Isaías 5:7 - Kashibo-Kakataibo Biblia

⁷ Nukën ꞌIbu Dios kamabi kushiñuira an ka aín ꞌapákë uvas ꞌitsaira kuëënia, usaribi ka Israel menua ꞌikë a ꞌimainun, Judá ëmanua bukukë unikama atux ꞌikën. Usa ꞌain ka Nukën ꞌIbun anu tsókë unikama upíokin ñu ꞌaiama aín bana kikësabiokin ꞌati kaíankëxa, usa ꞌain ka unikama bëtsi unikamabë ꞌatima onani; ꞌupiokin ñu ꞌaínmabi; ꞌitsaira paë tani sharatia kuati ꞌikën.

Isaías 5:7 ပူးပေါင်းရင်းမြစ်များ

Génesis 4:10

Usai kia ka Nukën ꞌIbun kakëxa: —¿Uisa kupín karamina usakin ꞌan? Min xukë́n ꞌanákanën imi menu, ꞌapamikinmi ꞌakë an ka uisa karana oti ꞌai usakin ꞌën mi ꞌanun kia.

2 Samuel 7:10

Usakin ꞌanan kana achúshi me anua ꞌën unibu Israel ꞌiti bian, bixun kana atunabi ꞌain anu ꞌinun ꞌinan, anu ꞌiaka uínbi ubioima ꞌimainun an bëtsi ñu ꞌatima ꞌakë unikamabi, bëráma ꞌakansa okin ubiotima ꞌikën,

Salmos 80:15

minbi kamina uvas ꞌapákësaribi ꞌitánun nu bëakën, usokin ꞌaxun kamina minbi nu bërúankën.

Éxodo 3:7

ꞌaínbi ka Nukën ꞌIbun: —Asérabi kana ꞌën unikama Egipto menuax tëmëraia isan. ꞌËn kana an bërúanxun ñu mëëmikë unikama ꞌucha kupían tëmëraia kuan, ꞌimainun kana asérabi ꞌën upíokin uisai kara atux tëmëraia kixun ꞌunan.

Isaías 1:21

¡Jerusalén ëmanu ꞌikë unikamax ka upiti buküakëxa, ꞌaínbi ka bërí bëtsi bëtsi unibë ꞌikë xanusa ꞌikën! Bëráma kamina mitsux upiti tsókin upíokin ñu ꞌakë ꞌiakën, ꞌanan kamina upiti tsóakën, ꞌaínbi kamina bërí an uni ꞌakë unikamasaribi ꞌikanin.

Isaías 1:6

Taë rëbumiaxi ka mitsun maxkánubi bërúti chamarabi mitsun nami asábi ꞌaíma ꞌikën; kamabi namix ka chankui ꞌuákë ꞌianan; tëakin chakakësa ꞌianan, nami këñui kutankëx anuax tanpëkësa ꞌikën; usa ꞌikë ka uínbi ronkin chupa sanin rabunkëma ꞌikën, ꞌianan ka uínbi aín paë bachubuti tantitanun xënin síkakëma ꞌikën.

Isaías 30:12

Usa ꞌain ka Israel unikaman Dios upíira ax ësai kia: “Mitsun kamina usai ꞌiaxma ꞌinun kakë bana a kuaisama tanan, bënë́kinshi ñu ꞌatima ꞌanan, ñu ꞌatimaira ꞌai ami katamëkanin;

Isaías 46:12

Kamina kuakanti ꞌain, bana kuakëma unikama, anun ꞌën mitsumi nishkë unikamanua mitsu chikíntisa basipain ꞌikë kixun kamina sinan kanin:

Isaías 5:2

ꞌAnan ka meribi anu ꞌapáti buinakin anu ꞌikë maxákamaribi timëkin bukuntankëxun, anu ñu bëru upíbu kamaishi ꞌapákëxa. ꞌAtankëxun ka ñu bëru ꞌapákë a nëbëtsi achúshi torre chaiorukin ꞌanan, anuxun uvas ꞌapákë aín baka biti aribi mëníokëxa. ꞌËn ꞌunánkë unin ka an ꞌapákë uvaskama bataira ꞌitánun tuati kaíankëxa, ꞌaínbi ka uvas ꞌapákëkama an aín bimi kacha ꞌinun tuakëxa.

Miqueas 6:8

Ënë ñukama ꞌaxunti ka Dios kuëënima, an ka nukama kaxa uisa ñux kara upí ꞌikën, ꞌimainun uisa ñu nun ꞌaxunti kara ax kuëënia: ax ka ësa ꞌikën, bëtsi unikamabë upí ꞌiti, uisa ñu ꞌakatsi karanuna kia usakinbi ꞌati, ꞌimainun an kakësabiokin ꞌanan ax kikësabiokin ñu ꞌati.

Habacuc 1:3

¿Uisa kupí kaina ꞌaisamaira ñu ꞌatima ꞌakania isi masá nuitunun ꞌë ꞌimin? Kamabinua kana ꞌatima ñuishi ꞌakania isanan ñu ꞌaisama okin masókania isin; ꞌimainun kana amami amamiaxa tsuákiruax unikama mëanani sharatia kuatin.

Mateo 23:23

An Moisésnën cuënëo bana ꞌunáncë unicama ꞌimainun fariseo unicama, mitsux camina an unicama paráncë a ꞌain. Mitsu ca Nucën Papa Diosan uisa cara oti ꞌicë usoquin ꞌati ꞌicën. Mitsun camina an Nucën Papa Dios anuxun rabiti xubunuxun ñu ꞌacë unicama ñu ꞌinanin, Moisés quiásabi oquin. Usa ꞌixunbi camina a bana itsi, axa quicësabi oíira ꞌiti, a quicësa oquin ꞌaiman, Nucën Papa Diosmi upiti catamëanan ax cuëëncësabi oquin upí sinánñu ꞌixun unicama nuibaquin, ꞌaquinsa ꞌicë, ꞌaquinti, acama. Usaquinmi mitsun ꞌacëx ca asábiira ꞌitsíanxa. Usoquin ꞌaquinmi mitsun ñu mësúribi ꞌinánti ca asábi ꞌitsíanxa.

Lucas 18:7

¿An usaquin ꞌacë ꞌain cara Nucën Papa Diosan axa ainan ꞌinúan an caíscë aín unicama an nëtë́nbi, imë́bi a ñucácë, acama bërúanquin ꞌaquintima ꞌic? ¿Cara ꞌaquinquinma tënánpati ꞌic? Usama ca.

Juan 15:2

Usa ꞌixun ca an uinu ꞌicë ꞌën pëñanëx cara bimiñuma ꞌicë a tëaxun nia. Nianan ca uinu ꞌicë ꞌën pëñanëx cara bimiñu ꞌicë a upíira oquian tuanun ramëníoia.

Santiago 5:4

An mitsu naënuxun ñu mëëxuncë uni camina cupíocëma ꞌain. Cupíocëma ꞌaish ca mitsu ñui banaia. Usaquian mitsu ñuia ca ángelcaman ꞌapu, Nucën ꞌIbu Dios, an cuaxa.