Isaías 52:12 - Kashibo-Kakataibo Biblia

¹² ꞌaínbi ka anuax chikiti kuani bënëtishi abákiani chikítima ꞌikën, Nukën ꞌIbu Israel unikaman Dios, an ka atu kuania uisa ñubi inuaxma ꞌinun amami amamiukua bërúanti ꞌikën.

Isaías 52:12 ပူးပေါင်းရင်းမြစ်များ

Éxodo 12:11

Ënë nëtëx ka anun kamabi Dios kikë ꞌati ꞌën mitsu kakë ꞌikën, usa aín kamina bërámashi mitsun chupa pañuanan mitsun taxaka tañuanan kuantishi ꞌixun bënë́kinshi mitsun tsati mëtikixun piti ꞌain, ꞌanan kamina Pascua kakë nëtë Nukën ꞌIbu rabikin ñuina nami xaronan a piti ꞌakë a piti ꞌain.

Éxodo 12:33

Usakin katankëxun ka egipcio unikaman aín menuaxisa kuantanun kixun Israel unikama bënëakëxa, kamabi uníxa këñutisa sinánkin.

Éxodo 12:39

Usai kuanuxun atun ñu mënioi ka anúan aín piti ꞌatibi ꞌaíma ꞌiakëxa, egipcio unibunëan aín menuax kuantanun chikínkëx, usokëx kuankin ka anun chamiti ñu këñuma ꞌakë harina Egipto menuxuan mëníokin maranbunkë kachakëma a xuiakëxa.

Éxodo 14:8

Nukën ꞌIbun aín sinan iruaranun ꞌimikëxun ka faraónën aín suntárukamabëtan, Israel unikama kuania nuiakëxa; Diosan aín kushínbi chikinkëx kuaniabi ka usakin ꞌakëxa.

Isaías 28:16

Usa ꞌain ka ësai Nun ꞌIbu kiaxa: ꞌËn kana Sión kakë ëmanu achúi maxax nanti ꞌain, ax ka achúshi maxax kupíirakë ꞌikën, ax ka achúshi maxax ami birukin xubu ꞌati nankë usaribi ꞌiti ꞌikën. Usa ꞌain ka uix kara ami katamëtia ax chuámarua tsóti ꞌikën.

Isaías 42:16

Usakin ꞌanan kana bëxuñu unikama aribi atun ꞌunánkëma bain, buánkin anua niama bain buánti ꞌain. Uankin kana bëánbëankibukë aribi atun ismainubia xabá ꞌinun ꞌimiti ꞌain, ꞌimianan kana me nankë́kë axribia mëníokati upiti rakanun ꞌimiti ꞌain. Ënë ñukama kana, kana ꞌaíma kikínma asérabi ꞌati ꞌain.

Isaías 45:2

ꞌËxpain rëkuë́nkiani kuankin kana aín bashi chairukëkama a me sapan rakátanun rurupati ꞌain, ꞌanan kana anua atun ëma xëpukë manë tunan ꞌakë xëputi akama ëchikibunun ꞌimiti ꞌain, ꞌimianan kana xëputi takáshkakë manëkama axa tsasibunun ꞌimiti ꞌain.

Isaías 49:10

Usakin ꞌai kamina mitsun piti ñu ꞌitsaira ꞌianan a shimakin xëati ꞌumpax upíñu ꞌiti ꞌain, ꞌianan kamina barin xarokëxun tani masátima ꞌain, ꞌën kana nuibakin bërúain usa ꞌain, usa ꞌain kana ꞌumpax upíbu manámi ki chikíkë anu buánti ꞌain.

Isaías 49:11

ꞌIanan kana achúshi bai bashikama abi nëtanbiania anun kuanti ꞌaxunti ꞌain, ꞌianan kana baikama a sapan ꞌinun ꞌimiti ꞌain.”

Isaías 58:8

Usa ꞌain ka bëtsi ꞌakinkëbë mitsun tsóti ax barin urukin nëtë pë́kabëtsinkë usaribi ꞌiti ꞌikën, usai ꞌikëbë ka mitsun ñu ꞌatima ꞌakëkama nami tëakë ax bënëtishi mókësaribi ꞌinun mëníokati ꞌikën. Usai ꞌikëbë upiti tsókëbë kana ꞌëx Dios kamabi kushiñu ꞌaish mitsubë ꞌiti ꞌain.

Miqueas 2:13

Usai ꞌikëbë rëkuë́nkiani kuania ka atun Dios nuibiankanti ꞌikën, nuibiani ka anun ëmanu atsínti xëputi anun chikikanti ꞌikën. Usai ꞌikankëbë ka Dios aín ꞌapu ax kamaxunbi atun ismainun kuanti ꞌikën.

Josué 4:11

usai unikama sikarakëti ꞌukëmanan ꞌirui sënë́nkëbë ka sacerdote unikama an bunántisa okin ꞌakë kurin ratakakakë anua Diosan ñukama ꞌikë uankë atúxribi sikarëkëkiani kuankin unikama inubiani rëkuë́nkiankëxa.

Josué 6:9

Kuamainun ka axa ꞌakánanti suntárukama ax sacerdotekama rëkuë́mibiani kuankëxa, kuanmainun ka ax tsiankiankë akamaxribi atu kaxú kuamainun, sacerdotekama atúxribi kuankin ënkinmaira carnero manchan banobiani kuankëxa.

Jueces 4:14

Usa ꞌain ka anu bëbaxun Déboranën Barac kakëxa: —¡Bërí nëtën kamina min suntárukamabëtan Sísara ꞌai kuanti ꞌain, Nukën ꞌIbun ka min mi ꞌanun mi ꞌamiti ꞌikën! ¡Nukën ꞌIbun ka atua ꞌanun min suntárukama ꞌakinti ꞌikën! Usokian kakëx ka Barac aín bashi Tabor kakë anuax aín diez mil suntárukamabë kuabuakëxa,