pëqui ratúcancëxa.

Marcos 6:51

Ësaquin cai manë nuntinu ꞌirucëbë ca suñúan nëtë́acëxa. Nëtë́cëbë ca aín ꞌunánmicë unicama ratuti —¿uisa ꞌain cara ësa ꞌia —quixun sinani sináncasmacëxa.

Marcos 7:37

Ñuiquian chanioia cuati ca unicamax ratuti quiacëxa: —Camabi ñu ca an upí oquin ꞌaia, pabë unínbi ca an pëxcucëxun cuatia, banañuma uníxbi ca an pëxcucëx banaia.

Lucas 2:47

Jesusan bana cuati ca a unicama ratúacëxa. Ratuti ca —uisa ꞌixun cara ënë tuacën ënë ñucama ꞌunánan nun ñucácëxunribi upí oquin ñuia —quiax sináncasmacëxa.

Lucas 22:64

Usoquin ꞌanan ca aín bëru chupan bëmáputancëxun mëëquin —uin cara mi mëëaxa, ca ñuit —quixun cacëxa.

Lucas 4:36

Usoia isi ca anu ꞌicë unicamax ratúacëxa. Ratuti ca atúxbi canani quiacëxa: —¿Uisa bana cara ënëx ꞌic? Ënë unix ca ñunshin ꞌatimanënbia cuaisabi oi cushin banaia. Uninuax, ca chiquít, quixuan cacëx ca chiquitia.

Lucas 5:26

Usai niruquiani cuania isi ratuti ca Nucën Papa Dios rabi —ësa ñu cananuna isáma ꞌai —quiax quicancëxa.