Isaías 52:10 - Kashibo-Kakataibo Biblia

¹⁰ Nukën ꞌIbun ka ax kushiira ꞌixun kamabi menu ꞌikë unikama aín kushi ismiaxa. Usa ꞌain ka kamabi menuxun unánti ꞌikën. Nukën ꞌIbu Dios an ka nu ië́miaxa kixun ꞌunánti ꞌikën.

Isaías 52:10 ပူးပေါင်းရင်းမြစ်များ

Job 40:9

¿Mix kaina ꞌësaribi kushiira kushi ꞌain? ¿Mixmi banakëx kara ꞌën banasaribi ꞌaish kanákamë ꞌëo banakë usaribi ꞌinunmi banakë ꞌiti ꞌik?

Salmos 22:27

Kamabi ñakánu ꞌikë Israel unibu ꞌimainun, bëtsi nëtënu tsókë unikamanribi ka ami sinánkin Dios rabiti ꞌikën; ¡usakin ꞌai ka an ismainunbi rantinpuruni tsóbukanti ꞌikën!

Isaías 11:9

Kamabi ꞌën bashi upíira anu ka: an uinu ꞌikë unibi ꞌatima oti ꞌaíma ꞌiti ꞌikën, usa ꞌain ka parúmpapanua ꞌumpax buákirukësa usai ꞌia kamabi unin usakia Diosan ꞌa ñukama kuati ꞌikën, kiax ka kiakëxa.

Isaías 33:13

ꞌUra ꞌikë unikama anribi ka ꞌën ꞌakë ñukama kuati ꞌikën, kuamainun ka ꞌurama ꞌikë unikamanribi uisakin karana ꞌën kushínbi ñu ꞌa kixun ꞌunánti ꞌikën.”

Isaías 40:5

Usa ꞌain ka Nukën ꞌIbun aín, kushia isnun ismiti ꞌikën. Ismikëxun ka kamabi unin timë́xun isti ꞌikën, usai ka Nukën ꞌIbu ax kiaxa.”

Isaías 45:22

Usa ꞌain kamina ꞌën mitsu ië́minun ꞌënu ukanti ꞌain, uinu kara me kuainakëakëxa anu ꞌikë unikamaxi ka ꞌuti ꞌikën, ꞌëx Dios ꞌain ka bëtsi ꞌësaribi ꞌaíma ꞌiti ꞌikën.

Isaías 49:6

ax ka ësai kia: ꞌËn uni ꞌixunmi min Jacobnën rëbúnki, Israel unikama axa ñuima ꞌiakama a aín ñakánubi utëkënun ꞌakinkë ax ka ꞌën iskëx sënë́nmara ꞌikën, ꞌën kana ꞌën tirísa ꞌixunmi bëtsi menu ꞌikë unikama bana ñuixuanan, uinu kara me kuainakëakëxa anubi kuankin bana ñuinun mi ꞌimiti ꞌain.

Isaías 53:1

¿Uin kara nukamannu kuaxun ñuikë min bana ax ka asérabi ꞌikë kixun sinánti ꞌik? ¿Ui kara Nukën ꞌIbun aín kushin ñu ꞌakin ax ka kushi ꞌikë kixun sinánnun ꞌimiax?

Isaías 63:5

Usa ꞌain ka ꞌën iskëx an ꞌë ꞌakinti ꞌaíma ꞌiakëxa; usa ꞌain kana an ꞌë ꞌakinti ꞌaíma ꞌain sinánkasmakësa ꞌiakën. Usai ꞌi nishkin kana ꞌën kushínbi ꞌakin kamabi ñukama kanánkën.

Miqueas 5:4

Usa ꞌain ka a ꞌapu aín unikama bërúankin ꞌakinun aín kushi ꞌinánti ꞌikën, usakin ꞌakëx ka a unikama upiti tsóti ꞌikën, usakin ꞌakëbë ka Diosan ꞌakë ñu chaiira ax kamabi menuxun ꞌunánkë ꞌiti ꞌikën.

Lucas 2:30

An camabi uni aín ꞌuchacama tërë́nquin minan ꞌinun ië́miti a cana ꞌën bërúnbi isin.

Lucas 3:6

Usoquian ꞌan ca ax uti ꞌicën. Axira ucëbëtan ca camabi unin, uisaira oquin cara Nucën Papa Diosan, unicama ꞌaquinquin ainan ꞌinun ië́miti ꞌicë quixun isti ꞌicën.

Hechos 13:47

Usaquinu ꞌati ca Nucën ꞌIbu Dios cuëënia quixun cananuna ꞌunanin, Jesucristo ñuiquian ësoquin aín bana cuënëo isquin: Israel unicamaishima bëtsi unicamaribi aín sinan upí ꞌinun ꞌiminun cana mi ꞌimian. ꞌImianan cana aín ꞌuchacama tërë́ncë ꞌaísha ꞌënan ꞌinunmi camabi menu ꞌicë unicama ië́minun mi ꞌimian.

Josué 4:24

An ka usakin ñu ꞌakëxa kixun ka kamabi menu ꞌikë unin Nukën ꞌIbu ax ka kushiira ꞌikë kixun ꞌunánti ꞌikën, usa ꞌikë kamina ashi mitsun Nukën ꞌIbu ikë rabiti ꞌain.

Apocalipsis 14:6

Usa ꞌain cana bëtsi ángelribi isan. Camabi unin cuanun ca naínu nuani munuma banai, Cristo cupí ca unicamax xëníbua ꞌaínbi Nucën Papa Diosnan ꞌiti ꞌicë quiaxa. Camabi menu ꞌicë unicama bëtsi bëtsi unibu, bëtsi bëtsi menu ꞌicë, bëtsi bëtsi banan banacë an cuanun,

Apocalipsis 15:4

Nucën ꞌIbu Dios, ¿uix cara mimi racuë́tima ꞌic? ¿Uin cara mi rabitima ꞌic? Mixëshi camina upíira upí sinánñu ꞌain. Mix upí sinánñu ꞌixun ñu upíshi ꞌaia iscë ꞌixun ca camabi menu ꞌicë unicaman mimi sinánquin mi rabiti ꞌicën.