Isaías 50:8 - Kashibo-Kakataibo Biblia

⁸ ꞌË ꞌurama ka an ꞌë ꞌakinkin bërúankë ax ꞌikën: ¿Uix kara ꞌën isana usakin ñu ꞌa kiax ꞌëmi këmëi banati ꞌik? ¡Usa ꞌain ka uix kara ꞌëmi ꞌatimati banaia ax ka ëbëtan ꞌapunuxun bana mënioi kuanti ꞌikën! ¿Uin kara ꞌën isana ñu ꞌatima ꞌa kiax këmëishi ꞌëmi manánti sinanin? ¡Uin kara usakin sinania an ka ꞌutankëxun usakin kamina ñu ꞌa kixun ꞌë kati ꞌikën!

Isaías 50:8 ပူးပေါင်းရင်းမြစ်များ

Isaías 1:18

Ësai ka Dios kiaxa: “Bërí kamina uisai kaina ꞌikanti ꞌai kiax ënë bana mëníonanti timë́ti ꞌuti ꞌain: Mitsun ꞌuchakamaxa uvas baka chininkë chëxëira iskësa ꞌikëbi kana, axa matsi irukë uxuira uxu iskësa ꞌitánun mitsu mëníoxunti ꞌain; atun ꞌuchakamaxa chupa bëtsi bëtsi ñun pukukë iskësaribi ꞌikëbi kana, ꞌën xapu uxuira uxu iskësa ꞌitánun mëníokin tërënxunti ꞌain.

Isaías 41:1

“Ësai ka Dios kiakëxa, axa parúmpapa nëbëtsi ꞌikë nasínu bukukë unikama an ka nëtë́xun ꞌëx kia kuati ꞌikën. Bëtsi bëtsi menu tsókë unikamax ka kushi mëníokati ꞌikën. Uisai kaina mitsux tsóti anu banakin mëníonun kamina timë́kanti ꞌain; bërí kananuna timë́xun uisakin karanuna mëníoti ꞌai kixun isti ꞌain.

Isaías 41:21

ꞌApuira Jacobnën rëbúnkikaman ꞌIbu ax ka ësai kiaxa: “A rabinuxun unin bëtsi ñukama tankin uniokë akamax ka uisakin kara ñu ꞌaia kixun ꞌë ñuixuni ukanti ꞌikën.

Isaías 43:26

Ñu ꞌatima ꞌai ꞌëmi banai ꞌuchakë ꞌixun kamina ꞌëbë banakin añu kaina a ꞌën mëníonun ꞌë kati ꞌain. Kakëxun kana mitsux kaina asérabi ñu ꞌatima ꞌakëma upí uni ꞌai kixun isti ꞌain.

Isaías 45:25

Asábi ka ꞌën ꞌakë ñukama kupín ka kamabi Israel unikama ami nishkë unikama kanankin ꞌatankëx, ꞌën ꞌakë ñukama ñui anun rabikanti ꞌikën.”

Isaías 54:17

ꞌaínbi ka uínbi anun ꞌakanankin ñu anun masókin ꞌati uniokëma ꞌikën. Mitsun kamina an usa ka atux ꞌikë kixun mitsu ꞌuchokëkama a uisa bananbi bananun kimitima ꞌain. Ësokin kana axa ꞌëmi katamëkë unikama ꞌamiti ꞌain: usokin ꞌakin ka atun ñusmoti ꞌikën.” Ësai ka Nukën ꞌIbu asérabi kiakëxa.

Mateo 5:25

Bëtsi unían mimi nishquin, mitsun cushinu buáncëx, bain cuani camina anu bëbacëma pain ꞌaish, abë mëníonanti ꞌain. Mëníonancëxunma ca mimi nishcë uni axa mi ñui ami manáncëxun min cushin mi sipuati ꞌicën. Usa ꞌaíshmi sipuacë ꞌitin rabanan camina bëbacëma pain ꞌaish a unibë mëníonanti ꞌain.

Deuteronomio 19:17

usa ꞌain ka axa nishanankë uni rabë́ ax ꞌapunu kuanan Nukën ꞌIbunu ꞌimainun sacerdotekama an bana mëníokë akamanu a nëtën ñu mëkëbë anu kuanti ꞌikën.

1 Timoteo 3:16

Asérabia unin ꞌunáncëma ñu Nucën Papa Diosan aín unicamaishi ꞌunánmicë ꞌain ca nun ñuicë bana ënëx asérabi ꞌicën: Jesucristo ax ca Diosribi ꞌaish ënë menuax uni ꞌiacëxa. Jesucristonën ca aín nuitu upí ꞌixun upí ñuishi ꞌaia quixun ca Nucën Papa Diosan Bëru Ñunshin Upitan unicama sinánmiacëxa. ꞌImainun ca Jesucristonëx ángelnënribia iscë ꞌiacëxa. Usa ꞌain ca a ñuiquin aín unicaman camabi menuxun uni ꞌunánmia. A ñuicë banax ca asérabi ꞌicë quixun sinani ca camabi menuax, uni ami catamëtia. Usa ꞌaish ca ënë menu ꞌitancëx aín Papabë ꞌi aín nëtënu cuancëxa.

Apocalipsis 12:10

Usaía ꞌicëbëtan cana Nucën Papa Diosan nëtënuaxa ësai munuma banaia cuan: —An ami catamëcë unicama, nucën xucë́antu, ꞌatimaquin ñuiquin nëtë́quinma nëtë́nbi ꞌimë́bi Nucën Papa Dios manóncë, ax ca ënua chiquíncë ꞌicën. Usa ꞌain ca bërí an aín cushínbi ainan ꞌinun uni ië́micë, Nucën Papa Dios, ainshi asérabi aín ꞌApu ꞌixun, aín unicama bërúanan Cristo atun ꞌIbu ꞌinun ꞌimiaxa.