Isaías 50:2 - Kashibo-Kakataibo Biblia

² ¿Uisa kupín karana ukin ꞌën uibi mërama ꞌain? ¿Uisa kupín kara kuënkëxunbi uínbi ꞌë káma ꞌik? ¿ꞌËx isana mitsu ꞌakinsama ꞌai kixun kaina sinánkankën? ¿ꞌËn isana mitsu chikintima ꞌai kixun kaina sinánkankën? ꞌËx usai ka ꞌiti ꞌikë kiax kikëbëshi ka parúmpapa ëskiti ꞌikën, ꞌimainun ka bakakamaxribi anu uni ꞌikëma mesa ꞌitánun aín ꞌumpax ꞌaíma ꞌiti ꞌikën; usai ꞌikëbë ka anu ꞌikë tsatsakama ꞌumpaxñuma ꞌain xanan bamai chë́kia.

Isaías 50:2 ပူးပေါင်းရင်းမြစ်များ

Génesis 18:14

¿Nukën ꞌIbun ꞌakasmati ñu kara ꞌaíma ꞌik? bëtsi bari ꞌirukëbë kana ꞌëx mi istëkëni uti ꞌain, ꞌimainun ka Sara achúshi tuáñu ꞌiti ꞌikën kixun ka kakëxa.

Salmos 107:33

Nukën ꞌIbun ka bakakama ꞌimainun xëxákama anu uni ꞌikëma mesa ꞌia ñankáishi ëski me rakátanun ꞌimia;

Éxodo 14:21

Usa ꞌain ka Moisésnën aín tatsi bikin Nukën ꞌIbun kakësabiokin parúmpapami okin sanankëxa, usokëbëtainshia Diosan ꞌimikëx ka amiaxa bari urukë amiax a imë́ suñu kushi bëquinëakëxa. Usai ꞌikëbë ka parúmpapa nëbëtsi baka ënanani amo rabë́ chaiira ꞌinun panárabë́akëxa. Usakin Nukën ꞌIbun ꞌimikëbë ka me ëski rakakëxa,

Éxodo 14:29

Usai ꞌikëbëbi ka israel unikama anun kuanun parúmpapa tëarabëti me ꞌinun ëskikë anun sikarakëakëxa usai ꞌi ka ꞌumpax kuëtú ꞌikësai amorabë́ chairui bëtsi mëmiu ꞌimainun bëtsi mëkëu ꞌiakëxa.

Éxodo 7:18

Usaia imi ꞌikëbë ka bakanu ꞌikë ñuinakama këñuti ꞌikën, usai ꞌikëbëa baka pisikëbë ami kuínsakin ka egipcio unikaman ꞌumpax xëatima ꞌikën.

Éxodo 7:21

Usai ꞌikëbëa bakanu ꞌikë ñuinakama këñúkëbë ka ꞌumpax pisiakëxa, usai ꞌia ka egipcio unibunën xëatisama ꞌikë ꞌumpax xëama ꞌikën. Usaia ꞌikëbë ka kamabi Egipto menu ꞌikë ꞌumpax imi ꞌiakëxa.

Proverbios 1:24

Usa ꞌain kana ꞌën mitsu ënumi ukanun kan, ꞌaínbi kamina mitsun ꞌën kakëxunbi ꞌën bana kuaisamatan.

Isaías 41:28

ꞌËn iskëx ka bëtsi dioskama ꞌëmi mëratima; usa ꞌain ka an ꞌë usai kamina ꞌiti ꞌai kixun kati ꞌaíma ꞌikën, ꞌianan ka an ꞌën ñukákë banakama usai ka ꞌinxun ꞌaia kixun ꞌë kati ꞌaíma ꞌikën.

Isaías 42:15

Usa ꞌixun kana kamabi aín bashikama masókin këñuanan, ꞌimainun anua kookë ñukama ëskikëbëa chushi ëskinun ꞌimiti ꞌain; ꞌimianan kana bakakamaribi anu uni ꞌikëma mesa ꞌimianan ꞌian kamaribi ëskinun ꞌimiti ꞌain.

Isaías 43:16

Nukën ꞌIbun ka parúmpapa anúan ain unikama kuanti panarabënun ꞌimiakëxa, usokin ꞌakin ka anua ꞌumpax kushiira nëminra ꞌikë axa me rakati bai ꞌi ëskinun ꞌimiakëxa,

Isaías 44:27

ꞌËn kana parúmpapa kamina ëskiti ꞌai kanan aín bakakama ꞌumpax ñuma ꞌinun ëskinun kati ꞌain.

Isaías 54:6

Mix kamina xanu chipash aín bënën ꞌatimati nitsia ënkësa ꞌaish tëmërai ꞌiakën, ꞌaínbi ka min Diosan amirbishi nuitëkënun mi kaxa.

Isaías 63:13

¿Uinu kara parúmpapa panárabëti me ëskikë anun inuti raíshkima, caballokama anu uni ꞌikëma me kuankë usaribi kiani kuanun ꞌimianan,

Isaías 64:6

Kamabi nux kananuna uni achúshi upíma chuakë usaribi ꞌain; kamabi nun ꞌakë ñu upíkama ax ka chupa chua usaribi ꞌikën; ꞌimainun kananuna nukamax pëi chushitankëx rëukubukë usaribi ꞌain, ꞌianan ka nun uni rëtëkë ax ka nun ñu ꞌatimaira ꞌakin, a tanti bana kikësokin ꞌakinma uni ꞌakë ax suñun kuainkin pëi pukë usaribi ꞌinun nu ꞌimia.

Jeremías 14:9

¿Uisa kupín kaina achúshi uni ñu ꞌianan, axa ꞌakánanti ꞌunánkë ꞌixunbi raíri uni ꞌakinkin ië́mikëma usaribi ꞌain? Usa ꞌaínbi kamina mix nun Dios ꞌaish nukama nëbëtsi ꞌiti ꞌain, usa ꞌain ka nux kananuna min unikama ꞌai kixun kamaxunbi ꞌunánkanxa; ¡usa ꞌain kamina nukama ëntima ꞌain!

Jeremías 7:13

ꞌËn amiribi amiribi usaími tsókankë a ñuikin kakëxunbi kamina mitsun kuaisama tankën, usa ꞌaínbi kamina kuaisama tankin, ꞌëbi kaisama tankën. ꞌËx Min ꞌIbu ꞌaish kana ësai kin.

Jeremías 7:27

Jeremías min kamina kamabi ënë ñukama ñuikin min kakëxua kuanumabi atu kati ꞌain; usakin kakëxunbi ka atun miribi katima ꞌikën.

Daniel 3:15

¿Mitsun kaina ñukama banamia kuakinshi ꞌën ꞌamikë ñu ami ñanati ꞌikin rabikantishi ꞌain? Usakin ꞌaíma kamina bëríbi mitsux tsi rëkirukë a ꞌukëmëu nikë ꞌiti ꞌain; ¿usakin ꞌaia kara uinu ꞌikë diosan mitsu ië́miti ꞌit?

Daniel 3:29

Usa ꞌain kana bërí ꞌëx ësai kin, uinu ꞌikë unikamax kara ënë bëná unikaman rabikë Dios ñui ꞌatimati banaia ax ka tëapakëx ain tëmërakë anunbi bamakë ꞌiti ꞌikën, ꞌianan aín xuburibi ꞌatima okin rurupakë ꞌianan, uisa ëmanu ꞌikë kara ꞌimainun uisa banan banakë kara ꞌikëbi usakin ꞌati ꞌikën, an usakin uni ië́miti bëtsi Dios usaribi ka ꞌaíma ikë kiax ꞌapu kiakëxa.”

Daniel 6:20

Bëbakin ka ꞌurama okin ꞌapun Daniel masá nuitukëishi aín bana ꞌixun ësokin kakëxa: —Daniel Dios këñutima oi tsókë aín uni, ¿ami ax kikësabiokin min ꞌaxunkë an kara paru ꞌinúan kamanua mi ëñëmiax?

Daniel 6:27

Ax ka an uni ië́mianan upiti tsónun ꞌakinkë a ꞌikën; an ka unin iskëma ñu chaiirabu naínu ꞌanan menuribi ꞌaia. An ka Daniel paru ꞌinúankaman aín ꞌuntsisan ꞌati ꞌikëbi ië́miaxa.

Oseas 11:2

ꞌaínbi ka usakin kuënkëxi, ꞌatiaira ꞌëmi ꞌurakankëxa. Usai ꞌikin ka ꞌën unikaman këmëkinshia rabikë dioskama a ñuina xaroxuankëxa, usakin ꞌanan ka sanuira ro aribi ñu tankin ꞌakëkama a xaroxuankëxa.

Oseas 11:7

ꞌËn unikama ka bëtsi ñuishi ꞌai ꞌë ꞌura ꞌia; usa ꞌixun ka bëtsi dioskamaishi nuikin ꞌë ënkanxa; usa ꞌixun kamina ax isa ꞌësamaira kushi ꞌikë kixun sinánkanin, ꞌaínbi ka an mitsu ꞌakintima ꞌikën.

Habacuc 3:8

¿Mix karamina Dios ꞌaish bakakamami nishin? ¿Mix ꞌitsaira nishkin karamina parúmpapakama ꞌatima oti ꞌain? ¿Usa ꞌaish karamina min caballonën nikinkë anu ꞌirukiani bëtsi unikama ꞌikësa kiani kuanti ꞌain?

Números 11:23

Ësai kiabi ka Nukën ꞌIbun kakëxa: —¿Min sinánkëx kara ꞌën kushi chamaratsu ꞌik? Bërí kamina asérabi kara ꞌëx kikësabi oi ꞌia kara ꞌima kixun isti ꞌain.

Marcos 4:39

Cacëx bësuquinshi ca Jesusan suñúan —ca nëtët —canan parúmpaparibi —ca bucubut —quixun cacëxa. Cacëxëshia suñúan nëtë́ishimainun ca baca bëchúnribi nëtë́acëxa.

Juan 1:11

Ënë nëtënu ꞌicë unicaman ca an unio ꞌixunbi, atubë ꞌinúxa ucëbi biisama tancëxa.

Juan 3:19

Axa ami sináncëma unicamax ca aín ꞌucha cupí Nucën Papa Diosan castícantishi ꞌicën, atúan an aín sinan upíira ꞌixun uni upí ꞌimiti ax uánbi ami catamëisama tanquin ꞌatima ñu ꞌatishi cuëëncë cupí.

Josué 3:16

Ënëx ka anua israel unibu ꞌikë a ꞌurakëoxa ꞌiá ꞌikën, ax ka anua Adam kakë ëma ꞌurama, Saretán ꞌikë a ꞌuramabi ꞌiakëxa, usa ꞌain ka ꞌumpax ax kuabuti parúmpapa bamakë kakë anubi timë́kë ꞌiakëxa. Usakin ka Diosan anúan Israelkama Jericó kakë ëmanu kuani sikarakënun bakanu ꞌikë ꞌumpax tëa rabëti ëskinun ꞌimiakëxa.