Isaías 50:7 - Kashibo-Kakataibo Biblia

⁷ Nukën ꞌIbu ax ka an ꞌë ꞌakinkë ꞌikën: usa ꞌain ka ꞌatimokin ꞌë ñuikë bana an ꞌë uisabi oima; usa ꞌain kana, ꞌëx achúshi mapara irusaribi ꞌaish anubi ꞌian, usa ꞌixun kana, ꞌëx usai ꞌikë anun kana katë́ti rabinkë ꞌitima ꞌai kixun ꞌunan.

Isaías 50:7 ပူးပေါင်းရင်းမြစ်များ

Salmos 110:1

Nukën ꞌIbu Diosan ka ꞌën ꞌIbu kaxa: ꞌËn axa mimi nishkë unikama minan ꞌimimainun kamina ꞌë mëkeu tsóti ꞌain.

Isaías 42:1

Ësai ka Nukën ꞌIbu kiakëxa. Ënu ka ꞌën kuëënkësabi okin ꞌati ꞌën kaískë uni ax ꞌikën, ënëx ka ꞌëx a isi ꞌitsaira kuëënkë a ꞌikën, usa ꞌain kana ꞌën bëru ñunshin a ꞌinan, usa ꞌixun ka kamabi menu ꞌikë unikama upíokian ñu ꞌanun ꞌamiti ꞌikën.

Isaías 45:17

ꞌAínbi ka Nukën ꞌIbun Israel unikama a ië́miakëxa, ië́mikin xënibua ꞌaínbi ꞌitiokin ië́miakëxa. Usa ꞌaish ka uínsaranbi katë́ti ñuumara ꞌitima ꞌikën.

Isaías 49:23

ꞌApukaman ka kanioti atu biti ꞌikën, ꞌimainun ꞌapun xubunu ꞌikë xanu upíbu akamaxribi ka an tuá xukama bërúankë ꞌiti ꞌikën. Usakin ꞌai ka mitsu bëtánain ñanati ꞌikë ax mitsun kakësabi oi kananuna ꞌiti ꞌai kixun sinania ꞌikë ꞌiti ꞌikën. Usai ꞌikin ka ꞌëx kana Nukën ꞌIbu ꞌai kixun ꞌunánan, uix kara ꞌëmi katamëtia ax ka uínbi paránkëma ꞌiti ꞌikë kiax kiakëxa.”

Isaías 49:8

Ësai ka Nukën ꞌIbu kia: “Anun ꞌën mitsu nuibati nëtë ꞌikëbëtan kana nuibakin; mitsu kati ꞌain, anun mi ië́të nëtë ka uaxa, ësokin kakin kana mitsu ꞌakinti ꞌain. ꞌËn kana mi bërúankin ꞌakiankën, ꞌëx kia bana axa mitsunubi ꞌitiokinmi min unikama ꞌunánminun, ꞌianan anubi ꞌitiokin achúshi ñu ꞌën unikabëtan ꞌakën, ꞌimainun mitsun mekama axa mitsumi nishkë unikaman ꞌatimokan a bitëkënun,

Isaías 50:9

Nukën ꞌIbun ka ꞌë ꞌakinia; ¿uix kara ꞌën isana ꞌatima ñu ꞌa kixun ꞌë ꞌuchokatsi kiax ꞌëmi manánti ꞌik? Kamabi axa ꞌëmi nishkë unikamax ka këñuti ꞌikën, achúshi i bisan pikë usaíshi ꞌi nëtë́ti ꞌikën.

Isaías 54:4

Usa ꞌain kamina rakuë́tima ꞌain katë́kësamina ꞌin, usa ꞌain kamina bërúankati ꞌain; mi ꞌichakin ñuikankëxbi anun rabinti ñu ka ꞌaíma ꞌiti ꞌikën. Bëná ꞌaíshmi bakë bëchikëñuma ꞌaish rabian akamina manuti ꞌain, ꞌimainun kamina xanu aín bënën kasunankë ꞌakësokin mi ꞌakan a sinántima ꞌain,

Jeremías 1:18

ꞌËn kana mi bërí kushiira ꞌinun ꞌimikin, ëma upíokin kënëkin ꞌakë usa ꞌianan, manë tunan ami xubu buaruti nitsínkë usaribi ꞌinun ꞌimianan, anun ëma kënëarakë manë panshian iruira usaribi ꞌixunmi, Judá menu ꞌikë ꞌapukama ꞌimainun aín kushibu ꞌianan, sacerdotekama ꞌianan, kamabi unikama atusamaira ꞌixun minra kanun mi ꞌimiti ꞌain.

Miqueas 1:2

Kamabi unikama mitsun kamina ënë banakama upíokin kuakanti ꞌain; ꞌimainun ka kamabi menu ꞌikë ëmakamanu ꞌikë unikamanribi bëmë́kin kuati ꞌikën: Diosan ka anua ꞌikë naíkamë ꞌëo anuxunbi, mitsun ꞌatima ñu ꞌakë kupí uisa kara oti ꞌikë usokin mitsu ꞌati ꞌikën.

Lucas 9:51

Anúan aín Papa Diosnu cuantëcënti nëtë ꞌurama ꞌain ca Jesusan Jerusalénu cuantëcënti sináncëxa.

Juan 16:33

ꞌËmi catamëtími chuámashirua ꞌaish upitax ꞌicánun cana ënë banacama mitsu ñuixuan. Ënë nëtënuax camina mitsux ꞌënan cupía mitsumi nishquin unin ꞌatimocë ꞌinuxun ꞌain. Usai ꞌibi camina bënëtima ꞌëmi cushicanti ꞌain. An ënë menu ꞌicë unicama ꞌibuacë ꞌicëbi cana ꞌën ñunshin ꞌatimanën ꞌapu ñusmon.

Romanos 1:16

ꞌËx cana ënë bana unicama ñuixuni rabiniman. Axa a bana quicësabi oi Jesucristomi catamëcë uni a ca Nucën Papa Diosan aín cushínbi ainan ꞌinun ië́mia. Judíos unicama pain ñuixuntancëxun cana judíosma unicamaribi a bana ñuixunin.

Hebreos 13:6

Usaquin sinánquin cananuna ënë bana cuënëo quicësabi oquin sinánti ꞌain: Nucën ꞌIbu Diosan ca ꞌë ꞌaquinia. Usa ꞌain cana unin uisa cara ocëxbi racuë́tima ꞌain.

1 Pedro 4:1

Uni ꞌixun ca Cristonën tëmëraquin paë tancëxa. Usa ꞌain camina ꞌunánti ꞌain, mitsúnribi camina —sapi cana tëmëraquin paë tanti ꞌai —quixun sinánti ꞌain. Uin cara Jesucristonan cupí tëmëraquin paë tanxa an ca ñu ꞌatima ꞌai ꞌuchati ëanxa.

1 Pedro 4:16

Usaquin ñu ꞌacëma ꞌaíshbi Cristonan ꞌicë cupía unin tëmëramicëxbi camina rabíntima ꞌain. Rabínquinma camina Nucën Papa Dios rabiti ꞌain, mitsúxmi asérabi ainan cupí.