Isaías 50:1 - Kashibo-Kakataibo Biblia

¹ Ësai ka Nukën ꞌIbu kia: “¡ꞌËn kana Israel unikama mitsun tita ꞌikëbi rakankë kixun kamina sinánkantima ꞌain, achúshi unin aín xanu ënkin rakankë usaribi okin, usokin ꞌanan karana mitsu ñu mëmikë uni ꞌakësokin ama ꞌain bëtsi uni ribinxun akësokin ꞌama ꞌain! Mitsux kamina mitsun ꞌuchakë kupín marukë ꞌiakën; Israel unikama mitsun titax ka timakin rakankësa ꞌiakëxa, mitsun kakëxunbi ꞌën bana kuaisama tankë kupín.

Isaías 50:1 ပူးပေါင်းရင်းမြစ်များ

1 Reyes 21:25

Uinsaranbi ka Ahabnën aín xanu Jezabelnën bana tankin, ꞌaisama ñu ꞌanan Diosan upí iskëma ñuira akësokin an ꞌakë ꞌapu ꞌaíma ꞌiakëxa.

Isaías 1:28

ꞌaínbi kana an bana kuakëma unikama ꞌimainun ꞌuchañu unikama ꞌianan an ꞌën bana kuaisama tankë a unikama bamati ꞌikën.

Isaías 43:27

Min chaitiokëkama axirapaia tsóa ax ka ꞌuchakëxa, an mitsu ñu ꞌunánmikë unikaman ka ꞌën kakëxun kuaisama tankankëxa,

Isaías 46:8

ꞌUchañu unikama mitsun kamina sinánti ꞌain, mitsux kamina paránantima ꞌain upiokinshi kamina sinánkanti ꞌain;

Isaías 52:3

Ësai ka Nukën ꞌibu kiaxa: ꞌËn kana achúshi kuríkirabi axa mitsumi nishkë unikaman, mitsu tëmëramikin ñu mëëminuxun buántanun biama ꞌain, usa ꞌain kana bërí achúshi kuríkirabi ꞌën mitsu chikínbëtsinkin bënuxun atu ꞌinántima ꞌain.

Isaías 54:6

Mix kamina xanu chipash aín bënën ꞌatimati nitsia ënkësa ꞌaish tëmërai ꞌiakën, ꞌaínbi ka min Diosan amirbishi nuitëkënun mi kaxa.

Isaías 54:7

“ꞌItsama nëtë́ishi ꞌimikin kana mi ëankën, ꞌaínbi kana ꞌëx nuibanankë ax chaiira ꞌain amiribishi ꞌëbë biranani utëkënun mi kakën.

Isaías 58:1

Nukën ꞌIbun ka ësokin ꞌë kaxa: “Rakuëtimaishi kamina munuma banai kiti ꞌain, usai ꞌi kamina manë banañu banokëx ꞌikësa min bana ꞌinun kushin banati ꞌain; usai ꞌikin kamina ꞌën kaísa unikama atun ꞌakë ꞌatima ñukama ñuikin kati ꞌain, ax ka Jacobnën rëbúnkikama ꞌikën atun ꞌuchakëkamaribi ñuikin kati ꞌain.

Isaías 64:6

Kamabi nux kananuna uni achúshi upíma chuakë usaribi ꞌain; kamabi nun ꞌakë ñu upíkama ax ka chupa chua usaribi ꞌikën; ꞌimainun kananuna nukamax pëi chushitankëx rëukubukë usaribi ꞌain, ꞌianan ka nun uni rëtëkë ax ka nun ñu ꞌatimaira ꞌakin, a tanti bana kikësokin ꞌakinma uni ꞌakë ax suñun kuainkin pëi pukë usaribi ꞌinun nu ꞌimia.

Oseas 4:5

Mix kamina nëtëinra ꞌianan imë́ ñu ꞌatima ꞌai pakëti ꞌain, usai ꞌikëbë ka mibë an Dios kikë bana ñuikë uníxribi pakëti ꞌikën, ꞌimainun kana min titaribi ꞌën këñunun ꞌimiti ꞌain.

Mateo 18:25

Bëcëx uxun ca curíquiñuma ꞌixun cupíocasmaxa. Cupíocëxunma ca an ñu mëëmicë unin aín uni itsi caxa: Camina acëñun aín xanu ꞌimainun aín bëchicëcamaribi bëtsi unia ñu mëëxunun maruti ꞌain. Maruxun curíqui bixun camina ꞌëa ribíncë a cupíoquin mi bicë curíqui a ꞌë ꞌinánti ꞌain.

Deuteronomio 32:30

¿Uisaxun kara achúshi unira ꞌixunbi mil uni abámiakëx? ¿ꞌIanan kara rabë́ratsu ꞌixunbi diez mil uni abámiakëx? ¡Nukën ꞌIbun ꞌakinkinbi ënkëka usakin mitsu ꞌakëxa!